Производителите предупредуваат дека неизвесноста околу тоа колкави ќе бидат откупните цени е голема и бараат итно да се свика Потсекторската група за жито за да се дефинираат откупните цени. Според нив, поскапувањето на репроматеријалите, горивата и механизацијата значително ги зголемиле трошоците за производство, а дополнителен проблем е и доцнењето на субвенциите.

И останатите земјоделски здруженија се со сличен став дека под 16 денари не треба годинава да се откупува пченицата како стратешка кулутра ако сакаме да ги зголемуваме површините и да ја намалуваме увозната зависност од лебно жито. Став побаравме и од министерството за земјдоелство во кој се вели..

Во текот на наредната недела ќе се одржи состанок на потсекторската група за жито на која една од точките на дневен ред ќе биде претстојната жетва на пченицата и јачменот.

Дополнителен проблем за земјоделците е условот кој го постави државата 30% од родот да е предаден кај регистриран откупувач кој сега може да го злоупотребат откупувачите заради што и бараат државата да ги заштити со брзо носење на реална пресметката за производната цена која треба да биде заштита за земјоделците од манипулации со цената.

Велат дека во периодот на жетва за одржување на реалната откупна цена многу би помогнало и ако навреме се вклучат и стоковите резерви со откуп. Барањата на земјоделците се совпаѓаат и со актуелните движења на светските пазари.

Анализите на меѓународните берзи покажуваат дека годинава се очекува намалено производство кај дел од најголемите производители на пченица, додека климатските ризици и намалените залихи ги одржуваат цените на релативно високо ниво. Покрај неизвесноста околу откупната цена, земјоделците реагираат и поради доцнењето на исплатата на субвенциите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

- Оптимизмот, како што рече, го темели на билатералните средби со францускиот претседател Макрон и германскиот канцелар Мерц и нивниот нов предлог за забрзана интреграција на Западен Балкан. Според Мицкоски точно е дека во т.н. нон-пејпер за одреден број алатки неопходни се затворени кластери со почнати преговори, но од друга страна според него планот на Париз и Берлин нуди механизми кои се функционални дури и без промена на постоечките европски договори. Сепак, го повтори ставот дека Владата нема да поддржи уставни измени без конкретни гаранции од ЕУ, позиции за кои, како за што рече, Макрон и Мерц покажале интерес.

-Мојот оптимизам се темели на тоа што јас бев единствениот кој од земјите од западен Балкан имаше билатерални состаноци и со францускиот претседател Макрон и со германскиот канцелар Мерц. И точно знам што се зборуваше на тие состаноци и точно знам што ќе следи во периодот којшто е пред нас. Разговаравме на темата (за уставни измени). И едниот и другиот покажаа голема заинтересираност посебно претседателот Макрон така што очекувам во периодот кој следи да имаме интензивирање на разговори на оваа тема, изјави Мицкоски.

Осврнувајќи се на изјавата на бугарскиот премиер Радев дека Македонија мора да ги внесе Бугарите во Уставот за да ги започне преговорите со ЕУ, Мицкоски порача дека непринципиелно е бугарскиот премиер да бара почитување на човековите права, а да не ги спроведува 14-те пресуди од судот во Стразбур за правата на Македонците во Бугарија.

Непринципиелно е, бидејќи ги слушав вчера изјавите, да се повикувате почитување на човековите права, нели така кажа бугарскиот премиер, а на бирото да ви стојат 14 пресуди од судот за човекови права во Стразбур и да не дозволувате македонската заедница во Бугарија да си регистрира невладина организација. И непринципиелно е да ги гледате луѓето во очи и да не ја говорите вистината. Или принципите важат за сите или не важат, кажа Мицкоски.

Премиерот информираше дека Акцискиот план за малцинства е готов и усогласен со експерт за човекови права од ЕК. Неофицијално според Мицкоски тој е усогласен со 26 земји членки освен со една - Бугарија која се противи и Македонија да биде дел од иницијативата „Трите мориња“. Причините за ова, како што кажа, не му се познати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Центарот кој е единствен од ваков тип во земјава ќе функционира како дел од Институтот за јавно здравје – диркеотрката на ИЈЗ Марија Андоновска вели прегледите ќе се закажуваат преку мој термин...

На отворањето на центарот надлежните порачаа дека менталното здравје пред се кај децата и адолесцентите мора да биде приоритет и да се третира соодветно.

„Стручни лица ќе работат со деца, со тинејџери, со родители и со наставници, за надминување на емоционалните, семејните и личните предизвици, ќе се водат разговори, ќе се даваат насоки, не само за надминување на проблемите, туку и за понатамошен емоционален развој, развој во комуникациски вештини и надминување на сите оние бариери со коишто се сретнуваат децата или проблеми во текот на живот во предшколската, шкоската, училишната и нели во малце повозрасните. Тоа ќе можат сите овие категории да го направат со помош на мој термин....“ - Марија Андоновска – Институт за јавно здравје.

„За жал ментланото здравје никогаш не било третирано како што тоа се третира во светот за среќа во овој период во здравствениот систем менталното здравје почнува да се третира и да се гледа со приоритет како што тоа се прави во цел свет. Се со цел да може да бараат стручна помош ... “ - Азир Алиу – министер за здравство.

Со цел воспоставување на ред во здравството, но и последниот извештај на Државниот завод за ревизија, кој се однесуваше токму на Институтот за јавно здравје а во кој беше нотирано дека 30тина луѓе со години не оделе на работа а земале плата, Алуи најави нови апаратчиња за откучување при влез и излез од работните места. Станува збор за апарати на кои вработените ќе треба да се откуцуваат со фингер принт нешто што веќе се применува во министерството за здравство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.