Свет

Ердоган предупредува на ширење на војната во Украина

Ердоган рече дека Турција ќе продолжи да работи на заживување на Црноморскиот договор за жито.

Турскиот претседател Реџеп Таип Ердоган синоќа изјави дека мора да се избегнат какви било чекори што ќе ја влошат војната во Украина и евентуално ќе го пренесат конфликтот во НАТО, додавајќи дека тој ќе биде домаќин на рускиот претседател Владимир Путин по изборите подоцна овој месец.

Турција, членка на НАТО, го поддржува територијалниот интегритет на Украина, но одржува и добри односи со Русија и редовно разговара со двете страни во конфликтот. Таа обезбеди воена и политичка поддршка за Украина, но исто така се противи на санкциите против Москва.

-Ја изразуваме нашата поддршка за суверенитетот и територијалниот интегритет на Украина, но веќе рековме дека мировните планови што ја исклучуваат Русија нема да дадат никакви резултати, рече Ердоган, мислејќи на планираниот мировен самит за Украина што ќе се одржи во Швајцарија подоцна оваа година, на кој Русија нема да учествува.

„Ние веруваме дека мора да се избегнат чекори кои би ги влошиле конфликтите во регионот и кои би се прошириле во НАТО“, додаде тој.

Говорејќи на собирот за одбележување на почетокот на Рамазан со странските амбасадори во Анкара, Ердоган рече дека Турција ќе продолжи да работи на заживување на Црноморскиот договор за жито.

Украинскиот претседател Володимир Зеленски го посети Истанбул минатата недела, а Ердоган понуди да биде домаќин на украинско-рускиот мировен самит. /МИА

Живот

Берлин ја дава бесплатно огромната вила на Гебелс- сите се плашат да живеат во неа (ВИДЕО)

Германските власти нудат да отстапат огромен замок со 17 хектари земја, моментално во сопственост на Берлин, по децениски залудни обиди да најдат купувач.

Сенаторот Стефан Еверс најавува дека државата е подготвена да ја даде дотраената зграда и имот „на секој што е заинтересиран“.

Што е проблемот? Државата повеќе не сака да плаќа астрономски трошоци за одржување, но како никој од граѓаните не е заинтересиран?!

Проблемот е во поранешниот сопственик, кој е директно поврзан со мрачното минато на Германија. Станува збор за министерот за пропаганда Џозеф Гебелс, еден од најблиските и најверните соработници на Адолф Хитлер.

Тој наредил изградба на вилата во 1936 година, а ја користел за забави и дружење со личности од различни сфери.

По падот на нацистичкиот режим, сојузниците ја користеле вилата како воена болница, пред да премине во рацете на Советите, кои ја претвориле во младински камп.

Некогаш луксузната зграда, која се наоѓа на 16 километри од Берлин, е напуштена од 2000 година и е опкружена со густа шума. Во близина е езерото Богенсе.

Сенаторот Еверс предупреди дека државата нема да има друга опција освен да ја урне вилата доколку не најде заинтересирана страна, пренесува Телеграф.

Се проценува дека рушењето би чинело околу 50 милиони евра.

Свет

Градоначалникот на Лондон на удар на јавноста и тоа поради зеленото одело (ФОТО)

Исто како што британскиот премиер Риши Сунак беше принуден да се извини што носел патикина Адидас, градоначалникот на Лондон Садик Кан е на удар на критики за носење одело што многу Британци го носат кога се поканети на свадба.

Градоначалникот на Лондон покажа одлична фигура на насловната страница на „Evening Standard“ во зелен ленен дводелен костум на брендот „Percival“, пишува Independent.

Но, опуштената силуета на градоначалникот го привлече вниманието на лондончани не само поради летната боја, објави Индипендент.

Многу корисници на социјалните мрежи признаа дека го имаат истиот костум „Percival“ во нивните плакари за специјални прилики и се пошегуваа дека одлуката на Кан не била воопшто кул и дека им ги уништила плановите да го носат кога ќе бидат поканети на свадба.

Негодувањето поради облеката на градоначалникот на Лондон доаѓа откако Риши Сунак се соочи со брутални критики од обожавателите на самбите на Адидас, кои го обвинија дека ги „уништил“ кога ги носел на прес-конференција.

По негодувањето на социјалните мрежи од навивачка група на Адидас, Сунак ѝ се извини на заедницата на Самбас, но во своја одбрана рече дека неколку години носи патики на Адидас, вклучувајќи ги Самбас и други.

Забава

Бизарна свадба во САД: Сите гледаат во „жената- мачка“ наместо во невестата (ВИДЕО)

Мистик Морис (24) тврди дека нејзината свадба била „речиси уништена“ кога на имотот, каде што била организирана прославата, се појавила жена облечена како мачка.

Кога се приближувала до олтарот, сфатила дека гостите не гледаат во неа, туку во необична фигура која се движела на раце и колена, блиску до блиското езеро.

„Бев фрустрирана што луѓето наместо мене гледаа во неа. Еднаш се мажам“, изјавила Мистик од Оклахома Сити.

Инаку, на имотот се појавила жена која се идентификува како мачка (популарни териани), пишува New York Post.

Близок пријател на невестата ги раскажа деталите.

„Церемонијата започна, а потоа таа личност стана. Отпрвин мислев дека е крава, но не бев во право. Беше доцна да се запре невестата“, објаснила Ејми Вајт.

Ејми додава дека „мачорката“ се доближила, откако младенците го кажале судбоносното „да“ и - им се поклонила.

„По аплаузот, сите отидоа до езерото да ја фотографираат“, рече таа.

@xxshadowslightxx she looked so beautiful tho 🥰 @Mistique 🫣 #weddingstorytime #weddingtiktok #wedding #fypシ #fyp #furrytiktok ♬ Confidence (sped up version) - Ocean Alley

Фотографот кој бил ангажиран да ја фотографира венчавката, за среќа, го оставил „непоканетиот гостин“ надвор од кадар.

„Тоа беше фантастичен ден. За други работи ќе зборуваме подоцна“, заклучила Мистик.

притисни ентер