Еден ранет во немирите во Косово, српската страна тврди дека десетици Срби се повредени

Драматична ситуацијата во Косово... Едно лице е потешко рането, а десетина други се повредени во немирите кои настанаа во Северна Митровица откако косовската полиција спроведе акција против наводно криумчарење на стока... 

Неодамнешните тензии на административните премини се преселија во северниот дел на Митровица и во Звечан. Шок бомби и солзавец употреби косовската полиција против поголема група српски демонстранти, кои протестираа против акцијата на косовските власти кои претпладнето вршеа рации против криумчарење стока во повеќе продавници и аптепки на Срби во Митровица. Запалени се неколку автомобили. Како што тврди српската страна, косовската полиција користела и боева муниција, а повредени биле десетина Срби, од кои еден бил застрелан во Звечан и се бори за живот. Српскиот претседател Вучиќ доцна попладнево во Рашка одржа исостанок со претставниците на Србите на Косово. Порача дека Белград нема да дозволи погром на српскиот народ и ја повика меѓународната заедница да реагира.

-Го повикав Лајчак денеска и му реков „приберете ги, а ако не можете ќе ги „смириме“ ние. Ако тргнат во насилство, вие заштитете го вашиот народ, а ние ќе бидеме со вас. Не само што ќе ве заштитиме, јас прв пат кажувам дека во таа борба и ќе победиме. , изјави Александар Вучиќ, претседател на Србија

Неофицијално, повредени се шест припадници на косовската полиција, која соопшти дека акцијата била насочена против криумчарење стока во неколку градови, вклучително и во Приштина и во Пеќ.. Косовскиот премиер Курти изјави дека акцијата е завршена и повика на смирување на состојбата.

-Запленети се стоки што претставуваат докази. Криминалците и криминалните групи нема да се толерираат и ќе бидат фатени. Ќе се бориме против шверцот. Ги повикувам граѓаните да не станат жртви на пишувањето на медиумите во Србија, напиша Албин Курти на Фејсбук.

Шефот на европската дипломатија Борел повика на итен прекин на насилствата и на еднострани потези.

Инцидентите следат десетина дена по кризата на административните премини Брњак и Јариње, кои беа заземени од косовските специјалци, а Патот до нив беше блокиран од косовските Срби како реакција на одлуката на Приштина да не дозволува влез на возила со српски таблички без да им бидат заменети со привремени косовски таблички.

УХМР: Во утринските часови ќе провејува снег

Утре во утринските часови на места ќе провејува снег. Во текот на денот променливо облачно со сончеви периоди. Ќе дува слаб до умерен ветер од северен правец.

Минималната температура ќе биде во интервал од -2 до 3, а максималната ќе достигне од 3 до 10 степени.

Во Скопје променливо облачно со сончеви периоди и со слаб северен ветер. Минималната температура ќе се спушти до 2, а максималната ќе достигне 7 степени.

Во вторник ќе се задржи стабилно време со негативни утрински температури. Нов влажен бран со локални врнежи од дожд, а на планините на запад од снег, се очекува во среда и во четврток, велат од УХМР.

Изречени 124 санкции за брзо возење на територија на СВР Битола

На територијата на СВР Битола, денеска во времето од 11:00 до 17:00 часот, спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санционирани се 124 возачи.

Како што информираат од МВР, од нив 97 возачи ја пречекориле брзината во населено место, а 27 надвор од населено место. На сите прекршители изготвени им се соодветни поднесоци.

Министерството за внатрешни работи соопшти дека засилените акциски контроли продолжуваат и во наредните денови. Апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Кинезите го цензурираат прикажувањето на гледачи без маски на СП во Катар

На Кинезите им е сè потешко да толерираат ограничувања, а во последните денови многу од нив учествуваа на демонстрации.

Кинеската телевизија, која емитува фудбалски натпревари од Светското првенство, повеќе не прикажува снимки од гледачи без маски, откако ваквите сцени ги налутија Кинезите кои повеќе не можеа да ги поднесат ограничувањата наметнати против ширењето на коронавирусот.

Кина е последната голема економија што ја продолжи политиката на нулта толеранција за ковид, што вклучува затворање цели населби или градови, прогласување екстремно долги карантини и спроведување масовни кампањи за тестирање.

На Кинезите им е сè потешко да толерираат вакви ограничувања, а во последните денови многу од нив учествуваа на демонстрации.

Во обид да избегне прикажување снимки од стадион полн со навивачи без заштитни маски, спортскиот канал „CCTV“ постојано за време на преносот на натпреварот помеѓу Јапонија и Костарика ги заменуваше сите снимки на кои се гледаат гледачи одблиску без маски со снимки од терен или гледачи, но од голема далечина, чии лица не се разликуваат.

Во исто време, нецензуриран пренос од натпреварот беше достапен за заинтересираните гледачи на интернет, вклучувајќи го и „Douyin“ и кинеската верзија на „TikTok“.

Десетици милиони жители на поголемите градови, вклучувајќи ги Пекинг, Гуангжу и Чонгкинг, се во еден вид карантин, додека снимките од Светското првенство покажаа толпи луѓе на стадионот без никакви здравствени ограничувања.

На популарната веб-страница „WeChat“ се појави отворено писмо во кое корисниците се прашуваат дали Кина е навистина на иста планета како Катар, а кинеската антикоронавирусна политика беше доведена во прашање, но властите брзо ја цензурираа.

Стотици луѓе протестираа во Шангај и Пекинг, протестирајќи против кинеската политика на нулта толеранција за корона. На улиците излегоа и жителите на Вухан, пренесе Индекс.хр.

притисни ентер