Дукати понуди Ламборџини на две тркала, позната е и цената (ВИДЕО) - Канал 5

Автомобилизам

Дукати понуди Ламборџини на две тркала, позната е и цената (ВИДЕО)

Мотоциклот е инспириран од новиот модел на Lamborghini.

Дукати понуди Ламборџини на две тркала, позната е и цената (ВИДЕО)

Погодувате, токму Revuelto беше модел во креирањето на овој мотоцикл за избраните. Накратко, Ducati понуди мотоцикл кој најдобро опишува што треба да биде Lamborghini на две тркала.

Како што сугерира името, Ducati Panigale V4 Lamborghini е базиран на новиот модел Panigale V4 S. И да, цената надминува некои спортски автомобили. Имено, додека Panigale V4 S започнува од 34.790 евра, за верзијата Lamborghini треба да се издвојат значително повеќе, дури 74.400 евра. За утеха да кажеме дека верзијата Tricolore Italia е уште поскапа и чини 85.000 евра.

Заслугата за високата цена оди на новиот, уште поатрактивен оклоп. Направен е од карбон, а го следи уникатен заден дел со ново седиште и алуминиумски бандажи инспирирани од Revuelt. Точката на i е титаниумскиот издув на Акрапович и системот за сува спојка.

Мотоциклот тежи 185 kg или 2,3 kg помалку од оригиналниот модел. Од друга страна, се уште зборуваме за моторот 1.1 со 218,5 КС и 122,1 Nm.

И за крај уште едно појаснување. Ducati ќе произведе 630 примероци од овој модел на две тркала, но на сопствениците на Lamborghini ќе им понуди уште поспецијална верзија на Panigale V4 Lamborghini Speciale Clienti. Овој ќе чини над 92.000 евра.


YouTube video

Тагови: Ламборџини тркала

Македонија

Лишен од слобода прилепчанец затоа што управувал возило под дејство на алкохол

Лишен од слобода прилепчанец затоа што управувал возило под дејство на алкохол и со активна забрана за управување возило.

Лишен од слобода прилепчанец затоа што управувал возило под дејство на алкохол

На 26.04,2025 во 03.25 часот на ул.„7 Септември“ во Кавадарци, полициски службеници од Полициското одделение за безбедност на патниот сообраќај при ОВР Кавадарци го лишиле од слобода А.М.(28) од Прилеп. При контрола на патниот сообраќај, полициските службеници сопреле патничко моторно возило „мерцедес“ со прилепски регистарски ознаки, кое го управувал, и по преземени мерки било констатирано дека е под дејство на алкохол, односно му биле измерени 1,80 промили алкохол во крвта. Исто така, било констатирано дека возилото го управувал под активна забрана за управуање на моторно возило од „Б“ категорија.

А.М. бил задржан во полициска станица и по документирање на настанот против него ќе биде поднесена пријава по член 297 А од Кривичниот законик - „безобѕирно управување со моторно возило“.

Тагови: мвр под дејство на алкохол

Македонија

МВР: Лишен од слобода возачот кој со патничко возило удри пешак во Скопје

По целосно документирање на случајот, во координација со јавен обвинител, против Е.Ј. ќе биде поднесена соодветна пријава.

МВР: Лишен од слобода возачот кој со патничко возило удри пешак во Скопје

На 26.04.2025 во 01.00 часот во Скопје, полициски службеници од СВР Скопје го лишиле од слобода Е.Ј.(31) од Скопје. На 25.04.2025 во 20.30 часот на кружен тек од ул.„Кирил и Методиј“, ул.„Митрополит Теодосиј Гологанов“ и ул.„Костурски Херои“, тој со патничко возило „фоксваген“ со скопски регистарски ознаки, кое го управувал, удрил во пешакот Ѓ.П.(87) од Скопје. Со возило на Итна медицинска помош пешакот бил пренесен во Комплексот клиники „Мајка Тереза“, каде му биле констатирани тешки телесни повреди.

По целосно документирање на случајот, во координација со јавен обвинител, против Е.Ј. ќе биде поднесена соодветна пријава.

Македонија

СДСМ: Нема напредок со раскарана и неспособна Влада

Коалицијата на ДПМНЕ, ВЛЕН и ЗНАМ е во постојани кавги и целосно нефункционална.

СДСМ: Нема напредок со раскарана и неспособна Влада

Наместо да работат за интересите на граѓаните, тие се занимаваат со меѓусебни пресметки, блокади и партиски калкулации.

Додека владата на ДПМНЕ тоне во расправии и нема капацитет за реализација на проекти и политики од интерес на граѓаните, државата стои!

Економијата е закочена и во постојан пад, институциите се нефункционални, Владата на ДПМНЕ не може ниту да исплати плати на време, ништо не функционира како што треба.

Очигледно е – на партиите од власта не им е гајле за стандардот, за животот, за иднината на граѓаните. Единствено што им е важно се државните фотелји, личните интереси и тендерите.

Со оваа неспособна, незаинтересирана и раскарана влада на ДПМНЕ, ВЛЕН и ЗНАМ, Македонија нема напредок.

СДСМ

Тагови: СДСМ
притисни ентер