Европските купувачи преговараат за набавка на канадски течен гас преку Панамскиот канал - Канал 5

Свет

Европските купувачи преговараат за набавка на канадски течен гас преку Панамскиот канал

Европските купувачи размислуваат за купување течен природен гас од канадскиот брег на Пацификот и негов транспорт преку Панамскиот канал, како дел од долгорочната стратегија за диверзификација на снабдувањето.

Европските купувачи преговараат за набавка на канадски течен гас преку Панамскиот канал

Европските купувачи размислуваат за купување течен природен гас од канадскиот брег на Пацификот и негов транспорт преку Панамскиот канал, како дел од долгорочната стратегија за диверзификација на снабдувањето, која доби на значење од почетокот на војната меѓу САД и Израел против Иран, велат извори.

Европските компании преговараат за можна набавка на течен природен гас од планираниот канадски терминал за извоз на течен природен гас Си Лисимс, чии инвеститори сакаат да обезбедат купувачи пред да донесат конечна одлука за проектот, велат три извори. Одлуката треба да се донесе до крајот на годината, а европските купувачи покажаа голем интерес.

Унипер е заинтересиран и покрај повисоките трошоци

Меѓу заинтересираните, според два извори, е и германската државна енергетска компанија Унипер, иако канадската индустрија за течен природен гас традиционално гравитира кон азиските пазари, поради пократките рути и пониските трошоци за транспорт.

Енергетските гиганти Шел и ТоталЕнерџис веќе потпишаа долгорочни, 20-годишни договори за купување течен природен гас од Си Лисимс. Канадскиот министер за енергетика и природни ресурси Тим Хоџсон во август изјави дека германските компании се заинтересирани за купување канадски течен природен гас и негова замена за други пратки. Сега тие се заинтересирани и за преземање на физички испораки на канадски гас, тврдат изворите.

Инфраструктурни пречки и поскапи рути

Транспортот преку Панамскиот канал подразбира повисоки трошоци и подолго време на испорака за европските клиенти. Покрај тоа, сите постоечки и планирани канадски капацитети за извоз на течен природен гас (ТПГ) се наоѓаат на западниот брег, што дополнително го фаворизира снабдувањето на Азија. Источниот брег на Канада, од друга страна, има многу ограничена инфраструктура, со исклучок на терминалот на Репсол во Сент Џон.

Со години, овој инфраструктурен недостаток беше главната пречка за значителен извоз на канадски ТПГ во Европа.

„Интересот расте од војната со Иран“

Сепак, според извор запознаен со проектот, тековниот конфликт на Блискиот Исток ги поттикна европските купувачи да разгледаат поскапи опции за снабдување, вклучително и канадски ТПГ, со цел да се намали зависноста од индивидуални добавувачи и да се обезбедат постабилни извори на енергија од политички „сигурни“ земји.

„Од војната со Иран, купувачите на ТПГ од целиот свет покажаа поголем интерес за проектот Си Лисимс, вклучително и оние во Европа“, рече еден од изворите. „Унипер“ одби да коментира за изјавите на изворот.

САД учествуваат со 96 проценти во увозот на германски гас

„Ројтерс“ во март објави дека германската компанија е во преговори со канадски партнери за зголемување на увозот на течен природен гас (ЛНГ). Минатата година, САД учествуваа со дури 96 проценти во увозот на течен гас во Германија, а „Кси Лисимс“ се разгледува како една од опциите за диверзификација.

Сепак, проектот не претставува краткорочно решение за енергетските потреби на Европа. Дури и ако се усвои одлуката за инвестирање, изградбата на терминалот би траела неколку години. Канадската влада веќе го упати проектот на забрзан регулаторен процес.

Тагови: течен гас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бочварски: Ребалансот е доказ за економската неспособност на власта и сиромаштијата во која живеат граѓаните

На седницата на Комисијата за финансирање и буџет, пратеникот од СДСМ Благој Бочварски, посочи дека ребалансот на Буџетот за 2026 година е уште една потврда за погрешните економски политики на Владата, кои резултираат со повисоки цени.

Бочварски: Ребалансот е доказ за економската неспособност на власта и сиромаштијата во која живеат граѓаните

На седницата на Комисијата за финансирање и буџет, пратеникот од СДСМ Благој Бочварски, посочи дека ребалансот на Буџетот за 2026 година е уште една потврда за погрешните економски политики на Владата, кои резултираат со повисоки цени, стагнација на платите, поголем дефицит и зголемен јавен долг. Бочварски посочи дека граѓаните секојдневно ја чувствуваат економската криза преку растот на цените и намалената куповна моќ.

„Не може да се даде преодна оценка за буџет на држава каде индустриското производство опаѓа, инфлацијата е речиси двојно поголема од европскиот просек, каде порастот на цените на храната е 8%, на овошјето над 16%, пијалаци над 10%“, рече Бочварски.

Тој посочи дека животот станува сè поскап, додека Владата не презема мерки за подобрување на животниот стандард на граѓаните.

„Потрошувачката кошничка расте од месец во месец и дојде веќе до 70.000 денари или три минимални плати, а од друга страна имаме минимална плата којашто за првпат после седум години стагнира“, рече Бочварски, додавајќи дека залудни се обидите на Владата на граѓаните да им презентира розева слика за реалната состојба во државата.

Пратеникот Бочварски, посочи дека економските показатели покажуваат дека Владата нема исполнето ниту едно од клучните економски ветувања, а тоа се потврдува и со предложениот ребаланс.

„Ветивте силен раст и развој - го нема. Ветивте повисоки плати - ги нема. Ветивте намален јавен долг - тој се зголеми за 2,5 милијарди евра. Ветивте дефицит под 3%, а денес имаме 4,1%. Ветивте високо ниво на странски инвестиции, а тие уште првата година паднаа за 60%. Ветивте зголемување на субвенциите за земјоделците, а во реалноста тие се намалија“, рече Бочварски.

Притоа, тој порача дека ребалансот е директна последица на нереалното планирање на буџетот и потфрлањето во наплатата на приходите.

„Буџетот не издржа ниту до средината на оваа година. Има потфрлање во приходите кои нема да можат да ја следат расходната страна од буџетот која пак хронично троши повеќе отколку што може да собере од нашата економија. Со овој ребаланс се потврдува дека буџетот не издржа ниту до средината на оваа година“, рече Бочварски.

Воедно, Бочварски додаде дека приходната страна на буџетот е нереално проектирана, со што власта повторно се обидува да направи економска манипулација.

„Проектирате зголемување на приходната страна за 4,6 милијарди денари, а имаме потфрлање на приходите од неверојатни 240 милиони евра. Од планираните 375 милијарди денари, на половина од годината се собрани околу 170 милијарди, додека за втората половина се очекуваат 210 милијарди денари. Ова е нова економска манипулација. Од погрешни претпоставки не можат да излезат точни резултати“, рече Бочварски.

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Бројот на загинати во земјотресите во Венецуела се искачи на 3.342

Бројот на загинати во двата земјотреси во Венецуела се искачи на 3.342, објави венецуелското министерство за информирање.

Бројот на загинати во земјотресите во Венецуела се искачи на 3.342

Бројот на повредени достигна 16.470, додека бројот на луѓе кои останаа без своите домови скокна на над 17.300.

Првиот земјотрес во Венецуела со магнитуда од 7,2 степени според Рихтеровата скала се случи на 24 јуни, на околу двесте километри западно од Каракас. По него следуваше втор земјотрес со магнитуда од 7,5 степени, на оддалеченост од 45 километри, а потоа и низа последователни потреси. Земјотресот со магнитуда од 7,5 степени беше најсилниот во последните повеќе од сто години, велат податоците на американскиот геолошки институт.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе на погребната поворка на ајатолахот Али Хамнеи во Техеран (ВИДЕО)

Милиони луѓе се придружија на погребната поворка во Техеран за да го испратат телото на починатиот врховен верски лидер, ајатолахот Али Хамнеи на пат кон светиот град Ком.

Милиони луѓе на погребната поворка на ајатолахот Али Хамнеи во Техеран (ВИДЕО)

Според иранските медиуми, денешниот настан е најголемиот јавен собир во модерната историја на земјата. Поворката почна утрината од верскиот комплекс „Голема мосала“ во Техеран, каде што што изминатите два дена беше изложено телото на Хамнеи.

Организаторите очекуваат поворката, која се движи по траса долга околу 10 километри, да трае помеѓу 10 и 12 часа. Хамнеи кој беше убиен на 28-ми февруари од американските сили, ќе биде погребан во четврток. По атентатот, за негов наследник беше назначен неговиот син Моџтаба Хамнеи.

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер