ЕК предлага зајакната улога на Фронтекс во враќањето на илегалните мигранти - Канал 5

Свет

ЕК предлага зајакната улога на Фронтекс во враќањето на илегалните мигранти

Урсула фон дер Лајен предлага зајакнување на улога на Европската агенција за гранична и крајбрежна контрола (Фронтекс) во постапката за враќање на илегалните мигранти од блокот. 

ЕК предлага зајакната улога на Фронтекс во враќањето на илегалните мигранти

Во писмо упатено до лидерите на земјите членки на ЕУ посветено на плановите за миграциската политика на Унијата за периодот 2025-2027 година, претседателката на Европската комисија, Урсула фон дер Лајен предлага зајакнување на улога на Европската агенција за гранична и крајбрежна контрола (Фронтекс) во постапката за враќање на илегалните мигранти од блокот.

Во писмото упатено до лидерите во пресрет на нивниот Самит во четвртокот, на кој една од темите беше и миграцијата, Фон дер Лејен најавува дополнителни три милијарди евра за спроведување на Пактот на ЕУ за миграција и азил од 2025 до 2027 година.

Писмото доаѓа по минатонеделниот предлог на Европската комисија за измена на Директивата на ЕУ за враќање, со кои се предвидува поедноставувањето и забрзувањето на процедурите за депортација на мигрантите чии барања за азил и легален престој во ЕУ ќе бидат одбиени.

Како што јави дописникот на МИА од Брисел, документот што Фон дер Лајен го испрати до европските лидери содржи и патоказ со датуми за реформирање на Фронтекс, како и за забрзување на спроведувањето на Пактот за миграција и азил, кој треба да стапи во сила кон средината на 2026 година. Во него се предвидува во 2026 година да биде извршено „преиспитување на мандатот на Фронтекс“, со цел Агенцијата да добие овластување за организирање операции за враќање илегалните мигранти во соработка со трети земји, како и проширување на нејзината улога во спречувањето на илегалната миграција.

Како дел од својата поширока стратегија за реформи на Фронтекс, Комисијата уште минатата година најави планови за тројно зголемување на постојаниот персонал на Агенцијата на 10.000 службеници до 2027 година. Во тие рамки, во јануари годинава Комисијата за буџет на Европскиот парламент го одобри Планот на ЕК за издвојување на 250 милиони евра за новото седиште на Фронтекс во Варшава.

Фронтекс е основан во 2004 година, како одговор на зголемените предизвици во контролата на надворешните граници на ЕУ. Буџетот на Агенцијата постојано се зголемуваше во изминативе години, па така од 143 милиони евра во 2015 година, лани достигна на 922 милиони евра.

Европскиот комесар за внатрешни работи и миграција Магнус Брунер неодамна најави дека клучен елемент на новата миграциска стратегија на ЕУ ќе биде создавање на листа на „безбедни земји на потекло“ на Унијата, која се очекува Европската комисијата да ја објави во текот на наредните недели, најверојатно најдоцна до 16 април, и која дополнително ќе биде ревидира со текот на времето.

Станува збор за листа на земји, за кои ЕУ ќе смета дека се безбедни за во нив да бидат вратени лицата кои илегално престојуваат во некоја од земјите членки на ЕУ.

Со новата Регулатива за процедурите за азил, Комисијата има обврска да ја изработи листата најдоцна до 12 јуни, но уште на почетокот на годинава таа побара од членките на ЕУ да и ги достават своите предлози за „безбедни земји“ до март, наместо до јуни.

Концептот за изработка на листа на „безбедни земји“ не е нов, бидејќи тој првпат беше предложен од поранешниот претседател на Европската комисија Жан-Клод Јункер за време на миграциската криза во 2015 година, но тој тогаш беше отфрлен од некои земји членки со оценка дека станува збор за контроверзен предлог.

Се предвидува концептот на „безбедни земји на потекло“ да овозможи барателите на азил да бидат префрлани во држава каде што можат да добијат заштита, наместо да престојуваат во земјата во која аплицирале за азилантски статус.

Дополнително, земјите членки на ЕУ имаа обврска до декември минатата година до Европската комисија да ги достават своите планови за имплементација на мерките за миграциската политика, од што зависи и изработката на единствен план на ниво на Унијата. Извори во ЕУ посочуваат дека многу земји членки „доцна“ ги доставиле своите планови, а најмалку две, меѓу кои и Полска која е најголем противник на некои одредби од Планот за миграција и азил, се уште не го сториле тоа и дека Фон дер Лајен побарала да ја завршат ова постапка „што е можно поскоро“.

Инаку, во писмото на Фон дер Лејен до лидерите се наведува и дека дел од дополнителните три милијарди евра за имплементација на Пактот за миграција и азил, ќе бидат наменети за земјите членки во кои престојуваат бегалци од Украина, кои имаат статус на „лица под привремена заштита“.

Овој статус беше активиран на 4 март 2022 година на период од една година, по што беше продолжуван и сега важи до 4 март 2026 година. Комисијата сега разгледува опции за мерки по истекот на важноста на статусот на „лица под привремена заштита“, кои меѓу другото вклучуваат и можност за продолжување на престојот на оние кои се вработиле или студираат во земја на ЕУ, како и доделување финансиска поддршка за Украинците кои ќе решат да се вратат во својата земја по завршување на конфликтот.

Тагови: фронтекс мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Три години штедел за да си купи скутер- влегол во продавницата со вреќа монети, продавачите ги броеле со часови (ВИДЕО)

Невообичаена приказна за трпение и упорност доаѓа од индиската држава Телангана, каде што 51-годишниот Б. Рави Џозеф успеал да ја оствари својата желба .

Три години штедел за да си купи скутер- влегол во продавницата со вреќа монети, продавачите ги броеле со часови (ВИДЕО)

Невообичаена приказна за трпение и упорност доаѓа од индиската држава Телангана, каде што 51-годишниот Б. Рави Џозеф успеал да ја оствари својата желба на прилично необичен начин - купил нова Хонда Актива со пари што ги штедел исклучиво во монети три години.

Џозеф, кој работи како пастор во црква, живее во округот Манчеријал. Почнал да штеди на 10 октомври 2023 година, кога решил дека секој пат кога ќе добие кусур во монети од 10 рупии (околу девет евро центи), ќе ги штеди.

Не секогаш имал поддршка

Па, малку по малку, за време на неговите дневни патувања до продавницата и други активности, успеал да собере 123.000 рупии, или околу 1.158 евра.

„Во текот на изминатите три години, од парите што ги трошев, вклучувајќи купување намирници и други трошоци, каде и да одев, успеав да издвојам нешто. Така штедев“, рече тој.

Сепак, неговиот план не секогаш наидувал на поддршка. Во еден момент се појавија гласини дека монетата од 10 рупии може да биде повлечена од оптек или да го изгуби статусот на законско средство за плаќање.

Поради ова, некои членови на неговото семејство почнаа да го одвраќаат од понатамошно собирање пари.

На почетокот, тие самите беа скептични во врска со необичниот начин на штедење, но со текот на времето ја прифатија идејата и го поддржаа во остварувањето на својата цел, објавува Индија Тудеј.

Тој имаше и поскапа желба

Џозеф првично размислуваше да ги искористи заштедите за да купи нешто корисно за домаќинството, но подоцна се предомисли и реши да ги инвестира парите во ново превозно средство. Неговиот претходен мотоцикл почна да се расипува и повеќе не работеше правилно, па затоа одлучи дека е време да го замени.

Тој исто така призна дека има уште една, многу поскапа желба - би сакал да може да купи мотоцикл Royal Enfield Bullet, но неговите финансиски можности не му го дозволуваа тоа.

Кога конечно одлучи да купи Honda Activa, се соочи со уште еден предизвик - да најде продавница што ќе ја прифати целата сума во монети.

Според менаџерот на салонот во Луксетипет, Џозеф прво се обратил кај продавачот 15 дена пред купувањето за да провери дали е можно да го плати скутерот исклучиво со монети од 10 рупии.

Вработените се согласиле да ја прифатат понудата, а потоа Џозеф се појавил во салонот со парите што внимателно ги штедел три години и го зел скутерот.

Тагови: монети скутер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Наставничка призна вина, откако роди дете чиј татко е нејзин 13 – годишен ученик (ВИДЕО)

Сега веќе поранешна наставничка за петто одделение се изјасни за виновна во Њу Џерси откако роди дете за кое обвинителите велат дека било зачнато од ученик кој во тоа време имал 13 години!

Наставничка призна вина, откако роди дете чиј татко е нејзин 13 – годишен ученик (ВИДЕО)

Лора Карон, 36, се изјасни за виновна за кривично дело од втор степен за загрозување на благосостојбата на дете преку сексуално однесување, како дел од спогодбата за признавање на вина што бара од неа да се откаже од лиценцата за наставник и од секое идно јавно вработување, објави Пипл.

Карон првично беше обвинета за тешка сексуална злоупотреба, сексуален напад и загрозување на благосостојбата на дете откако обвинителите рекоа дека таа била во врска со ученикот со години, почнувајќи од кога тој имал 11 години и бил во нејзиното петто одделение.

Според наводите на обвинителите на рочиштето за старателство во 2025 година, сексуалниот контакт со ученикот започнал во 2016 година и траел четири години, што резултирало со раѓање на дете во 2019 година, наводно чиј татко бил тогаш 13-годишно момче.

Обвинителите рекоа дека Карон била пријателка на семејството на жртвата и договорила детето да остане во нејзиниот дом. Ова на крајот доведе до тоа момчето да живее со неа, сè додека полицијата не интервенираше во случајот.

Случајот излезе на виделина по објава на Фејсбук. Таткото на жртвата објави на социјалните мрежи во 2024 година дека неговото дете, кое сега има пет години, личи на неговиот син.

Директорот на училиштето ја видел објавата, го привлекол вниманието на неа и започнал истрага. Кога детективите разговарале со жртвата, тој потврдил дека имал сексуален однос со Карон и дека е татко на нејзиното дете.

На рочиштето за изрекување на пресудата во 2025 година, обвинителите рекоа дека го пресметале бројот на сексуални напади врз основа на интервјуа со жртвата и процениле дека тој бил сексуално нападнат вкупно 416 пати.

Во соопштението за медиумите во кое се објавува признавањето на вината од Карон, обвинителите рекоа дека таа се согласила на петгодишна казна во државен затвор.

Сепак, пред да може да почне да ја издржува казната, таа ќе биде подложена на проценка за да се утврди дали е „склона да го повторува таквото однесување и/или има компулсивни тенденции“, што би можело да влијае на нејзината казна.

По отслужувањето на затворската казна, Карон ќе биде должна да се регистрира во регистарот на сексуални престапници на Меганс Ло и да биде под условна казна до крајот на животот.

Казната на Лаура Карон е закажана за 8 јануари 2027 година.

Тагови: наставничка ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Каде завршија танкерите со со руски дизел за САД?

Договорот меѓу претседателите на САД и Русија, Доналд Трамп и Владимир Путин, за испорака на руски дизел во Соединетите Американски Држави се соочува со сериозни пречки.

Каде завршија танкерите со со руски дизел за САД?

Договорот меѓу претседателите на САД и Русија, Доналд Трамп и Владимир Путин, за испорака на руски дизел во Соединетите Американски Држави се соочува со сериозни пречки, откако два од првите три танкери што го носат руското гориво ги сменија своите првични дестинации.

Танкерот „Талисман“, кој е под санкции од САД, Велика Британија и ЕУ, се пренасочи од својата рута кон американскиот атлантски брег и влезе во Средоземното Море, објави „Фајненшл тајмс“ (FT). Бродот е во близина на брегот на Алжир и испраќа сигнал „чекајќи инструкции“, што укажува дека сè уште не потврдил купувач или пристаниште каде што ќе го истовари својот товар.

Вториот танкер, „Леруо“, кој е под знамето на Сиера Леоне и е во сопственост на компанија од Хонг Конг, ја смени својата дестинација во Бразил. Тој брод е исто така под санкции наметнати од ЕУ, Велика Британија и Канада.

Регулаторните и санкциите ризикуваат да ги запрат испораките

Третиот танкер, „Агиои Фанедес“, кој првично го сигнализираше Њујорк како своја дестинација, сè уште плови кон североисточниот брег на САД, но ниту тој нема потврдено пристаниште за истовар. Неговиот сопственик, грчката компанија „Истерн Медитеран Маритим“, изјави дека бродот продолжува со своето патување во исчекување на инструкции, бидејќи пристаништето каде што ќе се истовари товарот сè уште не е одредено.

Мат Смит, аналитичар во „Кплер“, рече дека не би било изненадувачки ако и тој танкер го промени курсот и го напушти американското пристаниште, со оглед на претпазливоста на потенцијалните купувачи поради регулаторни, правни и санкциони ризици.

Во меѓувреме, друг танкер, „Бист“, исто така плови кон американскиот атлантски брег. Овој брод натоварил дизел во руското пристаниште Приморск на 27 октомври.

Според податоците што ги цитира „Фајненшл тајмс“, првите три танкери требало да транспортираат вкупно околу 140.000 тони руски дизел. Ова се првите пратки опфатени со привремена дозвола од американските власти, издадена откако Трамп објави договор со Путин на 9 октомври за ублажување на ограничувањата за извоз на руски дизел.

Тагови: Дизел Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер