Филипче ја прифати оставката на Рубин Земон од ИО на СДСМ - Канал 5

Македонија

Филипче ја прифати оставката на Рубин Земон од ИО на СДСМ

Лидерот на СДСМ Венко Филипче соопшти дека ја прифаќа оставката на членот на ИО, Рубин Земон, која ја поднесе по реакциите во јавноста за неговата средба во Софија со Виктор Стојанов од Фондацијата Македонија, кој има забрана за влез во земјава. 

Филипче ја прифати оставката на Рубин Земон од ИО на СДСМ

Лидерот на СДСМ Венко Филипче експресно ја прифати оставката на Рубин Земон од извршниот одбор на партијата, по неговата заедничка фотографија со претседателот на бугарската фондација „Македонија“, Виктор Стојанов. Филипче верува во објаснувањето на Земон дека нивната средба во Софија била случајна и смета дека е добар потег неговото повлекување од партиските органи.

„Не, немав информации за средбата, јас разговарав вчера со него од коа излезе тоа по јавните мрежи. Иако ми објасни дека е целосно случајна средба, немал никаква апсолутно намера, јас сметам дека таква штета на партијата не треба да се нанесува. Се случуваат ненамерни пропусти, но оставката ја сметам за одличен морален чин, човекот едноставно не сака да прави терет на партијата, којшто ниту го заслужуваме, ниту пак има некаква суштинска врска или работа со тие состаноци. Таа тема со тоа е завршена.“

Од владејачката ВМРО-ДПМНЕ велат дека фотографијата која беше објавена, а потоа избришана од фејсбук профилот на фондацијата е потврда дека СДСМ и лидерот Филипче одработуваат за бугарските интереси, како што велат, со единствена цел да се внесат Бугарите во македонскиот Устав. Филипче тврди дека овие обвинувања се пропаганда, а тој се залагал само за македонските позиции.

„Оваа коалиција на Венко Филипче и Рубин Земон, односно на СДС со бугарски организации е спремна да го негира македонскиот идентитет, да го оспори нашиот македонски јазик, да ја избрише македонската историја и да ја уништи македонската култура. Ете, со овие луѓе соработува или коалицира уценетиот Венко Филипче и неговата СДС.“

„Јас лично и СДСМ ги застапуваме ексклузивно интересите на државата, македонските интереси. Интерес на државата е да се интегрира во ЕУ. Уставните измени не се интерес на Бугарија, Бугарија е земја членка на ЕУ, членка на Шенген, на еврозоната.. Туѓи интереси се да не го направиме чекорот, вистинското прашање е чии интереси ВМРО застапува со тоа што не се прават уставните измени и да се отворат преговорите со ЕУ?“

Филипче и денеска го повика премиерот Мицкоски заеднички да ги изгласаат уставните измени со цел да се продолжат преговорите со Европската Унија, и да ја споделат одговорноста за тој чекор. Тој повтори дека со овој повик неговата единствена намера е напредок на државата, а не учество во широка влада.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Сиљановска-Давкова со Здружението на воени ветерани и воени инвалиди „Братство 2001“

Во Народната канцеларија во Скопје, денеска претседателката Гордана Сиљановска-Давкова оствари средба со претставници на Здружението на воени ветерани и воени инвалиди „Братство 2001“.

Средба на Сиљановска-Давкова со Здружението на воени ветерани и воени инвалиди „Братство 2001“

На средбата присуствуваа Владо Томески, претседател на здружението, Петар Јанчевски, Мики Ристовски и Сашко Голубовски.

Според нив, Законот за посебните права на припадниците на безбедносните сили на Република Македонија и на членовите на нивните семејства, од 2002 година, селективно се применува од страна на институциите на централно и локално ниво.

Поради тоа, тие се соочуваат со дискриминација во остварувањето на законски утврдените права врзани со вработувањето, напредувањето, бесплатните здравствени услуги и бесплатното факултетско образование за нивните деца.

Тие ја информираа претседателката дека не се спроведуваат дури ни правосилните судски пресуди, донесени во нивна корист.

Претставниците на Здружението на воени ветерани и воени инвалиди „Братство 2001“ укажаа на потребата од измена и дополнувања на законот, за нивните посебни права, заради прецизирање на решенијата и унапредување на нивните бенефиции.

Според Сиљановска-Давкова, укажувањата и забелешките на бранителите заслужуваат должно внимание од надлежните институции, како и почитување на еднаквата примена на законот за сите.

Таа вети дека Кабинетот ќе ги информира надлежните органи за презентираните проблеми, укажувајќи на нужноста од почитување и спроведување на Законот за посебните права на припадниците на безбедносните сили на Република Македонија и на членовите на нивните семејства, како и пресудите.

За претседателката, придонесот на бранителите не смее да биде заборавен ниту занемарен, туку мора да се почитува и валоризира.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ова се последиците од разорното торнадо во САД: Застрашувачки снимки го обиколија светот

Стотици илјади луѓе останаа без струја откако торнада и бури го погодија средниот запад на Соединетите Американски Држави, а најмалку едно лице загина во бурата, објавија денес американските медиуми.

Ова се последиците од разорното торнадо во САД: Застрашувачки снимки го обиколија светот

Бурата оштети неколку згради и доведе до откажување на летови, објави „CBS News“.

Неколку торнада ја погодија областа во близина на Чикаго синоќа, а вкупно 11 градови во државите Илиноис и Висконсин ги пријавија.

Според службата за следење на комуналните услуги, „PowerOutage.us“, повеќе од 221.000 клиенти беа без струја во Илиноис до петок наутро.

Во градот Де Мојн, Ајова, 54-годишен маж почина во среда во камп за бездомници откако беше удрен од дрво кое се скрши и падна за време на бурата, соопшти полицијата.

Мажот беше пронајден тешко повреден во четврток наутро и почина на местото на настанот, соопштија властите.

Пред да удрат торнадата, Центарот за предвидување на бури на Националната метеоролошка служба го зголеми предупредувањето за силна бура на ниво 4 од 5.

Според „CBS News“, ова е прв пат Чикаго да се соочи со такво ниво на ризик од 15 јули 2024 година, кога областа беше погодена од рекордна серија од 32 торнада. Ова ниво на ризик обично се случува еднаш на секои две години.

Силните бури, исто така, ги заземјија летовите

Силните бури ги заземјија летовите на меѓународните аеродроми О'Хара и Мидвеј во Чикаго во среда и четврток.

Повеќе од 1.000 летови беа одложени или откажани, според веб-страницата за следење на летови „FlightAware“.

Летовите беа одложени или откажани и на аеродромите во други градови, вклучувајќи ги Филаделфија, Њујорк и Њуарк, Њу Џерси.

Националната метеоролошка служба доби повеќе од десетина пријави за торнада низ северниот дел на Мисури, Ајова, Канзас и Илиноис.

„Комонвелт Едисон“, кој обезбедува електрична енергија во северен Илиноис, соопшти дека бурите собориле столбови и жици за електрични инсталации, а на мрежата „X“ соопшти дека се очекува електричната енергија да биде вратена за 80 проценти од корисниците до 23 часот во сабота.

Штети се пријавени и на аеродромот „Абрахам Линколн Капитал“ во Спрингфилд.

Извор: Б92

Тагови: САД Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена локална облачност

Времето утре ќе биде сончево со мала до умерена локална облачност.

Утре сончево со мала до умерена локална облачност

Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 8 до 16, а максималната значително ќе опадне во однос на денешната и ќе дбиде во интервал од 22 до 28 степени.

Во Скопје, променливо облачно и посвежо. Ќе дува засилен, во делови од котлината повремено силен ветер од северен правец. Минималната температура ќе се спушти до 12, а максималната ќе достигне до 27 степени.

До четврток времето ќе биде претежно сончево и стабилно, освен во среда кога се очекуваат нови врнежи од дожд. За време на викендот ќе биде посвежо, а од понеделник температурата ќе биде во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер