Холивудскиот заводник, актерот Бред Пит и неговата девојка, дизајнерката на накит Инес де Рамон, ја поминаа саботата во Париз, каде што од трибините го гледаа финалето на Отвореното првенство на Франција во женска конкуренција.

На теренот, двојката го гледаше историскиот меч меѓу квалификатнката од Полска, Маја Чвалинска и младата Русинка Мира Андреева, која го доби финалето со 6:3, 6:2 и ја освоија својата прва Гренд слем титула.

Пит, познат како голем љубител на тенисот и чест гостин на најзначајните турнири, со голем интерес го следеше секој поен.

Во напнатите моменти од натпреварот, 62-годишниот актер и 33-годишната Инес, кои се во врска од 2022 година, не ја криеја својата нежност.

Во еден момент Бред ја прегрна Инес околу нејзиниот струк и таа му шепна нешто.

World class actor Brad Pitt was here for today's final, hosted by @emirates 🤝 #RolandGarros pic.twitter.com/5qbqh8lELL

— Roland-Garros (@rolandgarros) June 6, 2026

Ваквите сцени не се вообичаени кога станува збор за познатиот актер. Иако Пит и Инес веќе неколку пати се појавија заедно во јавноста, тие не разменуваа често нежности пред фотографите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Интересот за финалето на НБА во Њујорк достигна невидени размери, што најдобро го потврдуваат цените на билетите за натпреварите во познатата „Медисон Сквер Гарден“ меѓу Никси и Сан Антонио Спарс.

Според податоците на платформата „TickPick“, најевтиниот билет за третиот натпревар од финалната серија помеѓу Никс и Сан Антонио чини 11.461 долари, што е нов рекорд кога станува збор за натпреварите од финалето на НБА.

За седишта веднаш до теренот, кои традиционално ги привлекуваат најголемите ѕвезди од светот на спортот и шоу-бизнисот, треба да издвоите дури 104.435 долари. Се очекува интересот дополнително да се зголеми пред четвртиот натпревар од серијата, па цените уште од сега се веќе високи.

Најприфатливите билети се продаваат за 13.065 долари, и покрај фактот дека ова се седиштата на лоша позиција во Медисон.

Плејоф натпреварите на Никс со години се омилено место за собирање на познати личности, па овој пат се очекува да пристигнат лојални навивачи на клубот како што се режисерот Спајк Ли и актерите Бен Стилер и Тимоти Шаламет.

Од особен интерес се најавите дека американскиот претседател Доналд Трамп би можел да присуствува на натпреварот, што би претставувало преседан во историјата на НБА, бидејќи ниту еден американски претседател не присуствувал на финален натпревар за време на неговиот мандат.

Се очекува на трибините да биде и градоначалникот на Њујорк, Зохран Мамдани, познат како голем навивач на Никс, кој веќе јавно го поддржува својот тим. По два натпревари во Сан Антонио, Никс водат во серијата со 2:0 и се на чекор од нивната прва шампионска титула од 1973 година.

Последен пат играа во финалето на НБА во 1999 година, кога Спарс победија со 4:1. Третиот натпревар од финалната серија е закажан за понеделник во Медисон Сквер Гарден, каде што Њујорк ќе биде домаќин на натпреварот што ќе го одлучи шампионот на НБА за прв пат по 27 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Оваа летна дестинација за разладување нема да ги отвори вратите ниту оваа сезона, бидејќи за негова реконструкција се потребни околу еден милион евра, средства кои не се обезбедени.

Наместо освежување на тобоганите и базените, посетителите и ова лето ќе ги затекнат затворени капиите на комплексот кој со години беше едно од најпосетените места за рекреација во текот на летните горештини. Од раководството на Спортскиот центар велат дека објектот бил наследен во исклучително лоша состојба.

Аква паркот е затворен уште од 2024 година и оттогаш не генерира никакви приходи. Во ревизорскиот извештај за работењето на спортскиот центар се наведува дека одлуката за негово затворање била донесена поради економска неисплатливост, но и поради истечениот гарантен рок на голем дел од опремата и реквизитите.

Инаку аква паркот беше пуштен во употреба во 2015 година како еден од најголемите и најопремените во регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.