Живот

Две третини од починатите од коронавирусот во Македонија се мажи

И Македонија го следи светскиот тренд според стапката на смртноста по пол од Ковид 19.

Според досегашните податоциод здравствените власти,бројот на починати мажи до завчера е повеќе од двојно поголем во однос на жените кои ја загубија битката со вирусот.Вкупно 39 наспроти 17, или изразено во проценти, 69 отстоод смртните случаи се мажи.

Според светската статистика, процентот на смртноста помеѓу половите во земјава е слична или безмалку истакако и во други земји. Во Италија процентот на починати мажи е 68, наспроти 32 отсто жени. Речиси идентична е состојбата и во изворот на заразата, Кина, 64 наспроти 36 проценти, а слични се анализите и во Германија, Австрија, Шведска и Иран. Нешто помала е разликата во Канада, починати мажи 56 проценти, наспроти 44, и во Јужна Кореја, процентот на смртност на мажи од коронавирусот е 53, а на жени изнесува 47 отсто.

Според светските епидемиолози, веќе се потврдува веројатноста, дека мажите се поранливи на КОВИД 19. Иако се останува во доментот на истражувањата, дел од нив, се потпираат на неколку тези, како што се податоците дека жените имаат поздрави навики од мажите, а статистиките покажале дека многу поголем број од мажите се пушачи, што го зголемува ризикот од респираторни проблеми.

„Има многу дискусии и во медиумите, но и во медицинската литература, во однос на тоа, каква улога има пушењето на цигари. На пример, во Кина има поголем број на мажи кои се регистрирани како пушачи на цигари, за разлика од жените. Околу 90 % од пушачите во Кина се мажи. Има и други тези, на пример жените, за разлика од мажите, повеќе внимаваат на исхраната, а и имаат поздрави животни навики“,вели Проф. Сабра Клајн, специјалист за родови разлики во однос на заразни болести на Факултетот за јавно здравје, Универзитет Џон Хопкинс.

Досега, во светот, од коронавирусот починаа околу 185.000. Лидер на листата на црн биланс од КОВИД 19 остануваат САД, со над 47.000 починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Колач со боровинки

Во среда (30.09.2026) во емисијата гостин ни бeше Ани Малинкова.

Состојки за денешниот рецепт:

200 гр. овесни снегулки

3 - 4 јајца

2 банани

150 гр. грчки јогурт

300 гр. боровинки свежи или смрзнати

1 лажиче екстракт од ванила

1 ќесичка прашок за печиво

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хаосот продолжува – Жезус „не стигнал“ да го прочита соопштението на Роналдо

Ситуацијата околу Кристијано Роналдо и селекторот на Португалија, Жорже Жезус, не се смирува ниту еден ден откако капитенот на репрезентацијата излезе со остра изјава.

Еден од најдобрите фудбалери на сите времиња изјави дека Жезус во два наврати го прекршил договорот, а особено го погодило тоа што селекторот за време на прес-конференцијата не спомнал ниту една од осумте точки од документот што, според Роналдо, тој лично ги одобрил.

Португалските медиуми пренесоа дека Роналдо ја следел прес-конференцијата на Жезус и очекувал тренерот јавно да се извини. Бидејќи тоа не се случило, уследила одлуката да го напушти репрезентативниот камп. Поради сето ова, се очекуваше реакција од Жорж Жезус, кој е познат по својот темпераментен карактер и бројните конфликти со играчите и раководството на клубовите во текот на кариерата.

Сепак, искусниот стручњак овојпат не се впушти во полемика.

„Бев во Леирија и го гледав натпреварот на португалската репрезентација до 21 година. Сега ќе го прочитам соопштението. Немам што да кажам“, кратко изјави Жезус.

Инаку, конфликтот започна по натпреварот меѓу Португалија и Норвешка. Според претходниот договор меѓу селекторите и Роналдо, капитенот на репрезентацијата требаше да има внимателно дозирана минутажа за време на овој репрезентативен собир. Првичниот план бил Роналдо да не игра против Норвешка, со оглед на тоа што само неколку дена претходно одигра 67 минути против Велс.

Сепак, Жезус процени дека напаѓачот на Ал Наср е доволно подготвен повторно да настапи. Роналдо беше испратен на загревање, но на крајот не влезе во игра. Токму тој момент беше вовед во нова тензија, која потоа кулминираше со неговото напуштање на репрезентативниот камп. По јавното истапување на Роналдо, Жезус одлучи дополнително да не ја поттикнува полемиката. Неговата кратка реакција, со оглед на темпераментот што го следеше низ целата тренерска кариера, дополнително го привлече вниманието на португалската јавност.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈО: Виш јавен обвинител осомничен за примање награда за противзаконито влијание

Основното јавно обвинителство за гонење на организиран криминал и корупција поведе постапка против виш јавен обвинител во ВЈО Битола.

Основното јавно обвинителство за гонење на организиран криминал и корупција поведе постапка против виш јавен обвинител во ВЈО Битола, поради постоење на основи на сомнение дека сторил кривично дело – Примање награда за противзаконито влијание од член 359 став 3 во врска со став 2 од Кривичниот законик.

Во изминатиот период, преку повеќе дејствија и примена на посебни истражни мерки, обезбедени се докази кои упатуваат на основано сомнение дека тој го искористил своето реално влијание и службената положба што ја извршувал за недозволено да влијае врз одлучувањето на колеги јавни обвинители и судии во најмалку 4 поединечни предмети, на подрачјето на кое ја вршел својата функција.

Притоа, ургирал за пониски казни или за да обезбеди поповолна позиција за осомничени или обвинети лица во кривична постапка. Во текот на вчерашниот ден, врз основа на судска наредба, беа извршени претреси во домот на осомничениот и во просториите на ВЈО Битола со цел обезбедување дополнителни докази.

Надлежниот јавен обвинител продолжува да го испитува случајот, а до судијата на претходна постапка достави предлог за определување мерки на претпазливост – одземање на патна исправа и забрана за преземање определени работни активности, односно оддалечување на осомничениот од работното место, стои во соопштението од јавното обвинителство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.