Епископот бачки Иринеј: Односите со МПЦ-ОА се братски - Канал 5

Живот

Епископот бачки Иринеј: Односите со МПЦ-ОА се братски

Статусот на Црквата во Македонија е канонски целосно и правилно регулиран. 

Епископот бачки Иринеј: Односите со МПЦ-ОА се братски

Епископот бачки Иринеј изјави дека односите на Српската Православна Црква (СПЦ) со Македонската православна црква – Охрид (МПЦ-ОА), на која СПЦ неодамна и ја призна автокефалноста, се братски, јави дописникот на МИА од Белград.

Владиката Иринеј во интервју за магазинот „Печат“ вели дека суштински, егзистенцијално и духовно тие биле, се и ќе бидат една Црква. Тој оценува дека е лага забелешката дека СПЦ ги „предаде и продаде“ своите Немањички светилишта на југ и посочува дека Томосот за автокефалност јасно и гласно кажува дека „СПЦ ѝ го отстапува на користење своето историско наследство на новата автокефална црква“.

Додава дека самопрогласените критичари го занемаруваат фактот дека Српската православна црква немала пристап до нејзините јужни епархии од 1941 година до неодамна и дека денес сите српски архиереји, почнувајќи од патријархот, имаат пристап до секое светилиште во Северна Македонија и сите архиереји од Северна Македонија имаат пристап до сите српски свети места низ светот.

-Статусот на Црквата во Македонија е канонски целосно и правилно регулиран. Исполнети се два главни услови: не помина тезата дека Српската православна црква мора едноставно да го признае пучот, односно самопрогласената автокефалност (1967), а од друга страна, таа на дело покажа дека нејзин приоритет е единството на Црквата и спасението на душите и совеста на околу два милиони верници, а не некакви парцијални интереси, истакнува Иринеј.

Тој посочува дека критиките во Србија поврзани со недоволно разјаснетата канонска основа на признавањето на МПЦ „немаат основа ниту во црковното право, ниту во еклисиологијата воопшто“, туку само сведочат за ставовите и мислењата на еден број интелектуалци, повеќето од нив добронамерни, но не и теолошки компетентни.

-Ќе бидам отворен колку што сум брутално искрен: оние кои го напишаа отвореното писмо до Светиот архиерејски синод на СПЦ и му порачаа што има, а на што нема право, покажаа само едно, дека малку знаат за природата и мисијата на Црквата, вели Иринеј.

Објаснува дека статусот на една помесна црква е прашање на сеправославен консензус и прифаќање, но дека притоа се тргнува од Мајката Црква, во овој случај од Цариградската Патријаршија.

Иринеј истакнува дека тоа е канонска норма и историска практика и вели дека сите понови автокефални цркви добиле автокефалност по иницијатива на својата Мајка Црква, а тоа е Големата Христова црква во Цариград, на чија јурисдикција претходно и припаѓале, и дека потоа следела перцепцијата од други православни цркви.

-Токму така и ние постапивме: првично дадовме автокефалност, а потоа ги известивме сите – по чин или по диптих, од Цариград до Тирана и Прага, односно Прешов, за понатамошна постапка, подвлекува Иринеј.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Филипче шири паника за домино ефект во банкарскиот систем

Миле Лефков, пратеник на ВМРО-ДПМНЕ, во емисијата „Само вистина“ на Канал 5 телевизија, ја коментираше темата за Алта банка и случувањата во земјава.

Лефков: Филипче шири паника за домино ефект во банкарскиот систем

Миле Лефков, пратеник на ВМРО-ДПМНЕ, во емисијата „Само вистина“ на Канал 5 телевизија, ја коментираше темата за Алта банка и случувањата во земјава, за што кажа дека Народната банка веќе најавила сет мерки и како независно регулаторно тело работи да го заштити интересот на граѓаните, додека како што вели, лидерот на СДС повторно се обидува да создаде паника од случување на домино ефект.

„Народната банка претставува една посебна независно регулаторно тело коешто практично е независно и така треба да биде третирано. Банкарскиот сектор исто така спаѓа во она што се нарекува стратешки сектор, економски сектор во државата и кога се пристапува во вакви кризи, треба да се пристапува многу внимателно, имајќи на ум неколку принципи, а тоа е заштита на депозитот и заштедата на граѓаните, меѓутоа и заштита на самиот банкарски сектор. Гледаме дека Народната банка како регулатор, настапува во моментот во насока на заштита на депозитите на граѓаните. Видовме мерки на прес-конференцијата денес во три насоки, зголемување нели на обемот, на местата за пристапност за подигање на готовина“, рече Лефков.

Лефков го посочи и односот на опозицијата и прес-конференциите на лидерот на СДС, каде тој се обидува да создаде паника и како што вели бомбастично најавува некој домино ефект, односно ефект на други банки, за што кажа дека не е точно.

„Апелирам дека политиката и прстите на политиката треба да бидат особено внимателни кога станува збор за банкарскиот сектор и не треба на овој начин да се обидуваат да креираат хистерија. Важно е институциите да го дадат својот одговор, а ние како Собрание на Комисијата за финансирање и буџет да се разгледаат сите оние аспекти во коишто институциите требало да постапат не постапиле или како постапувале“, истакна Лефков и додаде:

„Во дадениот момент се заштитуваат депозитите на граѓаните и се работи активно на мерки и начини за подигање на платите, социјалните придонеси, другите плаќање. Се настојува да се преброди ова и да не се создаде она што Венко го најави како домино ефект во другите банки. Важно е банкарскиот систем да биде стабилен и многу е важно неодговорни политичари да не постапуваат неодговорно, обидувајќи се да добијат некој политички поен“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Организиран е превоз за клиентите на „АЛТА банка“ од Прилеп, Охрид и Ресен до Битола

Народната банка ги известува граѓаните од Прилеп, Охрид и Ресен, кои имаат платежна сметка во „АЛТА банка“ АД Битола, а не располагаат со платежна картичка, дека утре, сабота, 7 ноември, ќе биде организиран превоз .

Организиран е превоз за клиентите на „АЛТА банка“ од Прилеп, Охрид и Ресен до Битола

Народната банка ги известува граѓаните од Прилеп, Охрид и Ресен, кои имаат платежна сметка во „АЛТА банка“ АД Битола, а не располагаат со платежна картичка, дека утре, сабота, 7 ноември, ќе биде организиран превоз од овие градови до филијалата на Банката во Битола и назад. На овој начин ќе им се овозможи полесно да пристапат до средствата на своите сметки и да подигнат готовина.

Враќањето до местото на живеење ќе биде откако сите клиенти на банката ќе си ги подигнат своите средства.

Распоредот и местата на поаѓање се следниве:

Прилеп: Плоштад „Методија Антонов-Ченто“ (пред „Реклами“), во 10 часот;

Охрид: градската автобуска станица, во 11 часот;

Ресен: кај маркетот „Кипер“, во 12 часот.

Народната банка потсетува дека од понеделник, 9 ноември, ќе бидат отворени и шалтерите во Тетово и Струмица, каде што граѓаните кои немаат платежни картички ќе можат да подигнат до 20.000 денари, соопштуваат од НБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почина американскиот милијардер Рокфелер

Џон Д. Рокфелер IV, кој станал двапати гувернер на Западна Вирџинија и петпати сенатор на САД, починал денеска во својот дом во Вашингтон.

Почина американскиот милијардер Рокфелер

Џон Д. Рокфелер IV, кој во средината на 1960-тите, како социјален работник и наследник на милиони, решил да живее со рудари за јаглен во Апалачките Планини, а потоа станал двапати гувернер на Западна Вирџинија и петпати сенатор на САД, починал во петокот во својот дом во Вашингтон.

Имал 89 години.

Неговото семејство ја потврдило смртта, а веста ја објавила претставничката на семејството Шели Роџерс.

Потеклото на Рокфелер, како правнук и имењак на основачот на „Стандард Оил“, му дало национално признание дури и додека бил гувернер на неговата држава, од 1977 до 1985 година.

Следните 30 години ги поминал во Сенатот, каде што изградил во голема мера либерален политички профил, но исто така бил застапник за националната безбедност и правата на ветераните.

Лесно ги добил изборите, а во законодавното тело ги поддржал даночните реформи и законот за животна средина што би го контролирал површинското рударство на јаглен.

Овој метод на рударство остава големи лузни на површината на земјиштето и предизвикува ерозија, за разлика од скапото и опасно длабоко рударство.

Некои политички коментатори веќе зборуваа за можноста еден ден да се кандидира за претседател на Соединетите Американски Држави. Но, Рокфелер не брзаше.

По атентатот врз сенаторот Роберт Ф. Кенеди од Њујорк во 1968 година, гувернерот Нелсон Рокфелер имаше овластување да го назначи својот наследник во Сенатот и размислуваше за својот внук.

„Добив повик од чичко Нелсон, кој ми го понуди местото на Боби Кенеди во Сенатот, но веднаш го одбив“, се присети Рокфелер во интервју за „Њујорк тајмс“ во 1991 година.

Наместо тоа, тој доби во голема мера церемонијален четиригодишен мандат како државен секретар на Западна Вирџинија, што послужи како појдовна точка за неговата кандидатура за гувернер во 1972 година.

Тагови: Рокфелер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер