ЕК ги прогласи „Порнхаб“, „ИксВидеос“ и „Стрипчет“ за „многу големи онлајн платформи“ - Канал 5

Живот

ЕК ги прогласи „Порнхаб“, „ИксВидеос“ и „Стрипчет“ за „многу големи онлајн платформи“

Врз основа на Законот за дигитални услуги (ДСА) на ЕУ, Европската комисија денеска донесе одлука со која интернет страниците „Порнхаб“, „ИксВидеос“ и „Стрипчет“ се прогласуваат за „многу големи онлајн платформи“. 

ЕК ги прогласи „Порнхаб“, „ИксВидеос“ и „Стрипчет“ за „многу големи онлајн платформи“

Како што соопшти Европската комисија, ваквата одлука е донесена затоа што е утврдено оти трите сајтови го исполнуваат условот утврден со ДСА да имаат во просек најмалку 45 милиони корисници во ЕУ на месечно ниво.

Со ова, трите веб страници се придржуваат на 19-те социјални мрежи, пребарувачи и сајтови за електронска трговија кои од претходно беа прогласени за „многу големи онлајн платформи“ и мораат своите услуги целосно да ги усогласат со одредбите од Законот за дигитални услуги најдоцна до 17 февруари 2024 година.

За разлика од нив, „Порнхаб“, „ИксВидеос“ и „Стрипчет“ ќе имаат рок за усогласување со правилата во наредните четири месеци. Усогласувањата се однесуваат на усвојување конкретни мерки за заштита на корисниците, вклучувајќи ги и малолетните лица, како и за соодветна проценка и ублажување на системските ризици од нивните услуги.

Извршната потпретседателка на Европската комисија за Европа прилагодена за дигиталната ера,

Маргрете Вестагер, оцени дека ваквата одлука ќе придонесе за поголема одговорност на овие сајтови во однос на нивните алгоритми и процеси.

- Платформите имаат одговорност кон благосостојбата на нивните корисници и кон нашето демократско општество. ДСА уште еднаш се покажа како суштинска алатка која осигурува дека технологијата ги почитува основните права на европските граѓани, порача Вестагер.

Еврокомесарот за внатрешен пазар Тиери Бретон, пак, истакна дека со денешната одлука трите сајта сега имаат одговорност кон нивните корисници.

- Мора да ги заштитиме слободата на изразување и пристапот до законски содржини на интернет, но мора и да се бориме против неконтролираното ширење на содржини што се штетни за нашите граѓани, особено за помладите, рече Бретон.

Според него, благодарение на Законот за дигитални услуги, ЕУ може да го насочи погледот кон овие платформи и да бара одговорност од нив.

Денешната одлука следи откако на почетокот на минатиот месец 30-тина граѓански организации побараа од Европската комисија да ги вклучи главните порно веб-странци во групата на „многу големи онлајн платформи“, со што би морале да ги почитуваат строгите правила утврдени со Законот за дигитални услуги.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер