Европскиот парламент ќе ги мониторира бугарските политичари и бизнисмени осомничени за криминал - Канал 5

Балкан

Европскиот парламент ќе ги мониторира бугарските политичари и бизнисмени осомничени за криминал

Ден по информацијата дека шестмина бугарски политичари и бизнисмени се ставени на американската „црна листа“, Европскиот парламент најави мониторинг мисија која ќе ги чешла коруптивните дејствија во Бугарија.

Европскиот парламент ќе ги мониторира бугарските политичари и бизнисмени осомничени за криминал

Тимот од 14 претставници на сите парламентарни групи во Европскиот парламент според најавите се очекува да пристигне на есен, а одлуката негово формирање била донесена на посебна средба зад затворени врати. Во меѓувреме, бугарското обвинителство соопшти дека отворени се предмети за шестмината и најави целосна соработка со властите на САД.

-Треба да се одбележи дека многу од околностите споменати во извештајот на Министерството за финансии на САД најверојатно се засноваат на работата на бугарското обвинителство и некои од доказите собрани од него, од кои дел се веќе презентирани на суд. Само бугарскиот суд може да каже дали некое лице е виновно или не, бидејќи пресумпцијата на невиност е основен принцип на секоја демократска држава,изјави Сијка Милева – Портпарол на бугарското обвинителство.

Санкциите изминатото деноноќие се главна тема во Бугарија, а најголемо внимание привлече информацијата во извештајот каде се наведува дека олигархот Васил Божков покрај владини службеници потплатувал и лидери на политички партии.

-Во документот има 3 особено важни реченици. Првата е за олигархот кој поткупил бугарските функционери. Втората реченица е дека овие службеници вклучуваат и активен бугарски политичар. Значи не само што бил поткупен службеник на владата, туку тој е и во моментов е актуелен политички лидер. Нема друг таков освен Бојко Борисов во Бугарија / Ако е така како што тврдите тоа звучи скандалозно,-Бојко Ноев - Поранешен министер за одбрана на Бугарија.

Американскиот Стејт Департмент на црната листа ги стави екс заменик-министерот за економија Александар Манолев, како и директорот и генералниот секретар на Државната агенцијата за Бугари во Странство, Петар Харалампиев и Красимир Томов, кои во 2018 година беа уапсени како дел од скандалот за издавање на бугарски пасоши. На листата е и актуелниот втор човек на бирото за разузнавање Илко Желзјаков, и Делјан Пеевски, медиумски магнат и поранешен пратеник. За нив стои дека направиле шема за земање мито со издавање документи за престој во Бугарија за странски државјани, како и за поткуп на државни службеници во замена за информации и нивна лојалност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Магационер бил отпуштен поради наводна кражба на два пара боксерки- сега ќе добие 12.710 евра отштета

Суд во Холандија донесе пресуда во случајот на привремен работник во магацин вработен во Темпо-Тим, на кого ќе му бидат исплатени вкупно 12.710 евра отштета откако судот утврди дека бил отпуштен без основана причина.

Магационер бил отпуштен поради наводна кражба на два пара боксерки- сега ќе добие 12.710 евра отштета

Компанијата го отпуштила поради наводна кражба на два пара боксерки „Келвин Клајн“ од магацинот каде што работел, објави „NL Times“.

Фотографија како доказ

Работникот тврдел дека долната облека ја купил неколку месеци претходно на распродажба на примероци и дека ја имал во чантата бидејќи одел во теретана по работа.

Тој доставил фотографија од јануари како доказ на која носи една од боксерките, објаснувајќи дека се продавале во пакувања од по три.

Темпо-Тим тврдел дека вработениот го прекршил правилото на клиентот дека вработените не смеат да носат или поседуваат облека од „Келвин Клајн“ или „Томи Хилфигер“ на работа.

Компанијата изјавила дека работникот не докажал дека легално ја стекнал долната облека.

Отпуштањето било незаконско

Сепак, судот утврди дека дури и евентуалното кршење на правилата за носење брендирана облека не претставува доволен доказ дека работникот имал намера да украде долна облека од магацинот.

Судот изјави дека Темпо-Тим не дала доволно причини за таков заклучок и утврди дека отпуштањето е незаконско.

На компанијата ѝ беше наложено да му исплати на работникот 6.000 евра за изгубена заработка, 1.550 евра надомест за промена на работното место и 3.000 евра за неоправдано отпуштање, плус повеќе од 2.150 евра за наплата и судски трошоци, како и камата во случај на доцнење.

Тагови: боксерки отштета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Директорката на ММФ со предупредување до светот: Не можеме повеќе да одложуваме

Директорката на Меѓународниот монетарен фонд (ММФ) Кристалина Георгиева рече дека земјите ширум светот треба побрзо да го намалат јавниот долг и да одговорат на зголемената нееднаквост .

Директорката на ММФ со предупредување до светот: Не можеме повеќе да одложуваме

Директорката на Меѓународниот монетарен фонд (ММФ) Кристалина Георгиева рече дека земјите ширум светот треба побрзо да го намалат јавниот долг и да одговорат на зголемената нееднаквост бидејќи се соочуваат со последиците од ширењето на вештачката интелигенција, високите долгови и војните на Блискиот Исток и Украина.

- Не можеме повеќе да ги одложуваме неопходните мерки - ги имате алатките, сега покажете мудрост да ги користите - рече Георгиева во говорот во Сингапур, во пресрет на есенските состаноци на ММФ и Светската банка во Бангкок следната недела, пренесе АП.

Таа предупреди дека прекумерниот долг е се поголем товар и за богатите и за земјите со ниски приходи, кои треба да изберат помеѓу инвестирање во јавната благосостојба и отплата на долгот во услови со високи каматни стапки.

Георгиева укажа и на ризиците поврзани со брзиот раст на инвестициите во вештачката интелигенција (АИ) и изградбата на центри за податоци.

Според неа, инвестициите во вештачката интелигенција би можеле да го надминат релативниот обем на трошоци за железници, електрични мрежи и телекомуникациски системи.

Георгиева ги повика земјите да влијаат на јавната потрошувачка и, доколку е потребно, да ги зголемат трошоците за задолжување за да ја контролираат инфлацијата, притоа да ги заштитат најранливите.

Таа укажа и на потребата од регулирање на вештачката интелигенција, обука на работници, пофлексибилен пазар на трудот, поттикнување на претприемништвото и зајакнување на енергетската безбедност.

Според неа, брзиот развој на вештачката интелигенција особено им користи на земјите со силни технолошки сектори, притоа заобиколувајќи многу други земји и со тоа дополнително ја продлабочува економската нееднаквост.

Тагови: ММФ директорката

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зоран Доревски во „Само интервју“

Почитувани, утре во Само Интервју гостува д-р Зоран Доревски, автор на книгата "Скопски атентат".

Зоран Доревски во „Само интервју“

31 година од неуспешното убиство на Претседателот Глигоров, зошто по 3 децении не е обелоденета целосната вистина?

Книгата дава индиции и анализа на податоци - се знаат ли мотивите, нарачателот и извршителите?

Можеа ли службите да го превенираат настанот?

Што се случува во пост-атентаторска Македонија?

Утре интригантно Само Интервју со Гоце Михајлоски и Зоран Доревски веднаш по централните вести.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер