Филипче: Не преговараме за фотељи и позиции, велиме малцинства во Уставот сега - Канал 5

Македонија

Филипче: Не преговараме за фотељи и позиции, велиме малцинства во Уставот сега

Повикот да се изгласаат уставните измени и да се понесе заедничка одговорност со власта не значи повик за широка влада- појаснува лидерот на СДСМ Венко Филипче, откако во дел медиумите така се толкуваше неговата понуда до Мицкоски.

Филипче: Не преговараме за фотељи и позиции, велиме малцинства во Уставот сега

-Ние не преговараме за фотелји и позиции. Ние зборуваме за иднината на Македонија во Европската Унија. Реформи сега. Малцинства во Уставот сега. Европа сега.- пишува Филипче на платформата Х. Од неговата партија и денеска повторија дека сега е шансата за продолжување на евроинтграциите преку уставни измени, во спротивно велат ќе имаме затворени врати со децении.

-Доколку ја пропуштиме оваа шанса за полноправно членство во ЕУ, ризикуваме да станеме слепо црево на Балканот. Затоа претседателот на СДСМ, д-р Венко Филипче го повика Христијан Мицкоски на државничка одговорност. Заеднички да ги изгласаме уставните измени. Подготвени сме целосно да ја споделиме одговорноста за овој процес, како што тоа го правеле сите политички партии во државите што успешно преговарале и станале членки на Европската Унија,- Богданка Кузеска – портпарол на СДСМ.

Од владејачката партија обвинуваат дека со инсистирањето да се изгласаат уставните измени, Филипче бил заштитник на бугарските ставови. Наместо да повикува на обединување околу Бугарите во Уставот, нека ни се приклучи во одбрана на македонските интереси, порачаа од ВМРО-ДПМНЕ.

-Филипче е најголем промотор на бугарските позиции во Скопје. Филипче и СДС, ден денес имаат ист став по однос на Уставните измени со бугарските власти, предводени токму од Румен Радев. Филипче и СДС имаат ист став со бугарските власти дека ние сме „северномакедонци’’, дека Гоце Делчев е Бугарин, но кога ќе се дојде до темата уставни измени, тука Бугарија вели јасно и гласно дека тоа не е последниот чекор на Македонија кој треба да го испорача за да стане дел од европското семејство, додека уценетиот Филипче од негови познати причини ги лаже граѓаните дека ова е последниот чекор и дека утредента ќе станеме дел од ЕУ,- Валентин Манасиевски – портпарол на ВМРО-ДПМНЕ.

Политичкиот аналитичар Патар Арсовски оценува дека за ова прашање е добро да се создаде консензус, но шансите за успех и понатаму се минимални.

-Ако некогаш се направат уставните измени, ако некогаш ги отвориме чаптерите и поглавјата најверојатно ќе биде добро сите политички партии да работат заедно на таа трансформативна агенда бидејќи е многу комплицирана, на многу места се бараат двотретински измени.. Меѓутоа во овој момент имајќи ја предвид политичката тензија дома, но и зголемувањето на антагонизмот меѓу Скопје и Софија, веројатноста дека ќе се направи таков консензус останува минимален,- Петар Арсовски – политички аналитичар.

Власта и опозицијата целосно различно го толкуваат и напредокот во реформите и добиените пари од Планот за раст. Според СДСМ, Македонија заостанува зад земјите од регионот со реализација на обврските, додека од ВМРО-ДПМНЕ велат дека имаме успешна реформска агенда која ќе биде потврдена и од самата ЕУ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер