Фото: Гаражата на Меси од 30 милиони евра - Канал 5

Автомобилизам

Фото: Гаражата на Меси од 30 милиони евра

Најдобриот светски фудбалер, Аргентинецот Лионел Меси според дел од медиумите е сопственик на најскапата гаража на светот. 

Фото: Гаражата на Меси од 30 милиони евра

Ѕвездата на ПСЖ ја има убедливо најскапата гаража во светот на спортот, а некои извори тврдат дека автомобилите што ги поседува Меси вредат над 30.000.000 евра!

Кристијано Роналдо неодамна се почести со нов автомобил, но сепак неговата колекција од скапи возила не може да се спореди со онаа што ја има Лионел Меси.

Кристијано и Лео се натпреваруваа за суперскапиот „Ferrari 335 Spider Skagletti“ во Париз. Овој уникатен автомобил е произведен во само четири примероци, а на крајот Меси победи на аукцијата во 2016 година.

Познато е дека Меси поседува 13 автомобили и тие се претежно луксузни или спортски модели.

Меси поседува и „Ferrari F430 Spider“ ,А во колекцијата е и „Pagani Zonda Roadster“, едно од најскапите возила досега. И доста е бизарно што тој автомобил всушност никаде не смее да се вози бидејќи нема дозвола да излезе на пат.

Во гаражата на Меси има и Mercedes SLS AMG, две Maserati и две Gran Turizma, моделите S и MC Strandale. Има и автомобили од марките Ауди , Ренџ Ровер, Лексус, Доџ Чарџер и Кадилак Ескалад.

Тука е и Mini Cooper. Во гаражата на Лео има и Тојота Приус, возило со хибриден погон што е хит кај новата генерација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прекини на електричната енергија во четири азиски земји

Казахстан, Киргистан, Таџикистан и Узбекистан денес известија за прекини на електричната енергија, кои се случија „поради ненадејна промена во протокот на енергија“ од централноазиската мрежа, објави Министерството за енергетика на Казахстан.

Прекини на електричната енергија во четири азиски земји

Министерствата за енергија на сите четири земји, чии мрежи се меѓусебно поврзани, потврдија прекини на електричната енергија. Тие изјавија дека се работи на враќање на снабдувањето со електрична енергија.

Репортерите на Ројтерс во Алмати, најголемиот град во Казахстан, и Бишкек, главниот град на Киргистан, известија за прекини на електричната енергија. Локалните медиуми во Таџикистан известија за прекини во главниот град Душанбе и вториот по големина град Хуџанд.

Прекините на електричната енергија се чести во Централна Азија

Узбекистанските власти известија за прекини на електричната енергија во некои јужни делови од земјата, главно во близина на границата со Таџикистан.

Недостатокот на електрична енергија е честа појава во Централна Азија, каде што традиционалното потпирање на хидроенергија предизвикува проблеми бидејќи климатските промени ги прават хидроцентралите ранливи на недостиг на вода.

Фото: ВИ

Тагови: Азија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Грција во пламен: Пожарникарите се обидуваат да го спречат ширењето на пожарот

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер