Македонија

Филипче: Буџетот е пред колапс, нема пари за поголеми плати, пензии, нема за мерки

Буџетот е пред колапс, нема пари за поголеми плати, пензии, нема за мерки, обвини претседателот на СДСМ, Венко Филипче, на денешната прес-конференција.

Буџетот е пред колапс, нема пари за поголеми плати, пензии, нема за мерки, обвини претседателот на СДСМ, Венко Филипче, на денешната прес-конференција, посочувајќи дека Владата не успеа да обезбеди подобар животен стандард за граѓаните, а состојбата во економијата е сериозно влошена.

„Со Мицковски на власт се случува економска катастрофа. Нема пари за поголеми плати и пензии, нема пари за зголемување на минималната плата на 600 евра. Нема пари за земјоделците. Не само што нема зголемување на субвенциите, има намалување, а замислете, дел од земјоделците треба да вратат исплатени субвенции за 2024 година“, обвини Филипче.

Тој потенцираше дека граѓаните не добиваат соодветна заштита во услови на растечки трошоци за живот.

„Нема никакви мерки да се заштитат граѓаните во услови на криза. Синдикалната кошничка достигнува речиси 69.000 денари. Ниту три минимални плати практично не се доволни да се покрие оваа кошничка, а Владата ги крати продуктите коишто влегуваат во кошничката. Замислете каква манипулација. Околу 160.000 работници земаат плата до 30.000 денари и тоа едноставно не е доволно да се надмине прагот на сиромаштијата во просечното македонско работничко семејство“, посочи претседателот на СДСМ.

Тој нагласи дека сиромаштијата, инфлацијата и растот на цените дополнително ја влошуваат економската состојба.

„Сиромаштијата расте. Стапката достигна 27,9% во првата година од владеењето на ВМРО-ДПМНЕ. Инфлацијата достигна 5,7%, додека во еврозоната е околу 3%. Новите поскапувања на горивата доведоа сè друго да поскапи. Мерки не се воведоа навремено. Едноставно нема еден сегмент во економијата којшто е добар. Буџетот е пред колапс, нема пари за ништо. Едноставно, Владата е фокусирана да најде нови извори за задолжување. Јавниот долг е зголемен за само две години, генериран е нов долг од 2,5 милијарди евра, пари коишто ќе ги враќаат којзнае колку следни генерации“, потенцираше Филипче, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орце Ѓорѓиевски: Водата во Скопје е безбедна за пиење

Скопје има една од петте најдобри води за пиење во Европа.

- Водата во Скопје е безбедна за пиење. Јас не сум монструм да им дозволам на граѓаните да пијат загадена вода, порача првиот човек на Скопје откако на вонредната прес конференција во градот Скопје свикана поради пораките на социјалните мрежи дека скопската вода е загадена , побара и се напи чаша вода наполнета од чешма.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Зошто власта бега од анализа на водата во целата држава и објава на резултатите?

Пет недели Гостивар нема безбедна вода за пиење. Во повеќе од 50 населени места низ државата водата не е безбедна.

Во околината на Рашче тлее нова потенцијална еколошка и здравствена катастрофа.

Загадена е водата за пиење и во Свети Николе - утврдени се микробиолошки отстапувања во водата од водоводната мрежа.

Затруени се реките Тополка и Бабуна, бела хемиска материја имаше во реката Лепенец и Вардар.

Граѓаните од цела држава се во грч за тоа каква е водата.

Во оваа ситуација, се поставува прашањето зошто власта на Мицкоски не прифаќа да се направи анализа на водата во цела држава и јавно да се објават резултатите?

Луѓето имаат право да знаат каква е водата што ја пијат.

Станува збор за нивното здравје.

Владата нека ги направи анализите и нека ги објави резултатите.

Видовме до што доведе криењето на информации во Гостивар - 5000 луѓе затруени, секојдневно нови случаи, па дури и реинфицирани граѓани.

Не чекајте, направете ги анализите и објавете ги резултатите!

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Утре и задутре следуваат пороен дожд, грмежи и засилен ветер, локално во форма на невреме

Како што информира УХМР, локално процесите ќе бидат во форма на невреме со силен ветер и услови за појава на град. температурата ќе опадне за неколку степени.

Утре и во петок времето на некои места од источна и југоисточна Макеоднија ќе биде нестабилно со пороен дожд, грмежи и засилен ветер.

Како што информира УХМР, локално процесите ќе бидат во форма на невреме со силен ветер и услови за појава на град. температурата ќе опадне за неколку степени.

Во Скопје времето ќе биде променливо облачно со сончеви периоди и со постепен пад на температурата...

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.