ЕУ не успеа значително да ги намали емисиите на ЦО2 од возилата, оценуваат европските ревизори - Канал 5

Автомобилизам

ЕУ не успеа значително да ги намали емисиите на ЦО2 од возилата, оценуваат европските ревизори

Статистичките податоци покажуваат дека 23 отсто од вкупните емисии на гасови што придонесуваат за ефектот на стаклена градина потекнуваат од возилата, од кои над половина се од автомобилите.  

ЕУ не успеа значително да ги намали емисиите на ЦО2 од возилата, оценуваат европските ревизори

Мерките на ЕУ во последните 12 години не придонесоа значително за намалување нивото на емисии на јаглерод диоксид од возилата со мотори со внатрешно согорување, што на Унијата и ја наметнува потребата од фаворизирањето на возила со нулта емисија на штетни гасови доколку сака да ги оствари своите зацртани климатски цели, се оценува во извештај на Европскиот ревизорски суд.

Статистичките податоци покажуваат дека 23 отсто од вкупните емисии на гасови што придонесуваат за ефектот на стаклена градина потекнуваат од возилата, од кои над половина се од автомобилите.

Според европските ревизори, во текот на последната деценија емисиите на гасови од дизел возилата останале непроменети, додека кај автомобилите на бензин тие се намалени за само 4,6 отсто.

- Вистинско и видливо намалување на емисиите на јаглерод диоксид од автомобилите нема да се случи се додека преовладуваат моторите со внатрешно согорување, смета раководителот на ревизорскиот тим што го подготви извештајот Пјетро Русо.

Тој оценува дека за да има видливи резултати во намалување во емисиите треба да се премине не возила на електричен погон, но нагласува дека процесот на „електрификација“ на автомобилите ќе претставува „голем залак“ за ЕУ.

Уделот на електромобили во вкупниот број нови возила во ЕУ се зголеми од околу еден отсто во 2018 на речиси 14 проценти во 2022 година, но ограничувачки фактори за дополнително зголемување на нивниот број, според ревизорите, е тоа што тие се поскапи во споредба со обичните возила, во повеќето земји членки има недоволно развиена инфраструктура за нивно полнење и тоа што има проблеми со достапност до батерии за нив, како резултата на недостигот на критични суровини во ЕУ.

Во извештајот се посочува и дека хибридните автомобили, кои работат и на бензински и на електричен погон и кои автомобилската индустрија ги промовира како чисто еколошко решение, во пракса загадуваат повеќе отколку што се тврди.

- Просечната разлика помеѓу лабораториските и реалните емисии од страна на хибридни возила е околу 250 отсто, се наведува во документот.

Во 2015 година избувна т.н. афера „Дизелгејт“, кога беше утврдено дека одредени производители на автомобили, меѓу кои и германскиот гигант „Фолксваген“, манипулирале со моторите на нивните возила со цел вештачки да ги намалат емисиите на штетни гасови за време на лабораториските тестови. По ова, во 2017 беа воведени построги мерки за тестирањата, но според ревизорскиот извештај, се уште постои разлика во податоците од тестовите и во реалноста.

Во 2022 година, во новите возила се вградуваат броила за потрошувачка на гориво, кои треба да обезбедат попрецизни податоци за емисиите на штетни гасови. Доколку се утврди дека се надминуваат ограничувањата на емисиите на јаглерод диоксид, Европската комисија на производителите на автомобили може да им изрече со парични казни, познати како „премии за прекумерни емисии“.

Во рамки на подготовката на Извештајот, европските ревизори ги посетиле Германија, Италија и Холандија со цел да утврдат дали возилата кои се во сообраќај ги исполнуваат зацртаните стандарди за емисии на јаглерод диоксид и загадување. Тие утврдиле дека во Германија постои висок степен на усогласеност, додека во Италија и Холандија е утврдено дека властите „не извршиле доволно тестови за да се осигураат дека нивоата на емисии на јаглерод диоксид што ги посочиле производителите се точни“.

Ревизорите, исто така, утврдиле и дека Европската комисија нема сознанија за тоа како или дали земјите членки ги спроведуваат ваквите тестови, со што извршното тело на ЕУ „има ограничени податоци врз основа на кои може да предложи подобрувања“.

Дополнително, според ревизорите, тенденцијата за поголема ефикасност на автомобилите резултирала и со раст на нивната просечната тежина, која во периодот меѓу 2011 и 2022 година се зголемила за околу 10 проценти.

- Постојаните подобрувања во технологијата на моторот и воведувањето на хибридни погонски единици ги направија моторите поефикасни, но доведоа до зголемена маса на возилата, се вели во извештајот.

Во Извештајот на Европскиот ревизорски суд на ЕК и се препорачува наместо целта за просечни намалувања на емисиите на јаглерод диоксид да се постави барање за минимален удел на возила со нулта емисија на штетни гасови во вкупниот број возила. Дополнително, според ревизорите, треба да се воведат и ограничувања на реалните емисии на јаглерод диоксид за сите автомобили со мотори со внатрешно согорување, но и за хибридните возила.

Ревизорите, исто така, препорачуваат Комисијата на потрошувачите да им обезбедува информации за реалната потрошувачка на гориво од страна возилата, што, според нив, ќе ги поттикне производителите подобро да ги усогласат лабораториските резултати со емисиите на јаглеродот диоксид при реални услови на возење.

За да може ЕУ да ги исполни своите цели за намалување на емисиите на штетни гасови од возилата, Ревизорскиот суд препорачува Еврокомисијата да бара од земјите членки докази дека ги почитуваат бараните цели за усогласеност со емисиите на штетни гасови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 5.5 милиони евра - оваа година лото добивката се падна кај Мицкоски

Оваа година лото-добивката – се падна кај Мицкоски и неговата Организирана криминална група.

СДСМ: 5.5 милиони евра - оваа година лото добивката се падна кај Мицкоски

5,5 милиони евра преку криминални договори кои Мицкоски сакаше да ги сокрие дека се „нула денари“.

Огромни народни пари, во време кога Владата нема пари за земјоделците, нема пари за плати, за пензии, за мерки за помош на граѓаните поради високите цени.

Тоа се 5,5 милиони причини граѓаните да ја знаат целата вистина, да ги видат документите и да добијат одговори каде завршија нивните пари.

Кои компании добиле милиони евра и врз основа на кои критериуми?

Како била избрана тричлената комисија во АД „Државна лотарија“, која одлучувала за изборот на фирма за прославата?

Како е можно претседателот на таа комисија истовремено да се јавува и како автор на оркестрациите и аранжманите за концертот?

Врз основа на кои критериуми биле ангажирани фирми-ќерки и колку милиони евра народни пари добиле преку Државната лотарија?

Колку пари се потрошени за провизии и проценти и во чии џебови завршиле?

Кога биле платени изведувачите и колку?

Дали со Гета сè било претходно договорено, уште пред да биде завршен јавниот повик и пред да се знае кој ќе биде избран на тој повик?

Мора да има одговори на сите прашања.

Ова е оргомен сомнеж за проневера на народни пари и уште еден доказ за арамискиот концепт на владеење на Мицкоски и неговата Организирана криминална група.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион на „Рајанер“ удри во пистата со крило при грубо слетување (ВИДЕО)

Авион на „Рајанер“ на лет од Манчестер до Даблин направи ризично слетување за време на бура, а снимката снимена од патник покажува како врвот на крилото ја удира пистата.

Авион на „Рајанер“ удри во пистата со крило при грубо слетување (ВИДЕО)

Авионот силно отскокнува и скршнува од курсот при слетувањето, но пилотите успеале да ја одржат контролата врз авионот.

Видеото го прикажува крилото на Боингот 737 како се витка под налетите на ветерот пред неговиот врв накратко да ја допре пистата. Патник по име Метју, кој го снимил инцидентот, го опишал искуството како „многу страшно“, но ја пофалил реакцијата на пилотите.

Незгодно слетување

„Пилотите завршија неверојатна работа. Авионот силно отскокнуваше при слетувањето, потоа се крена и се сврте надесно. Да бидам искрен, мислев дека крилото е готово“, рече тој.

„Рајанер“ потврди дека летот „FR5042“ од Манчестер слета во Даблин поради силни ветрови, но ја опишуваат ситуацијата поинаку. Во официјалното соопштение, тие наведуваат дека авионот слета „нормално“ и дека по корекцијата, слета на пистата при вториот обид без тешкотии.

Инцидентот се случил за време на бурата Кетлин што ја погоди Ирска. Налетите на ветер достигнаа брзина и до 113 километри на час, поради што неколку летови на аеродромот во Даблин беа откажани или пренасочени кон други дестинации.

Извор: Индекс.хр

Тагови: Рајанер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е зголемен

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер