Фити: Имаме многу добра законска регулатива за животна средина, но не се спроведува - Канал 5

Македонија

Фити: Имаме многу добра законска регулатива за животна средина, но не се спроведува

Македонија има многу добра законска регулатива за животна средина, одлична. Кога ги читате законите и подазконските акти, се е тоа прилагодено според европски стандарди, со модерни пристапи како да се бориме.

Фити: Имаме многу добра законска регулатива за животна средина, но не се спроведува

Генералниот проблем е имплементација, значи не се спроведуваат законите и тоа се гледа со голо око. Не е доволно да имате добра регулатива ако таа не се спроведува. Ова денеска го изјави претседателот на Македонската акдемија на науките и уметностите академик Таки Фити пред почетокот на научната конференција „Загадувањето на градовите во Република Македонија: кои се решенијата?" во организација на МАНУ.

Тој информира дека конференцијата има за цел да даде јасна и кратка дијагноза на состојбите, како се загадени градовите, од што, кои се главните извори на загадување и најважно е да се предложат мерки, краткорочни и долгорочни, како овој процес да се ублажи и како да се намалат негативните последици.

Одговарајќи на новинарско прашање дали во Македонија компаниите повеќе го ценат профитот или човечкиот живот, Фити рече дека повеќе се цени профитот и оти тука е проблемот на загадувањето.

– Основна целна функција на фирмите во пазарна економија е да го максимизираат профитот. Ако сакате да го максимизирате прифитот доколу тоа некој ви го дозволи, Вие нема да вградувате филтри за прочистување на воздухот, нема да вградувате технологија за прочистување на водата, само слободно ќе ги исфрлате во водухот, во блиската река и ќе ја деградирате животната средина. Ако инвестирате во технологии за заштита на животната средина Ви растат трошоците, намалува профитот. Пазарот ве тера тоа да го правите. Но, затоа е тука државата да каже стоп, оваа работа не може и мора да се држите до овие стандарди и има четири-пет пристапи: државна контрола, директно плаќање на високи еколошки даноци, договорни пристапи кои во економијата се познати по нобеловецот Роналад Коуз, изјави Фити.

Македонија, како што рече, ги има сите три пристапи во законот, но проблемот е што тешко се имплементираат, иако има подобрување во последните години, како во случаите со Железарница, Југохром. Според него, мора да се покаже и строгост и мора да се почитува здравјето.

Академик Владо Матевски, претседател на Организацискиот одбор на конференцијата потсети на синтагмата загадувачот плаќа, односно дека штетите кои произлегуваат од загадувањето треба да ги плати загадувачот.

– Но, доколу државата тоа не го утврди тогаш останува штетата са ја плати државата, во случајов граѓаните, што и најчесто се случува, рече Матевски.

Државниот секретар во Министерството за животна средина и просторно планирање Ана Петровска изјави дека долги години ги анализираат причините за состојбите со загадувањето, не само на воздухот, туки со водите и почвата.

– Идејата би била да се почне со спроведување мерки кои се наједноставни, кои можеме веднаш да ги спроведуваме и кои имаат најголемо позитивнио влијание врз намалувањето на загадувањето. Државата има стратешки документи, Град Скопје и другите градови имаат свои стратешки документи, имаме институции, граѓански сектор, јавност која сега е со многу повисока свест. Во овој момент многу предуслови се исполнети и многу поинтензивно сега да се решаваат, еден по еден, горливите проблеми во животанта средина, рече Петровска.

На конференцијата пристигнале 39 наслови на презентации од 99 автори и коавтори кои се распределени во седум сесии: аерозагадување, енергетика/греење, сообраќај, индустрија/почва/храна, води, урбанизам/шумарство/озеленување и општи аспекти на урбаното загадување.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Медицинска сестра Стефани Столевска: Сите сме потенцијални пациенти, но и потенцијални дарители на живот, затоа да кажеме „да“ за органодарителството

Столевска уште еднаш потсетува на важноста на дарувањето органи, за човечноста, за хуманоста и за секоја добронамерно донесена одлука за спас на пациентите.

Медицинска сестра Стефани Столевска: Сите сме потенцијални пациенти, но и потенцијални дарители на живот, затоа да кажеме „да“ за органодарителството

Медицинската сестра, Стефани Столевска од Клиниката за анестезија, реанимација и интензивно лекување (КАРИЛ), во видео обраќање, во рамки на националната кампања за подигнување на свесноста за органодарителство и трансплантација, уште еднаш потсетува на важноста на дарувањето органи, за човечноста, за хуманоста и за секоја добронамерно донесена одлука за спас на пациентите.

-Како медицинска сестра-анестетичар и дел од тимот за трансплантација на органи најпрво би сакала да изразам огромна благодарност кон семејствата на пациентите коишто се наоѓаат во многу тежок момент за донесување одлука за дарување орган. Во тој момент се наоѓаат во многу тешка ситуација, а истовремено придонесуваат да се продолжи нечиј друг живот. Сакам да упатам апел кон целата популација во нашата држава за што почесто дарување на органите, затоа што сите сме потенцијални пациенти, потенцијални донори и никогаш не знаеме што би било во иднина, истакнува Столевска

Министерот за здравство, Азир Алиу посочува дека со ова видео ја продолжуваме кампањата „Органодарителството ѝ дава највисока смисла на човечноста!“, за да ја зајакнеме јавната свест, довербата и подготвеноста за разговор на оваа тема.

-Последните трансплантации на срце и бубрег уште еднаш нè потсетија дека зад секој спасен живот не стои само медицинска експертиза, туку и една длабоко хумана одлука. Најсилната порака денес доаѓа од докторите, затоа што тие секојдневно ги гледаат и болката на семејствата и надежта на пациентите што чекаат трансплантација, порачува министерот Алиу.

YouTube video

Тагови: органодарителство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 32 загинати во катастрофалните земјотреси во Венецуела (ВИДЕО)

Најмалку 32 лица загинаа, а повеќе од 700 беа повредени во два земјотреса, со магнитуда од 7,2 и 7,5 степени, кои ја погодија Венецуела утрово по средноевропско време.

Најмалку 32 загинати во катастрофалните земјотреси во Венецуела (ВИДЕО)

Се очекува бројот на жртви значително да се зголеми, а многумина се водат како исчезнати.

Земјотресите го погодија северниот дел на Венецуела, западно од Каракас.

Вршната претседателка Делси Родригез прогласи вонредна состојба откако два земјотреси и последователни потреси ја погодија земјата, соборувајќи згради во главниот град Каракас и на други места, и им изрази сочувство на семејствата на загинатите во обраќање на државната телевизија.

„Десетици згради се урнаа и во моментов спроведуваме многу интензивни спасувачки напори за да спасиме што е можно повеќе животи. Исто така, сакам да кажам дека ова е вистинска трагедија. Оттука испраќаме порака за солидарност и повторно изразуваме сочувство и поддршка на семејствата кои ги загубија своите најблиски во овие тешки часови“, рече Родригез.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ПССЕ: Фокус на демократијата, вештачката интелигенција и медиумските стереотипи

Пратениците Иванка Василевска, Беким Ќоку и Бисера Костадиновска Стојчевска остварија повеќе билатерални средби во текот на сесијата.

ПССЕ: Фокус на демократијата, вештачката интелигенција и медиумските стереотипи

Во текот на сесијата на Парламентарното собрание на Советот на Европа, која се одржува во Стразбур и на која учествуваат Иванка Василевска, во својство на заменик-шеф и членовите Беким Ќоку и Бисера Костадиновска Стојчевска, една од темите која предизвика големо внимание беше заштитата на демократијата од нарушувањата предизвикани од вештачката интелигенција.

Во своето обраќање на оваа дебата, Иванка Василевска истакна дека вештачката интелигенција има потенцијал да ја зајакне демократијата преку подобрување на процесот на донесување одлуки и зголемувањето на учеството на граѓаните, но, таа исто така носи ризици како што се дезинформациите, лагите и мешањето во изборните процеси. Со цел да се обезбеди вештачката интелигенција да биде од корист за општеството, таа мора да се развива и користи одговорно, транспарентно, праведно и со почитување на човековите права. Василевска нагласи дека Рамковната конвенција на Советот на Европа за вештачка интелигенција е првиот правно-обврзувачки договор кој ја регулира оваа област и информираше дека државата стана потписник на оваа значајна конвенција на 8 мај 2026 година, со што ја демонстрира својата посветеност кон етичкиот развој на вештачката интелигенција.

Пратеничката Бисера Костадиновска Стојчевска, во име на партиската група на социјалистите, демократите и зелените, се вклучи во расправата за елиминирањето на родовите стереотипи во медиумите, нагласувајќи дека често во медиумите се даваат поедноставени и погрешни прикази на жените и мажите што ги зајакнуваат традиционалните родови улоги и придонесуваат за нееднаквост. Таа истакна дека жените често се прикажани како лица кои се грижат за другите, додека мажите се прикажани како силни, успешни лидери. Според Костадиновска Стојчевска, овие стереотипи ги обликуваат јавните ставови и можат негативно да влијаат врз самодовербата на децата, изборот на кариера и разбирањето на родовите улоги. Таа заклучи дека елиминирањето на родовите стереотипи во медиумите е од суштинско значење за промовирање на еднаквоста и создавање поинклузивни општества.

Пратениците Иванка Василевска, Беким Ќоку и Бисера Костадиновска Стојчевска остварија повеќе билатерални средби во текот на сесијата, активно учествуваа во работата на комисиите и на поткомисијата за Западен Балкан, како и во специјализираните иницијативи на Парламентарното собрание, како парламентарната алијанса за слободни и фер избори, комитетот за новиот демократски пакт и други.

Тагови: ПССЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер