Големата балканска музичка ѕвезда и екс тенисерот се договориле да ја продадат старата јахта за околу 100 000 евра и да купат поголема и полуксузна. Брена и Боба во Италија ја порачале јахтата од моделот „Азимут с26“ од 26 метри која има шест кабини, кујна, салон со кино и други луксузни работи.
Лепа Брена и Боба Живојиновиќ купуваат јахта од 890 000 евра, пренесоа дел од српските медиуми. Тие се решиле да го продадат својот брод купен во 2015 година за околу 100 000 евра и да купат нова многу поголема и полуксузна јахта.
Оваа нивна одлука најмногу ги израдува синовите Виктор и Стефан кој сега ќе можат со друштво да летуваат на својата јахта.
- Брена и Боба често со семејството и пријателите крстосуваат по Јадранот, но сега ќе имаат многу поголем комфор, изјавил за медиумите извор близок до Брена и Боба.
Новата jахта, популарната брачна двојка ја пазарела во Италија, од компанијата „Азимут“ која спаѓа во редот на најдобрите производители на луксузни јахти на светот.
- Боба и Брена неодамна биле на саем на наутика во Италија, каде им се допаднал моделот „Азимут с26“ . Оваа јахта е долга 26 метри и широка скоро шест .Има четири кабини и осум кревети, како и уште две кабини со по еден кревет за членовите на екипажот. Јахтата има комплетно опремена и модерна кујна и домашно кино опремено со најсовременото озвучување, раскажал изворот кој истакнал дека за дизајнот на јахтата биле задолжени двајца реномирани италијански архитекти.
- Ентериерот го дизајнирал Карло Галеаци а надворешниот дизајн е на Стефано Ринини. Максималната брзина на бродот е 77 км . на час и опремена е со најсовремениот систем за навигација. Брена и Боба веќе ја порачале оваа јахта и наскоро од Италија со неа ќе пловат до Црна Гора, каде таа ќе биде восидрена, дополнил истиот извор.