Експерти за врски откриваат што не би требало да правите после кавга со партнерот - Канал 5

Живот

Експерти за врски откриваат што не би требало да правите после кавга со партнерот

Кавгите помеѓу партнерите се вообичаена работа, иако на многу парови во тие ситуации им се чини дека е крај на светот. 

Експерти за врски откриваат што не би требало да правите после кавга со партнерот

Сепак експертите предупредуваат кои нешта не треба да ги правиме после кавга за дополнително да не ја влошиме ситуацијата.

Не однесувајте се како ништо да не се случило

Игнорирањето на фактот дека сте скарани или преправањето дека кавгата не се случила, не е добра идеја.

„Игнорирањето на расправијата значи дека вашиот партнер е задоволен со исходот, но настојувањето повторно да се поврзете по кавгата е клучно за успешен исход. Разговорот за тоа што сте го научиле од расправијата може да помогне во поправање на штетата“, вели Лесли М.В. Доарес, советничка брак, автор на книгата „Траен брак“: Како да го создадете вашето „среќни засекогаш“ со повеќе елан, а помалку труд (Lasting Marriage: How to create your happily ever after with more intention, less work)

Ако нa партнерот не му укажете дека ви пречи она за што сте се расправале, во иднина вашите расправии би можеле да бидат поинтензивни, вели стручњакот за запознавање Лорел Хаус.

Не ги споделувајте јавно деталите од вашата кавга

Нормално е да барате потврда од пријателите или семејството дека сте во право кога станува збор за кавгата, но деталите од тоа не треба јавно да се споделуваат. „Ова може штетно да се одрази на довербата што партнерот ја има во вас“, вели Марни Фоерман, лиценциран психотерапевт.

Штом јавно ќе кажете нешто, луѓето почнуваат со проценка на вашата врска. „За разлика од вас, она што сте го кажале, ним ќе им биде потешко да го простат или заборават“, вели стручњакот за запознавање Лорел Хаус.

Не дозволувајте да помине премногу време пред да ги решите проблемите од расправијата

Колку подолго трае расправијата, толку повеќе ќе се лутите. „Гневот и повредените чувства може да растат ако не се решат навреме“, вели Антонија Хол, психолог, експерт за односи и автор на „The Ultimate Guide to a Multi-Orgasmic Life“.

Покрај тоа, колку повеќе време минува, потешко се сеќавате на причината за расправијата, а тоа го отежнува решавањето на проблемот. Откако страстите ќе се смират, екпертите советуваат повторно да го разгледате проблемот и да го решите.

Не бидете тврдоглави и прифатете го извинувањето

Важно е да се прости. Ако вашиот партнер ви понуди искрено извинување, прифатете го. „Простувањето е добра пракса во долгите врски“, вели психотерапевтот Марни Фоерман. Ако сè уште сте лути или вознемирени, тврдоглавото неприфаќање на извинувањето од партнерот само ја влошува ситуацијата.

„Со неприфаќање на неговото извинување, вие продолжувате да го казнувате и му порачувае дека, што и да прави или каже, не е доволно добро“, вели Лорел Хаус. А, тоа води до подлабок проблем. Ако не можете да го прифатите извинувањето, размислете што треба да направите за да ја вратите довербата во врската.

Не спомнувајте ги старите кавги

Спомнувањето на деталите од претходните кавги, доведува до бескрајна расправија. Ако сте ја решиле претходната кавга, најдобро е да не ја спомнувате повторно.

„Со изложување на старите конфликти, повторно ја активирате кавгата и му давате до знање на вашиот партнер дека претходните одлуки и договори не значат ништо“, вели експертот Стејси Лора Лојд.

Не барајте изговори за расправа

Стресот, лошото време, сообраќајот... За кавгата можете да ги обвините речиси сите фактори околу вас, но не правете го тоа. „Извинувањето не е извинување ако кажете: „Жал ми е, но...“ – вели Голдстајн. „Изговорите даваат можност да изгледате како да се ослободувате од секаква одговорност“, вели Џим Вокуп, лиценциран брачен советник во Њујорк.

Извор: www.index.hr

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со температура до 39 степени

Според Управата за хидрометеоролошки работи времето денес ќе биде сончево и топло со мала локална облачност. 

Сончево и топло со температура до 39 степени

Ќе дува слаб до умерен ветер од североисточен правец. Минималната температура ќе биде во интервал од 12 до 20, а максималната ќе достигне од 32 до 39 степени.

Во Скопје, сончево и топло со слаб до умерен ветер од променлив правец. Минималната температура ќе се спушти до 18, а максималната ќе достигне до 36 степени.

ВРЕМЕТО ВО НАРЕДНИТЕ ДЕНОВИ

Под влијание на топол бран до крајот на следната седмица времето ќе биде сончево и многу топло. Особено топло ќе биде од среда кога наместа дневната температура ќе биде над 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

РСБСП со апел за безбедно возење по повод 2. Август - Ден на Републиката

Републичкиот совет за безбедност на сообраќајот на патиштата по повод одбележувањето на 2. Август  - Ден на Републиката - Илинден упатува апел до сите учесници во сообраќајот за зголемена одговорност и почитување на сообраќајните правила.

РСБСП со апел за безбедно возење по повод 2. Август - Ден на Републиката

Републичкиот совет за безбедност на сообраќајот на патиштата по повод одбележувањето на 2. Август - Ден на Републиката - Илинден упатува апел до сите учесници во сообраќајот за зголемена одговорност и почитување на сообраќајните правила и прописи.

За време на претстојниот празничен викенд, нагласуваат од РСБСП, се очекува зголемена раздвиженост на сите категории учесници во сообраќајот особено на патните правци кон туристичките места Охрид, Преспа, Дојран, Крушево, Пелинце, излетничките места и кон граничните премини.

-Во услови на зголемен интензитет на сообраќајот, внимателното и одговорно учество во сообраќајот е клучен предуслов за зачувување на безбедноста на сите учесници - нагласуваат од РСБСП.

Во таа насока Републичкиот совет за безбедност на сообраќајот на патиштата апелира до сите учесници во сообраќајот:

-да ги почитуваат сообраќајните правила и прописи;

-да го почитуваат ограничувањето на брзината на движење со возилата согласно поставената сообраќајна сигнализација, густината на сообраќајот и условите на патот;

-да не управуваат моторно возило под дејство на алкохол и недозволиви психотропни супстанци или во состојба на замор;

-задолжително да користат сигурносен појас, а децата на возраст до пет години да се превезуваат во соодветни детски седишта;

-да не користат мобилен телефон или други електронски уреди за време на управување со возило;

-пред поаѓање на пат да ја проверат техничката исправност на возилото, а долгите патувања на секои два часа возење да прават паузи.

До велосипедистите, мотоциклистите, возачите на лесни електрични возила и пешаците РСБСП со апел да се движат внимателно, да ги почитуваат сообраќајните правила и да придонесат за поголема безбедност во сообраќајот.

-Секое одговорно однесување во сообраќајот претставува придонес кон зачувување на човечките животи. Да не дозволиме еден момент на невнимание, брзо возење или неодговорна одлука да доведат до несакани последици. Републичкиот совет за безбедност на сообраќајот на патиштата им го честита празникот 2. Август Денот на Републиката - Илинден на сите граѓани и им посакува безбедно патување и пристигнување до саканата дестинација - се вели во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 31. јули 2026 година

Дневен хороскоп за петок, 31. јули 2026 година. 

Дневен хороскоп за 31. јули 2026 година

Лав 23.7-22.8.

Љубов

Би можело да се случи денеска да увидите дека на некои работи едноставно им е истечен рокот на траење.

Кариера

Ќе ви падне на памет идеја , со која целосно би можеле да го смените системот на вашата работа.

Здравје

Вашата смисла за хумор веројатно ќе ве напушти.

Девица 23.8.-23.9.

Љубов

Некои од вашите пријатели денеска би можел да ве растажи . Саканата личност ќе успее да ве утеши.

Кариера

Ќе се замислувате на бина и ќе посакате да слушнете аплауз од публиката . Тоа некои навистина ќе го доживеат.

Здравје

Трпение , спасение.

Вага 24.9.-23.10

Љубов

Денеска многу полесно се дише , а кај вас повторно расте оптимизмот, среќата и задовокството. Истото се однесува и за вашиот партнер.

Кариера

Бидете максимално тактични во секоја соработка. Ако треба , почекајте до утре и се ќе си дојде на своето место.

Здравје

Ќе се разведрите.

Шкорпија 24.10-22.11.

Љубов

Во душата ќе почиствувате олеснување , но и натаму ќе треба да и се прилагодувате на другата страна , зашто таа ќе ги држи конците во своите раце.

Кариера

Денеска веројатно ништо нема да ви оди од рака. Помирете се со тоа и почекајте до утре , кога се ќе ви изгледа подобро.

Здравје

Имунитетот и натаму ви е слаб.

Стрелец 23.11.-21.12.

Љубов

Како што ќе поминува денот , се повеќе ќе ви станува јасно колку се сакате , но кај вас ќе расте и потребата за доминација над партнерот.

Кариера

Студентите нека бидат внимателни и нека не се залетуваат. За другите вообичаен ден.

Здравје

Мали емотивни турбуленции.

Јарец 22.12.-20.1.

Љубов

Ќе чувствувате силна поврзаност со семејството . Ќе имате потреба да останете дома и да уживате.

Кариера

Би било добро да го одложите деловното патување – барем до утре. Ако морате да патувате , сметајте на проблеми во транспортот .

Здравје

Сакате промени.

Водолија 21.1.-19.2.

Љубов

Ќе бидете склони подлабоко да ги проучите своите приватни односи. Некои ќе се решат да постават нови насоки и граници.

Кариера

Опасноста мина и повторно можете да соработувате без грижи. На дневен ред доаѓаат финансиските теми.

Здравје

Пад на имунитетот.

Риби 20.2.- 20.3.

Љубов

Можни се проблеми во поширокото семејство , така што ќе немате време за љубов или за партнерот.

Кариера

Уметниците и креативните денеска ќе ги изразуваат експресионистичките идеи пред угледна публика.

Здравје

Внимавајте на фрустрации.

Овен 21.3-20.4.

Љубов

Некои ќе доживеат блиска средба со личност од своето љубовно минато. Други само ќе размислуваат за такво нешто.

Кариера

Атмосферата на работното место би можела да биде напната . Ништо не форсирајте , туку повлечете се и причекајте до утре.

Здравје

Премногу силни емоции.

Бик 21.4- 20.5.

Љубов

Денеска посебно ќе блескате што ќе биде препознаено од речиси секого. Лесно на другите ќе им се вовлечете под кожа.

Кариера

Во конкретните работи , како и во услужните дејности , работите ќе ви одат од рака. Уметниците денеска нека мируваат.

Здравје

Блескате.

Близнаци 21.5.-21.6.

Љубов

Веројатно ќе бидете во ситуација да покажете колку сте ранливи и емотивни. Другата страна ќе ве разбере.

Кариера

Ќе смислите нови идеи , со кои би можеле да ги зголемите приходите. Се треба да договорите со колегите.

Здравје

Немојте да се опијаните , зашто тоа нема да излезе на добро.

Рак 22.6-22.7.

Љубов

Веројатно ќе се заплеткате во уште една љубовна илузија , каде нема да се знае кој пие , а кој плаќа.

Кариера

Оние кои одмораат , ќе успеат да се опуштат . Оние кои работат , ќе гледат што побргу да ги завршат обврските.

Здравје

Најдобро е да го преспиете денов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер