Дури 11 милиони Бразилци се убедени дека Земјата е рамна - Канал 5

Живот

Дури 11 милиони Бразилци се убедени дека Земјата е рамна

,,Две работи се сигурни, дека еден ден ќе умрам и дека Земјата е рамна”, вели Рикардо, сопственик на ресторан во Сао Паоло кој ги собира бразилските „рамноземјани“.

Дури 11 милиони Бразилци се убедени дека Земјата е рамна

Додека седи покрај моделот на Земјата рамна како палачинка, Рикардо признава дека луѓето претежно се смеат кога им кажува дека нивната планета е рамна.

60-годишникот поседува ресторан кој стана место за собирање на луѓе како него, оние кои го отфрлаат фактот дека Земјата е тркалезна.

Тоа е необичен, но изненадувачки голем клуб. Според анкетите, повеќе од 11 милиони Бразилци, или околу седум проценти од населението, веруваат дека Земјата е рамна.

Меѓу нив има познати личности, како што се писателот и новинар Олав де Карвајо или докторот по геофизика Афонс де Васконселос.

Но, бразилските „рамноземјани“ не се мистериозна и понекогаш параноична заедница која комуницира со шифрирани пораки на WhatsApp, затворени групи на Фејсбук и преку YouTube. Тие се слободни да ги претстават своите ставови и аргументи без страв од потсмев. Тврдат дека сите спротивни докази се плод на заговор.

Бразилците кои веруваат дека Земјата е рамна, претежно се мажи, честопати католици или протестанти и со релативно ниско ниво на образование. Тие велат дека образованието не треба да се меша со знаењето.

„Ние сме најпаметни, запишете го тоа“, вели 50-годишниот бизнисмен Андерсон Невес, посетител на ресторанот на Рикардо. „Малигната псевдо-наука ги труе образовните системи во светот. Тркалезната Земја е најголемата лага на човечкиот род и ја диктира глобалната елита“, убеден е Невес.

„Само погледнете во хоризонтот или качете се на планина и фотографирајте. Нема да ја видите Земјата заоблена“, објаснува тој. Тие не веруваат во вселенските фотографии, не се грижат за одговорите на научниците за гравитација, не им е грижа за нишалото на Фуко и за два милениуми астрономски набљудувања.

„Од времето на Галилео, со сигурност знаеме дека Земјата е тркалезна. И Грците го сфатија тоа пред 2000 години“, вели астрономот Роберто Коста од Универзитетот во Сао Паоло.

„Теоријата на рамна земја е прашање за психолозите, а не за научниците. Формата на Земјата не е научен проблем“, одлучен е Коста.

Но, еден од најпочитуваните негови противници во Бразил е Афонсо де Васконселос, геофизичар со докторат од Универзитетот во Сао Паоло. Тој го води каналот „ Вистинска наука” на Јутјуб, каде ги презентира своите идеи, проследени со 345.000 претплатници.

Минатата година беше организирана првата конвенција на бразилските рамноземјани, на која беа собрани неколку стотици луѓе во Сао Паоло. Нивната омилена цел е НАСА. Тие ја обвинуваат дека лаже дека се качиле на Месечината.

"Човекот никогаш не одел по Месечината. Тоа е направено во студио", убеден е Рикардо.

Кога станува збор за сликање на сферичната Земја од вселената, Рикардо има подготвено прашање: "И каде е искосената Ајфелова кула?"

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ по поразот во Шангај: Беше речиси невозможно

Новак Ѓоковиќ не успеа доволно да се опорави од заморот и освојувањето на Пекинг, па загуби од Хуберт Хуркач на првиот тест на Мастерсот во Шангај, но немаше причина за очај.

Ѓоковиќ по поразот во Шангај: Беше речиси невозможно

- Пекинг беше одличен, а потоа рана елиминација овде... Но, добро. Имав одлична недела во Пекинг, сега сакам малку да одморам и да се подготвам за затворениот дел од сезоната - изјави Новак, а потоа подетално објасни:

- Површината е исклучително брза, сосема поинаква од онаа во Пекинг. Ако изгубите сервис еднаш по сет, може да биде доволно да го изгубите мечот. Токму тоа се случи. Многу е тешко да се врати неговиот сервис, речиси невозможно - сервираше навистина добро. Не се адаптирав, а соочувањето со него веќе на првиот меч овде беше многу тешка ждрепка за мене - изјави Новак, пренесе Телеграф.

Потоа го коментираше мечот со Хуркач кој го загуби во два сета каде Полјакот сервираше навистина неверојатно.

- Ако претрпите пауза, доволно е да го загубите натпреварот. Еден брејк по сет и тоа се случува. Многу е тешко да се врати на негов сервис, беше речиси невозможно. Не се адаптирав, имав многу тешка ждрепка, особено што морав да играм со него веќе на првиот меч - потенцира Ѓоковиќ.

Сега го чека турнирот „Шест кралеви“ во Ријад, но најголема желба му е да обезбеди учество на завршниот Мастерс во Торино, за кој моментално ја држи позицијата, но ќе биде многу тешко да остане таму.

- Би сакал да го одиграме завршниот Мастерс во Торино. Се уште планирам да играм во Париз, па да видиме... Се надевам дека таму ќе имам добар резултат - заврши Ѓоковиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Крадци украле 30.000 шишиња вино во вредност од 5 милиони евра во Италија

Невообичаена кражба во Италија.. Крадци украле 30.000 шишиња вино во вкупна вредност од околу 5 милиони евра од позната италијанска винарија, објави Би-Би-Си.

Крадци украле 30.000 шишиња вино во вредност од 5 милиони евра во Италија

„Марчези Антинори“, една од најголемите семејни винарии во Италија, соопшти дека кражбата во нивниот магацин во Тоскана се случила во саботата, додека компанијата се подготвувала да испрати пратка до клиенти во странство.

Се претпоставува дека најмалку седум маскирани мажи ги деактивирале алармите и ги исклучиле камерите пред да натоварат два големи камиони со тоскански црвени Вина Тињанело, Солаја и Гвадо Ал Тасо на компанијата. Извршниот директор котарела изјавил дека ова е најголемата кражба од ваков вид во Италија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Педијатрите дневно дијагностицират од три до 4 деца со коксаки вирус

Од три до четири пациенти дневно со вирусот коксаки се потврдуваат од страна на матичната докторка Мира Атанасова.

Педијатрите дневно дијагностицират од три до 4 деца со коксаки вирус

Таа објаснува дека вирусот што се манифестира со исип на рацете, стапалата во устата и грлото се чест симпот за коксаки и тоа најчесто кај деца од предучилишна возраст.

Доктор Атанасова објаснува дека најчесто лекувањето трае и до седум дена и треба детето да не оди во градинка, доколку има проблеми со грлото и висока температура со денови треба да се побара и болничко лекување.

Коксаки вирусот може да го добијат и возрасните кои најчесто се пренесува од нивните деца. Најважно е изолација и терапија со витамини и течности.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер