Електричниот „Golf“ пристигнува побрзо од очекуваното - Канал 5

Автомобилизам

Електричниот „Golf“ пристигнува побрзо од очекуваното

„Golf EV“ би можел да се појави на пазарот во 2029 година, па дури и порано.

Електричниот „Golf“ пристигнува побрзо од очекуваното

„Volkswagen“ неодамна инвестираше многу пари во американскиот производител на електрични автомобили „Rivian“. Благодарение на софтверската експертиза на „Rivian“, долгоочекуваниот електричен „Golf“ би можел да се појави на пазарот пред предвиденото.

Но, германски „Handelsblat“ исто така објави дека „Volkswagen“ одлучил да го одложи производството на „Trinity“ автомобилот, врвниот модел што требаше да се натпреварува со „Model S“ на „Tesla“.

Тој автомобил наводно нема да се појави на пазарот до 2032 година, шест години по првично утврдениот датум. Имено, „Trinity“ требаше да биде лансиран во 2026 година, но рокот неколку пати беше одложуван.

Се очекуваше да влезе во производство во 2028 година, потоа во 2030 година, а сега се споменува 2032 година, дознава „Handelsblat“ од инсајдер на компанијата.

„Trinity EV“ исто така се очекуваше да биде првото електрично возило на „Volkswagen“ на новата „Advanced Mechanical Platform (SSP)“.

„VW“ го одложува лансирањето поради забавувањето на продажбата на електрични возила и новиот план на извршниот директор Оливер Блум за намалување на трошоците. Така, „Golf“ ќе стане првото возило лансирано на „SSP“ платформата.

По објавувањето на новото партнерство со „Rivian“, „Volkswagen“ очекува новото заедничко вложување да даде резултати.

„VW“ планира да инвестира до 5 милијарди долари, од кои 3 милијарди ќе одат директно на „Rivian“ и 2 милијарди долари во заеднички вложувања.

„MEB“ платформата на „Volkswagen“ ќе биде надградена до „MEB+“ до 2026 година, со помош на софтверските решенија на „Rivian“.

Благодарение на помошта на „Rivian“, платформата „PPE“ на која е заснован новиот „Porsche Macan EV“ ќе добие и софтверска надградба во следните 36 месеци.

„Golf EV“ конечно би можел да се појави на пазарот во 2029 година, или уште порано, како прв модел базиран на новата „SSP“ платформа.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утре отворен ден во О. Карпош

Во среда (29.07.2026), од 13:00 до 17:00 часот, во холот во Општина Карпош, градоначалникот Сотир Лукровски и раководителите од општинските сектори, ќе одржат средба со граѓаните на Карпош. 

Утре отворен ден во О. Карпош

Отворениот ден во Општина Карпош , ќе се реализира по втор пат изминатиот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Силен земјотрес во Јапонија: Има повредени; железничкиот сообраќај е во прекин

Земјотрес со јачина од 7,1 степен според Рихтеровата скала денеска го погоди Јапонија, соопшти Европско-медитеранскиот сеизмолошки центар (EMSC).

Видео: Силен земјотрес во Јапонија: Има повредени; железничкиот сообраќај е во прекин

Епицентарот на земјотресот бил на островот Кјушу на југот од земјата, на длабочина од 10 километри и на 25 километри од градот Кумамото.

Според јапонските медиуми, неколку лица се повредени.

По земјотресот, железничкиот сообраќај во регионот Кјушу, вклучително и оној на брзиот воз „Шинкансен“, беше прекинат, соопшти компанијата „Кјушу рејлвеј“, пренесе агенцијата Кјодо.

Компанијата „Кјушу“ соопшти дека не се утврдени неправилности во нуклеарните централи „Генкаи“ во префектурата Сага и „Сендаи“ во префектурата Кагошима. Исто така, беше соопштено дека нивоата на радијација околу мерните станици не претрпеле промени.

Американскиот центар за предупредување од цунами (PTWC) соопшти дека опасноста од цунами по земјотресот поминала и дека не постои закана од цунами за јапонскиот брег.

Според сведоштва објавени на веб-страницата на EMSC, се почувствувало нишање што траело неколку секунди.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Зинедин Зидан официјално преставен како нов селектор на Франција

Легендарниот фудбалер Зинедин Зидан официјално стана новиот селектор на Франција.

Зинедин Зидан официјално преставен како нов селектор на Франција

Она што беше објавено уште во ноември, сега доби официјална потврда.

Поранешниот тренер на Реал Мадрид, легендарниот Французин Зинедин Зидан, го наследи Дидие Дешам на клупата на „триколорите“, со што заврши една од најдолгите и најуспешните ери на селекција во модерниот фудбал.

Во соопштението се наведува дека Зидан ќе биде селектор на Франција до крајот на Светското првенство во 2030 година. Дешам ја водеше Франција 14 години. Својот најголем успех го постигна со освојувањето на Светското првенство во 2018 година, додека со репрезентацијата ја освои и Лигата на нации во 2021 година.

Зидан е без тренерски ангажман уште од 2021 година, кога го напушти „Кралскиот клуб“. Со популарниот Зизу како играч, започнаа годините на доминација на француската репрезентација.

Тимот беше светски првак во 1998 година, две години подоцна и европски првак, а „триколорите“ – повторно со Зидан во составот – стигнаа и до финалето во 2006 година, во славниот дуел против Италија. Од 1998 година наваму, Франција четири пати играла во финалето на Светското првенство. Пред него е задачата да ја одржи таа континуираност.

Тагови: Зинедин Зидан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер