ЕК промовираше Акциски план за зајакнување на кибер безбедноста во здравствениот сектор - Канал 5

Свет

ЕК промовираше Акциски план за зајакнување на кибер безбедноста во здравствениот сектор

 Европската комисија денеска претстави Акциски план на ЕУ за зајакнување на кибер безбедноста на болниците и здравствените установи, со што треба да се создаде побезбеден и посигурен амбиент за пациентите и медицинските работници. 

ЕК промовираше Акциски план за зајакнување на кибер безбедноста во здравствениот сектор

Извршната потпретседателка на Еврокомисијата за технолошки суверенитет, безбедност и демократија, Хена Виркунен при презентацијата на Планот нагласи дека модерното здравство направи неверојатен напредок со дигиталната трансформација, со што се подобри здравствена заштита на граѓаните.

- За жал, здравствените системи, исто така, се предмет на инциденти и закани по кибер безбедноста. Затоа инициравме Акциски план за да се осигураме дека здравствените системи, институциите и поврзаните медицински помошни установи се отпорни на кибер напади, рече Виркунен.

Според неа, согласно медицинската максима „подобро е да се спречи, отколку да се лекува“, Европската комисија со овој План презема мерки за спречување на појавата на кибер напади.

- Но, ако се случат, треба да имаме се што е потребно за да ги откриеме, брзо да реагираме и да закрепнеме од нив, додаде Виркунен.

Според еврокомесарот за здравство и благосостојба на животните Оливер Вархеји, дигиталните технологии и решенија отворија нови можности за здравството, овозможувајќи прецизна медицина, следење на состојбата на пациентите во реално време и беспрекорна прекугранична комуникација помеѓу давателите на здравствени услуги.

- Но, дигитализацијата е силна само ако влева довербата и ако е отпорна од кибер напади. Пациентите мора да се чувствуваат сигурни дека нивните најчувствителни информации се безбедни, рече Вархеји,

Но, покрај пациентите, според него, исто така и здравствените работници мора да имаат доверба во системите што секојдневно ги користат за да спасуваат животи.

- Денешниот Акциски план е важен чекор кон обезбедувањето на таа доверба и создавање поотпорен здравствен систем за иднината, додаде Вархеји.

Овој Акциски план беше најавен од страна на претседателката на Европската комисија, Урсула фон дер Лајен, како еден од нејзините клучни приоритет во првите 100 дена од новиот мандат, имајќи предвид дека во здравствените сектори на земјите членки на ЕУ во 2023 година биле регистрирани 309 поголеми инциденти поврзани со кибер безбедноста.

- Дигитализацијата носи револуција во здравството, овозможувајќи подобри услуги за пациентите преку иновации, како што се електронски здравствени картони, телемедицина и дијагностика со помош на вештачката интелигенција. Сепак, кибер нападите може да ги одложат медицинските процедури, да создадат блокади во салите за итни случаи и да ги нарушат виталните услуги што, во тешки случаи, може да имаат директно влијание врз животите на Европејците, посочи Еврокомисијата.

[Во Љубљана утрово почна главното судско рочиште против 11 лица и една компанија, кои се дел од најголемата здравствено-корупциска афера во Словенија. На првото рочиште кое се одржа во мај и ј]

Со Планот се предвидува формирање на Паневропски центар за поддршка на кибер безбедноста на болниците и здравствените установи, кој ќе им обезбедува насоки, алатки, услуги и обука.

Главни приоритети на Акцискиот план се засилена превенција преку изградба на капацитетите за спречување на кибер инциденти во здравствениот сектор, создавање на систем за побрзо откривање и идентификација на заканите, максимално намалување на времето потребно за одговор на кибер нападите и зајакнување на можностите на европските здравствени системи за одвраќање на кибер заканите.

Комисијата најави дека наскоро ќе започне јавна консултација за Планот во која ќе може да учествуваат сите граѓани и засегнати страни. Од овие консултации се очекува да произлезат дополнителни препораки кои до крајот на годината би биле вклучени во Планот.

Примената на Акцискиот план, кој претставува прв чекор во процесот за зајакнување на кибер безбедноста во здравствениот сектор во ЕУ, предвидено е да започне етапно во текот на 2025 и 2026 година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масакрот во Краков ќе се истражува како терористички напад, напаѓачот сѐ уште не е испитан

Полската државна обвинителска канцеларија објави дека ќе го истражи масакрот во Краков, во кој вчера беа убиени шест лица, како кривично дело од терористичка природа. 

Масакрот во Краков ќе се истражува како терористички напад, напаѓачот сѐ уште не е испитан

Тоа е важен нов развој во истрагата за нападот, кој, заедно со трите тела пронајдени во домот на напаѓачот, го доведе вкупниот број на мртви на девет.

Портпаролот на Окружното обвинителство во Краков, Томаш Вашчук, изјави за TVP Info дека денес обвинителството планира формално да отвори истрага и правно да го квалификува нападот како терористички прекршок.

Ова сè уште не значи дека терористичкиот мотив е потврден. Истражителите сè уште се обидуваат да утврдат што го навело 24-годишниот Михал О. да изврши крваво дивеење.

Напаѓачот сè уште не е испрашуван, го чува полицијата

Вашчук, исто така, откри дека поради сериозните повреди, напаѓачот сè уште не е испрашуван, ниту е извршено формално апсење против него во процедурална смисла.

Михал О. е во болница откако беше ранет од полицајци за време на интервенцијата. Тој беше подложен на операции и цело време беше чуван од полицајци.

„Доколку неговото здравје се подобри доволно за да можеме да преземеме процедурални чекори, ќе го сториме тоа“, рече Вашчук.

Тој додаде дека може да му се изрече доживотна казна затвор за кривичните дела за кои се товари.

Тие го истражуваат неговото минато и можните врски

Истражителите продолжуваат да испитуваат локации поврзани со нападот и собираат снимки од камерите за надзор за да ги реконструираат движењата на напаѓачот.

Поточно, ќе бидат истражени неговото минато, личните односи и околностите под кои го стекнал оружјето. Според досегашните информации, 24-годишникот имал дозвола за поседување оружје и претходно не бил казнет.

Полскиот министер за внатрешни работи Марчин Киервински претходно изјави дека напаѓачот имал многу радикални ставови. Беше спомената и можна врска со крајно десничарски идеологии, но досега не е потврдено дека тие биле мотивот за нападот.

Девет мртви поврзани со масакрот

Да ве потсетиме дека 24-годишникот вчера влегол со автомобил на главниот плоштад во Краков малку по 15 часот и почнал да пука кон минувачите. Тој убил шест лица и ранил уште 15, вклучувајќи двајца полицајци кои помогнале да го запрат.

По пукањето, полицијата пронашла уште три тела во неговиот дом во Островјец Свјетокржиски. Потврдено е дека станува збор за негови родители и сестра. Околностите на нивната смрт се исто така под истрага.

Полска прогласи дводневна национална жалост како одговор на трагедијата, а во Краков жалоста ќе трае до среда.

Тагови: краков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Ужас во рингот: Прекинат е меч поради страшна деформација на главата на боксерот (ВИДЕО)

Англискиот боксер Зак Милер влезе во рингот со големи амбиции и желба да ја освои британската титула во перо категорија, но неговиот меч против Гали Паувар заврши на начин што ги шокираше љубителите на боксот. 

Ужас во рингот: Прекинат е меч поради страшна деформација на главата на боксерот (ВИДЕО)

По десет рунди и драматични сцени во рингот, тепачката беше прекината поради страшниот оток на главата, кој целосно го промени изгледот на неговото лице.

Борбата за слободниот шампионски појас се одржа на боксерски настан, чии главни актери беа Џошуа Буатси и Вили Хачинсон. Пуар беше поактивен во поголемиот дел од натпреварот, но пресвртот дојде по ненамерниот судир на глави.

Над окото на Милер почна да се создава огромен хематом кој од минута во минута стануваше се поголем. Веќе на крајот од седмата рунда последиците беа застрашувачки. На лицето му се појавил голем оток, додека дополнителна загриженост предизвика расекотина над другото око.

Ситуацијата набрзо дополнително се влошила. Уште еден огромен хематом се појавил на спротивната страна од главата, а двата отоци продолжиле да растат. Во деветтата рунда беше побарана лекарска проценка, но Милер доби дозвола да ја продолжи борбата.

Не се откажа и покрај страшните повреди

Во десеттиот круг сцените станаа уште подраматични. Отоците толку многу ја искривиле главата на боксерот што судијата повторно го повикал докторот на ринг. Овој пат немаше дилема - по краток преглед беше препорачано прекинување на тепачката и итна медицинска помош.

Бидејќи повредите настанаа како резултат на ненамерен судир на глави, победникот беше решен според картоните на судиите. Паувар славеше со едногласна техничка одлука. Така 24-годишникот стигна до титулата британски шампион во перо категорија, додека Зек Милер и покрај големата желба и упорност мораше да се задоволи со пораз.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Македонија заслужува ЕУ сега- светските либерали изгласаа резолуција за итна европска интеграција!

Забрзана интеграција на Македонија во Европската Унија и итен пристап до европскиот пазар и фондовите на Унијата се бара во резолуцијата на Либералната интернационала усвоена изминатата недела на конгресот во Бангкок. 

ЛДП: Македонија заслужува ЕУ сега- светските либерали изгласаа резолуција за итна европска интеграција!

Резолуцијата истакнува дека 78% од македонската економија е поврзана со европската и дека претворањето на евроинтеграцијата во подвижна цел за Македонија и за земјите кандидатки води кон слабеење на европските позиции.

Предлозите од оваа резолуција носат директни решенија за секојдневните маки на македонските граѓани и бизниси – крај на повеќечасовните чекања за камионџиите на границите поради новиот ЕЕС-систем, ослободување од дополнителни такси за влез во ЕУ како новиот ЕТИАС-систем, слободно движење и работа ширум Европа, како и силна економска ињекција преку фондовите што ќе го подобрат стандардот на граѓаните.

ЛДП во континуитет истакнува дека е потребна редовна координација на меѓународните секретари и раководствата на партиите кои имаат членство во меѓународните и европските политички семејства за да се промовираат координирани национални позиции. Водењето надворешна политика водена исклучиво од интересите на една партија е погрешно и штетно.

На овој значаен настан, Емил Кирјас ја доби силната доверба и реизбор за потпретседател на светското либерално семејство, потврдувајќи го угледниот македонски глас на меѓународната сцена.

„Од либералите имаме постојана, директна и сесрдна поддршка. Тоа е последица на напорна работа, блиски контакти, искрени односи и непоколебливо држење до вредностите. Тоа државата мора да го искористи сега, а не утре,” изјави по усвојувањето на резолуцијата потпретседателот на ЛИ, Емил Кирјас.

“Како народ и како нација немаме луксуз да чекаме подобри времиња преку илузорни странски гаранции. Градењето функционална, правична, некорумпирана и здрава држава, со самозаштитни клаузули за европската иднина и економскиот просперитет, мора да биде заедничка обврска за сите. Мора да ја промениме реалноста во која доминираат манипулациите и празните говори, наместо конкретните резултати“, додаде Кирјас.

ЛДП останува отворена да ги поддржи вистинските државни интереси кои водат кон итно деблокирање на европските интеграции и конкретни придобивки за македонските граѓани и македонскиот бизнис.

Либерално-демократска партија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер