„Бидејќи времето е од суштинско значење, бидејќи се наоѓаме во јавна здравствена криза, треба да инвестираме не само во развој на вакцини, туку и во пристап до лековите“, рече во петокот портпаролот на Европската комисија.
Портпарол изјави дека Европската агенција за лекови ќе ги разгледа резултатите од студијата на СЗО и податоците од други студии за лековите против „ковид-19“ за да се утврди дали се потребни промени во начинот на употреба на овие лекови.
Тој не коментирал дали ЕУ била запознаена со резултатите од истражувањето на СЗО пред да склучи договор со Гилеад минатата недела за набавка на лекот.
Тој дури и не одговори на прашањето дали може да се преговара за цената што е договорена со американскиот производител.
Договорот е потпишан за шестмесечна набавка на лекот вреден една милијарда евра.
Лекот се очекува да биде испорачан за 500.000 циклуси на терапија по цена од 2.070 евра по циклус, што според производителот е стандардна цена за богатите земји. Лекот се дава на пациенти во шест дози во рок од пет дена.
Договорот е потпишан во име на 27 земји-членки и 10 земји-партнери. Договорот не ги обврзува да купуваат, но договорената цена е обврзувачка.
Светската здравствена организација објави во петокот дека ремдесивир и три други лекови - хидроксихлорокин, лопинавир / ритонавир и производите на база на интерферон - дале скромни или никакви резултати во третманот на ковид-19.
Ремдесивир, првично лек против ебола, е првиот лек што добил одобрение од ЕУ за третман на тешки случаи на болеста предизвикана од коронавирус.
Студиите спроведени со употреба на овие лекови врз 11.000 пациенти во повеќе од 30 земји покажале, а засновани на студии за ефективноста на терапијата врз целокупната смртност, употребата на респиратор и должината на престојот во болница кај хоспитализираните пациенти, дека имало малку или никакви резултати во третманот на пациентите со ковдид-19,наведува СЗО.
Комисијата „мора да ги наведе причините за брзањето за да го потпише најновиот договор со Гилеад и мора да го разгледа во светло на наодите од истражувањето на СЗО“, рече Јанис Нацис, кој ги претставува организациите на пациентите во комитетот на ЕМА.
Гилеад, според СЗО, знаел за резултатите од истражувањето на 6 октомври.
Гилеад за Ројтерс соопшти дека на крајот на септември добил „високо редактиран документ“ од СЗО кој содржел различни информации за разлика од последниот документ објавен во петокот.
Компанијата не коментирала дали цената на лекот за богатите земји може да се промени по истражувањето на СЗО и ги доведува во прашање неговите резултати.
Од таму веруваат дека „податоците не се детално анализирани“ и тврди дека поради тоа „не може да се донесе објективен заклучок за ефективноста на ремодесивирот“.
„Податоците на СЗО изгледаат неконзистентни и предвремени, бидејќи резултатите од неколку рандомизирани, помали и контролирани студии објавени во рецензирани списанија ја потврдија клиничката корист од ремдесивир“, изјави Гилеад за Ројтерс.
Употребата на ремдесивир е одобрена од Управата за храна и лекови на САД на 1 мај, а лекот оттогаш добил регулаторно одобрување во неколку други земји.
„ЕУ треба да ги преиспита цените што ќе се плаќаат за ремодесивир. Зошто да плати милијарда евра за лек што нема никакво влијание?“, рече Ендру Хил, научник на Одделот за фармакологија на Универзитетот во Ливерпул.
Тој истакна дека генеричките верзии на лекот произведен во Индија се продаваат по цена од 200 евра по циклус на терапија.