Европа

Евробарометар: Европејците гледаат придобивки од членството на нивните земји во ЕУ

Според овие резултати, 74 проценти од Европејците изјавиле дека нивната земја имала корист од членството во ЕУ, 21 отсто се на ставот дека немала корист, а пет проценти немаат мислење.

Речиси три четвртини од граѓаните на ЕУ сметаат дека нивната земја имала корист од членството во Европската Унија, а во исто време поддршката за еврото и за заедничката европска одбрана и безбедност е на највисоки нивоа забележани досега, покажуваат резултатите од најновото истражување на Евробарометар „Есен 2025“.

Според овие резултати, 74 проценти од Европејците изјавиле дека нивната земја имала корист од членството во ЕУ, 21 отсто се на ставот дека немала корист, а пет проценти немаат мислење.

Од друга страна, довербата во ЕУ имаат само 48 отсто од испитаниците, 45 проценти не ѝ веруваат, а седум отсто не се изјасниле.

Целосно позитивно мислење за ЕУ имаат 42 проценти од испитаниците, целосно негативно мислење има 19 отсто, 38 проценти имаа неутрално мислење, а еден отсто немаат никакво мислење.

Сепак, 59 проценти од европските граѓани се оптимисти за иднината на ЕУ, 38 отсто се песимисти, а само три проценти немаат мислење за идната перспектива на блокот.

Дури 73 отсто од анкетираните изјавиле дека се чувствуваат како граѓани на ЕУ.

Над две третини од испитаниците или 67 проценти се согласуваат дека Европската Унија е место на стабилност во еден проблематичен свет, при што 83 отсто веруваат дека ЕУ треба да ги диверзифицира трговските односи на глобално ниво, а 79 проценти дека е потребна заедничка одбранбена и безбедносна политика меѓу земјите членки.

На прашањето која активност на ЕУ има најголемо позитивно влијание врз животот на европските граѓани на краток рок, 42 отсто се изјасниле за обезбедувањето мир и стабилност, далеку пред создавањето повеќе можности за работа со 26 проценти, овозможувањето храна и здравствена заштита со 25 отсто и справувањето со нерегуларната миграција со 24 проценти.

Кога станува збор за приоритетите во буџетот на ЕУ, 42 отсто од граѓаните би сакале најмногу средства да се трошат за вработување, социјална заштита и јавно здравство, 36 проценти за образование, млади, култура и медиуми, а 35 отсто за одбрана и безбедност.

Истражувањето бележи и рекордна поддршка за еврото која достигна 74 отсто во сите земји опфатени со анкетата, а 82 проценти во државите од Еврозоната.

Испитаниците се поделени кога станува збор за состојбата на европската економија, па така 46 отсто изјавиле дека таа добра, а ист толкав процент дека е лоша. Сепак, 49 отсто сметаат дека економска ситуација ќе остане стабилна во следните 12 месеци.

На прашањето кои се главните предизвици со кои се соочува ЕУ, 26 проценти се изјасниле за руската инвазија врз Украина, 20 отсто за миграцијата, 19 проценти ја посочиле меѓународната ситуација, а 18 отсто го посочиле зајакнувањето на безбедноста и одбраната.

Вкупно 77 проценти од Европејците сметат дека руската инвазија врз Украина е закана за безбедноста на ЕУ.

Дури 81 отсто од анектираните се согласуваат со ставот дека ЕУ треба да ги прифати луѓето што бегаат од војната во Украина, а 77 проценти го поддржуваат давањето финансиска и хуманитарна помош на земјата. Вкупно 73 отсто од испитаниците ги поддржуваат санкциите воведени кон Русија, а 57 проценти се согласуваат со користење на европски средства за купувањето и снабдувањето со воена опрема за Украина. Поддршка за доделувањето статус на земја кандидат за членство во ЕУ на Украина поддржуваат 59 отсто од анкетираните.

Истражувањето на Евробарометар „Есен 2025“ е спроведено помеѓу 9 октомври и 5 ноември во сите 27 земји членки, при што вкупно биле анкетирани 26.445 граѓани на ЕУ. Интервјуа биле спроведени и во девет земји кандидати и потенцијални кандидати за членство во ЕУ, сите освен Украина, како и во Велика Британија.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Хајди Клум повторно провоцира

Легендарната манекенка и топ модел Хајди Клум повторно ги воодушеви фановите со фотки во бикини коие се чиста провокација.

Летото е во полн ек, што значи дека Хајди Клум сè уште има време да ги покаже различните модели на костими за капење што ги подготвила за ова лето.

Појавувањето на фаталната русокоса е чиста провокација, градите ќе и излетаат од бикинито.

Позната по своите заводливи облини и по тоа што нема проблем да се разголи пред своите обожаватели, манекенката Хајди Клум повторно го почести светот со жешки летни фотографии.

Неодамна беше фотографирана на островот Сент Бартелеми, а благо кажано, со своето издание таа ја разгори фантазијата на многумина.

За време на фотографирањето, познатата убавица носеше бикини што едвај ги покриваше нејзините интимни делови, особено бујните гради кои се закануваа дека ќе „изѕирнат“ од горниот дел на овој провокативен костим за капење.

За време на снимањето, славната убавица носеше бикини што едвај ги покриваше нејзините интимни делови, особено бујните гради кои се закануваа дека ќе „изѕирнат“ од горниот дел на овој провокативен костим за капење.

Фотографиите се проширија на социјалните мрежи со брзината на светлината, а јавноста имаше можност да ужива во заводливите облини на славниот топ-модел од 90-тите.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Снимател доби отказ поради неа!

Винифер Фернандез долги години важи за една од најубавите и најатрактивни спортистки на светот.

Но, таа исчезна преку ноќ: Каде е и што прави најубавата одбојкарка на светот?

Во изминатите осум години, познатото видео од потезите на Винифер Фернандез на YouTube собра дури 15 милиони прегледи.

Ретко кој не ги видел нејзините фотографии што го преплавија интернетот во 2016 година.

Таа се најде на насловните страници ширум светот, многумина ја прогласија за најубава, односно најатрактивна одбојкарка на планетата, а потоа речиси преку ноќ исчезна од центарот на вниманието.

Во изминатите осум години, познатото видео со нејзините потези на YouTube собра дури 15 милиони прегледи.

Винифер Марија Фернандез (30), одбојкарка од Доминиканската Република, во тој период важеше за една од најпопуларните спортистки во светот.

Речиси и да немаше човек што не ги виде нејзините фотографии кои ги преплавија социјалните мрежи и интернетот, но потоа таа одеднаш исчезна од очите на јавноста. Последниот клуб за кој настапуваше беше „Карибењас“, а со години беше една од најголемите ѕвезди на репрезентацијата на Доминиканската Република. Иако денес не е толку присутна во медиумите како порано, на Инстаграм ја следат повеќе од 65.000 луѓе.

Винифер е висока 169 сантиметри и тешка 62 килограми, а додека играше на Куба, се случи интересна анегдота според која еден снимател наводно добил отказ бидејќи, наместо да го сними одлучувачкиот поен во натпреварот, ја насочил камерата кон младата Винифер Фернандез.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Првиот електричен Ferrari е веќе целосно распродаден

Првиот целосно електричен модел на Ferrari, Luce, можеби не ги освои симпатиите на љубителите на автомобили на социјалните мрежи, но тоа не ги спречи купувачите да резервираат речиси секој планиран примерок.

Иако моделот се соочи со критики во врска со дизајнот и преминот на Ferrari кон електричен погон, првичната серија на производство е веќе целосно распродадена.

Ова потврдува дека јавното мислење не секогаш се совпаѓа со желбите на купувачите кои можат да си дозволат огромни суми за ексклузивни автомобили.

Повикувајќи се на два извори запознаени со плановите на компанијата, Financial Times известува дека Ferrari планирало да продаде нешто помалку од 500 примероци од моделот Luce во текот на првата година, пренесува Računalo.com.

Според извештаите, целата планирана серија на производство за првата година била распродадена уште на почетокот на овој месец, и покрај почетната цена од 550.000 евра (без данок).

Иако Ferrari ги демантираше тврдењата дека купувачите мора да го нарачаат моделот „Luce“ за да го задржат својот привилегиран статус кај брендот, многумина сметаат дека овој фактор можеби придонел за големата побарувачка.

Наводно, од дилерите било побарано да не вршат притисок врз долгогодишните колекционери на Ferrari да го купат „Luce“, туку да се фокусираат на нови купувачи – особено на богати клиенти во Кина и во технолошките центри како Силиконската долина, каде што електричните автомобили веќе се широко прифатени.

Се чини дека оваа стратегија дава резултати. Според „Фајненшл тајмс“ (Financial Times), Ferrari планира да продаде приближно 2.500 примероци од моделот „Luce“ до 2030 година, што изнесува околу 600 возила годишно.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.