Фудбал

ФИФА ја одбра најдобрата екипа за 2023.- Меси го собори рекордот

Меѓународната организација на професионални фудбалери ФИФПро ги избра најдобрите 11 фудбалери во 2023 година.

Ова е рекорден 17-ти пат на Меси да биде избран од ФИФПро во најдобрите 11 на светскиот фудбал. Аргентинецот е во секоја селекција од 2007 година, до сега.

Она што е исто така интересно, повеќе од половина од тимот го сочинуваат играчи на Манчестер Сити, целата одбрана е на Сити, двајца играчи од средниот ред и еден напаѓач.

Ниту тоа не е изненадување, бидејќи освоија сѐ што можеше да се освои.

Очекувано во тимот е Ерлинг Халанд кој минатата година беше најдобар стрелец во Премиер лигата и неговиот тим. Тука е и Кевин де Брујн, кој беше мотор на тимот и најдобар асистент. Исто така, Бернардо Силва најде место во најдобрите 11.

View this post on Instagram

A post shared by Fabrizio Romano (@fabriziorom)

Како столбови на одбраната се и Кајл Вокер, Џон Стоунс и Рубен Диас.

Во најдобрите 11 место најде и Килијан Мбапе, заедно со Винисиус Јуниор. Покрај Винисиус има уште двајца играчи на Реал - Џуд Белингем и Тибо Куртоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рејтингот на Трамп падна на најниско ниво во актуелниот мандат

Рејтингот на американскиот претседател Доналд Трамп падна на најниско ниво од почетокот на неговиот втор мандат, покажува најновата анкета на Ројтерс и ИПСОС.

Истражувањето покажува дека само 33 отсто од испитаниците го одобруваат неговото работење, додека 64 отсто не го поддржуваат. Околу 80 отсто од Американците се изјасниле дека американското учество во конфликтот со Иран ќе трае подолго време, додека само еден од пет испитаници смета дека војната била оправдана.

Падот на поддршката создава дополнителен притисок врз републиканците пред ноемвриските избори за конгресот..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Речиси 188.000 компании се затворија во Германија минатата година, најмногу од 2007 година

187.744 компании се затворија во Германија минатата година, најмногу за речиси 20 години, според заедничката годишна анализа на кредитната агенција „Creditreform “ и Центарот за европски економски истражувања Лајбниц (ZEW), објавена во вторник.

Бројот на затворени компании беше речиси десет проценти поголем од претходната година, а последен пат кога беа затворени повеќе беше во 2007 година, кога беа затворени речиси 208.000.

Ова означува втора година по ред на раст на бројот на затворања.

„Кризата сега се шири низ речиси целата економија“, рече Патрик-Лудвиг Ханч, раководител на економски истражувања во „Creditreform“, истакнувајќи дека, за разлика од претходните години, дури и компаниите што всушност беа здрави сега се затвораат.

Угостителството и туризмот се најпогодени

Бројот на затворени бизниси се зголеми во текот на годината во речиси сите сектори, со најголем број затворања во секторите угостителство и туризам. Во 2025 година, околу 15.000 ресторани и сместувачки капацитети се затворија, 15 проценти повеќе од претходната година.

Здравството бележи долгорочен негативен тренд

Негативниот тренд во здравството, кој трае околу десет години, исто така продолжи. Бројот на затворени бизниси во овој сектор достигна речиси 11.000, приближно двојно повеќе од 2008 година.

Речиси 5.500 лекарски ординации се затворија минатата година, 23 проценти повеќе отколку во 2024 година, најчесто затоа што лекарите се пензионирале и не можеле да најдат некој да ги преземе нивните ординации.

Пад е забележан и во индустријата

Околу 11.000 компании во индустријата се затворија, или 10 проценти повеќе од претходната година.

Извор: Индекс.хр

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Во јули регистрирани 11 нови ХИВ/СИДА случаи, девет се кај мажи

Во Македонија во текот на јули се регистрирани 11 нови случаи во категоријата ХИВ/СИДА, покажува најновиот месечен билтен на Институтот за јавно здравје.

Девет од новорегистрираните лица се мажи, а две се жени.

Сите случаи се кај лица на возраст од 20 до 49 години. Официјалните податоци на ИЈЗ покажуваат дека заклучно со 30 јуни 2026 година, во Македонија од почетокот на евиденцијата во 1987 година биле регистрирани вкупно 765 лица со ХИВ/СИДА. Од нив, 508 живеат со ХИВ, 141 лице починало, а 116 се водат како изгубени за следење, главно поради иселување.

Важно е да се направи разлика меѓу ХИВ и СИДА. ИЈЗ во билтенот ги објавува новите пријави во заедничката категорија „ХИВ/СИДА“, но тоа не значи дека сите новодијагностицирани лица имаат Сида. ХИВ е вирусот кој го напаѓа имунолошкиот систем, додека сида е најнапредната фаза на нелекуваната ХИВ инфекција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.