ЕПП предлага помош за автомобилскиот сектор во ЕУ - Канал 5

Автомобилизам

ЕПП предлага помош за автомобилскиот сектор во ЕУ

ЕПП предлага помош за автомобилскиот сектор во ЕУ преку „олабавување“ на целите за намалување на емисиите на ЦО2 .

ЕПП предлага помош за автомобилскиот сектор во ЕУ

Европската народна партија (ЕПП) ќе предложи мерки за помош на европската автомобилска индустрија, која се соочува со намалена побарувачка, особено за електрични автомобили, и со зголемена конкуренција од Кина.

Мерките што ги предлага ЕПП, предвидуваат избегнување на казните за автомобилската индустријата поради непочитување на сегашните правила на ЕУ за намалување на емисиите на јаглерод диоксид (ЦО2), кои според Европското здружението на производители на автомобили (AЦEA) во 2025 година би можеле да достигнат и до 16,7 милијарди евра.

Иако првично се предвидуваше и двегодишно одложување на остварувањето на целта за намалување на емисиите на јаглерод диоксид од автомобилската индустрија за 15 отсто до 2025 година, во конечниот предлог на ЕПП се бара само „проценка на усогласеноста со целите за период од три години“, со што компаниите би избегнале плаќање казни доколку продолжат со темпото на остварување на климатските цели во следните години.

ЕПП смета дека при одредувањето на казните треба да се земат предвид напорите и инвестициите што компаниите веќе ги презеле во претходните години во насока на остварување на климатските цели.

Според „Еуроактив“, овие предлози, чија конечна верзија се очекува ЕПП да ја усвои денеска, се во согласност со компромисот што минатиот месец го предложи германскиот министер за економија Роберт Хабек, за преиспитување на плановите за намалување емисиите на јаглерод диоксид во следните години, на тој начин што климатските цели би останале непроменети, а автомобилската индустрија „не би морала да плаќа милијарди евра казни во услови кога се наоѓа во тешка ситуација“.

Покрај ова се предлага и „корекција“ на целта за забрана на продажба на возила со мотори со внатрешно согорување до 2035 година.

- Треба да се препознае значењето на алтернативните горива, вклучувајќи ги и е-горивата, биогоривата и обновливите или синтетичките горива преку обезбедување експлицитни исклучоци, придружени со други мерки како што е воведувањето „фактор за корекција на јаглеродот“, предлага ЕПП.

„Факторот за корекција на јаглеродот“, кој беше предлаган и во законот за емисиите на штетни гасови од камионите, би требало да овозможи продажбата на автомобили со бензински или дизел мотори со внатрешно согорување да продолжи и по 2035 година, во зависност од уделот на алтернативни горива во целокупната мешавина на горивото што тие го користат.

Покрај ова, со предлогот се предвидува и поедноставување на регулативата на Унијата, зајакнување на инфраструктурата за наплата, склучување повеќе договори за слободна трговија на ЕУ со трети земји, како и зајакнување на финансирањето на истражувањето и развојот во автомобилскиот сектор.

Претседателот на АЦЕА и извршен директор на „Рено“, Лука де Мео вчера изјави дека европската автомобилска индустрија е во „многу деликатна фаза“ во услови кога „веќе 20 години го губи теренот поради глобалната конкуренција“.

- Регулаторниот пристап на Европа на некој начин не става во неповолна положба, рече Де Мео, оценувајќи дека на ЕУ и недостига „холистичкиот пристап“, кој САД и Кина би го обезбедиле за нивните автомобилски индустрии.

Според него, европската регулатива за стандардите за емисии на јаглерод диоксид е само еден пример како ЕУ „си пука во нога“, бидејќи производителите на автомобили во 2025 година ќе треба да одвојат средства за потенцијални казни за непочитување на предвидените климатски цели, кои би можеле да ги инвестираат во иновации.

Де Мео додаде дека во исто време европската автомобилска индустрија до 2030 година ќе треба да се усогласува со „по 8 до 12 нови регулативи годишно“, за што ќе мора да одвои „до 25 отсто од своите ресурси за истражување и развој“, со цел тие трошоци да не паднат на товар на потрошувачите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер