Американската актерка, позната по улогата на новинарката Кери Бредшо во хит ТВ серијата „Сексот и градот“, вели дека масовниот егзодус на добростоечките њујорчани ги оставил локалните бизниси на маки.
- Луѓето кои се богати, сите оние кои постигнаа голем успех во Њујорк, сега имаат обврска да и помогнат на заедницата да заздрави - и културолошки и економски. Тие му го должат тоа на градот, треба да реинвестираат во него, треба да се вратат дома и повторно да го запознаат градот, што сега им е очигледно непознат. Вашите омилени ресторани и продавници едвај чекаат да им се вратите.
Не заборавајте дека оваа пандемија не ги запре сметките, а занаетчиството и компаниите не можат да ги задржат вработените ако не се вратите дома. Тие треба да го почувствуваат нашето присуство, потребна им е финансиска поддршка за да останат воопшто отворени. За да може нашиот град да изгледа познато и да функционира како што сте навикнале, мора да се вратите дома “, порача Паркер.
Популарната актерка, која е сопственик и на модната глинија SJP Collection, од прва рака почувствувала како се смени бизнисот за време на кризата со ковид-19.
- Се боревме за време на карантинот, но ги задржавме сите вработени, сите имаат здравствено осигурување и работа. Имавме одлични денови, но имаше и кризни ситуации. Сè на сè, мојот омилен дел од работата е да се биде со клиентите, да им носам чевли, да учам за нивните животи ... Да, јас не сум само шеф, туку и продавачка!
И бидејќи имаме и виртуелен шопинг, јас лично ги доставувам сите нарачки јужно од 54-та улица на клиентите и навистина уживам во тоа. Го сакам тој интимен пристап, ја ценам блискоста со моите клиенти - откри Сара Џесика и заклучи дека жителите на Њујорк сакаат да бидат гламурозни дури и во карантин.
- Потпетиците ни се продаваат секој ден, не чувствувавме никаква разлика во бизнисот - вели таа со задоволство, како што објави Дејли меил.