Фото: Деми Мур потсети на својата трансформација во „Супстанција“ - Канал 5

Шоу биз

Фото: Деми Мур потсети на својата трансформација во „Супстанција“

Режисер на „Супстанција“ е Коралин Фарџит.

Фото: Деми Мур потсети на својата трансформација во „Супстанција“

Американската глумица Деми Мур за Ноќта на вештерките објави фотографија од снимањето на хорор-филмот „Супстанција“ (The Substance), којшто веќе се прикажува во киносалите во САД. Со својата „вештерска“ маска од филмот, Мур уште еднаш ги потсети своите обожаватели и следачи на, според многумина - неверојатната трансформација.

„Предупредување за ‘спојлери’. Долго време ги чував овие ’скапоцени камења‘ од снимањето на ’Супстанција‘ и денеска е денот да ги споделам. Среќна Ноќ на вештерките од Елизабет Спаркл“, напиша глумицата.

Друга слика, на којашто лицето на нејзината колешка - Маргарет Квали, е прекриено со боја налик на крв, згрози многу нејзини следбеници на „Инстаграм“ - соодветно на американскиот празник.

Режисер на „Супстанција“ е Коралин Фарџит. Приказната за позната ѕвезда чија кариера оди надолу (Мур), која користи дрога купена на црниот пазар. Супстанцијата „создава“ многу помлада верзија од протагонистката (Квали), но со неочекувани несакани појави.

YouTube video

Филмот беше премиерно прикажан во мај на 77. издание на Канскиот филмски фестивал. Фарџит беше наградена за најдобро сценарио. Има заработено повеќе од 40 милиони долари, a на ИМДБ има оценка 7,6 / 10.

Фото: Инстаграм

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ќе го лансира преклопливиот „iPhone Ultra“: Откриени цената и спецификациите, но има проблем

Според аналитичарите, „iPhone Ultra“ првично ќе биде достапен во ограничени количини.

„Apple“ ќе го лансира преклопливиот „iPhone Ultra“: Откриени цената и спецификациите, но има проблем

Се шпекулира дека „iPhone Ultra“,преклопливиот телефон на „Apple“, официјално ќе биде претставен во септември заедно со линијата „iPhone 18 Pro“. Сепак, нов извештај сугерира дека преклопливиот „iPhone“ нема да биде достапен за претходни нарачки веднаш по неговото претставување, а испораките веројатно ќе започнат малку подоцна.

Според аналитичарот Минг-Чи Куо, „iPhone Ultra“ првично ќе биде достапен во ограничени количини поради предизвици во производството. Како резултат на тоа, се очекува претходните нарачки да започнат подоцна од „iPhone 18 Pro“ и „iPhone 18 Pro Max“.

Куо вели дека „Apple“ би можел да започне со испорака на преклопливиот „iPhone“ во четвртиот квартал од 2026 година. И покрај очекуваната цена од 2.300 до 2.500 долари, аналитичарот верува дека „iPhone Ultra“ ќе се распродаде во моментот кога ќе се појави во продажба.

Вреди да се напомене дека неодамнешниот извештај тврди дека „Apple“ ја зголемил својата производствена цел за „iPhone Ultra“ за 2026 година на околу 10 милиони единици. Се шпекулира дека „iPhone Ultra“ ќе има главен екран од 7,76 инчи и надворешен екран од 5,49 инчи. Се вели дека ќе биде напојуван од претстојниот чипсет „Apple A20 Pro“ со 12GB RAM меморија. Се очекува преклопливиот телефон да има и батерија од 5.500mAh.

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе присуствуваа на погребната поворка на Али Хамнеи

Според извештајот на иранската официјална новинска агенција ИРНА, милиони Иранци учествуваа во погребната поворка за врховниот лидер Али Хамнеи во светиот град Ком на 7 јули, како дел од седумдневниот период на жалост.

Милиони луѓе присуствуваа на погребната поворка на Али Хамнеи

Погребната поворка започна од џамијата Џамкаран и продолжи по авенијата на Пророкот Мухамед, на растојание од околу седум километри, до светилиштето на Хазрат Фатима Масуме.

Од раните утрински часови, областа околу светилиштето и патиштата што водат до центарот на Ком беа исполнети со луѓе од целиот Иран, кои дојдоа да се збогуваат со Хамнеи и неговото семејство.

ИРНА објави дека, во атмосфера на жалост, собраните по патеката постојано скандираа религиозни и револуционерни слогани, додека свештениците држеа погребни говори.

Што се однесува до церемонијата во Ирак, премиерот Али ал-Заиди ќе присуствува на официјалното пречекување на останките на врховниот лидер Хамнеи на меѓународниот аеродром Наџаф.

Се очекува голем број високи ирачки и ирански функционери да присуствуваат на церемонијата на пречек, со што ќе се означи почетокот на комеморативните и погребните церемонии во Ирак на 8 јули.

Управата за светилиштето Имам Али во Наџаф објави дека сите подготовки за погребните церемонии во Ирак се завршени, со координација на надлежните органи, вклучувајќи ги безбедноста, логистиката, јавните услуги и услугите за управување со толпи.

Според планот, погребната поворка ќе тргне од Куфа за Наџаф наутро на 8 јули, а потоа ќе продолжи кон Кербала истиот ден.

Се очекува милиони луѓе да учествуваат на церемониите во двата свети града.

Во меѓувреме, Црвената полумесечина од иранската покраина Хузестан испрати 15 тимови со вкупно 55 членови во Наџаф и Кербала, Ирак, за да обезбедат медицинска помош, спасувачки операции и да одговорат на итни случаи за време на погребните церемонии.

Седумдневниот период на жалост за врховниот лидер Али Хамнеи започна на 3 јули во Техеран, со присуство на високи функционери од десетици земји.

По комеморациите и збогумските церемонии во Техеран, погребната поворка продолжува низ светите места во Иран и Ирак, пред да заврши во Машхад на 9 јули.

Извор: Б92

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Разочаран сум од НАТО, ако самитот не беше во Турција, можеби немаше ни да присуствувам

Трамп по пристигнувањето во Анкара за самитот на НАТО упати остри критики кон Алијансата.

Трамп: Разочаран сум од НАТО, ако самитот не беше во Турција, можеби немаше ни да присуствувам

Американскиот претседател Доналд Трамп по пристигнувањето во Анкара за самитот на НАТО упати остри критики кон Алијансата, оценувајќи дека сојузниците не им дале доволна поддршка на Соединетите Американски Држави во нивните акции против Иран. За време на средбата со турскиот колега, Ердоган, Трамп рече дека е разочаран од односот на сојузниците, посочувајќи дека сад со години вложуваат огромни средства во безбедноста на земјите-членки на НАТО. Toj воедно повторои дека би сакал да ја преземе контролата врз Гренланд и предупреди дека „може“ да ги повлече сите американски трупи од Европа.

-Бев многу разочаран од НАТО. Но не бевме добро третирани, затоа што направивме нешто во Иран. Не ни треба ничија помош. Не ја ни сакав нивната (НАТО) помош, но пред да прашам рекоа дека нема да бидат таму. Ние инвестиравме трилиони долари во НАТО. Зошто? За да ги заштитиме европските земји.- изјави Трамп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер