ДСЗИ по извршениот надзор: Неврологот Кузмановски лекувал пациенти додека бил без лиценца за работа - Канал 5

Македонија

ДСЗИ по извршениот надзор: Неврологот Кузмановски лекувал пациенти додека бил без лиценца за работа

Екс Директорот на Неврологија Игор Кузмановски кој беше разрешен откако на социјалните мрежи беше објавена снимка како во домашни услови меша бела прашкаста материја коментирајќи за квалитет на дрога, сепак лекувал пациенти и без важечка лиценца.

ДСЗИ по извршениот надзор: Неврологот Кузмановски лекувал пациенти додека бил без лиценца за работа

Екс Директорот на Неврологија Игор Кузмановски кој беше разрешен откако на социјалните мрежи беше објавена снимка како во домашни услови меша бела прашкаста материја коментирајќи за квалитет на дрога, сепак лекувал пациенти и без важечка лиценца за работа, потврдуваат за Канал 5 од Министерството за здравство. Оттаму велат дека веднаш по неговото разрешување обезбедени се релевантни податоци од „Мој Термин“ и податоците укажуваат на реализирани прегледи.

Ова го констатирале и инспекторите од Државниот и санитарен здравствен инспектор кои ја прегледаа документацијата во самата Клиника и тие нотираат дека во вторник работел во амбулантата, но престанал да лекува пациенти откако бил именуван за директор. Ќе добие само казна од 500 евра бидејќи лекувал без важечка лиценца, а законот не предвидува одговорност за Клиниката и поранешниот директор Фатмир Меџити.

Освен посебна комисија која функционира при Министерството за здравство за случајот со Кузмановски формирани се и две интерни комисии од лекари во самата Клиниката за неврологија чија задача е да ја испитаат стручната и финансиската работа на нивниот колега, но не се знае кога ќе има заклучок од нивното постапување.

Случајот со Кузмановски го разгледува и фелата. Од Лекарската комора за Канал 5 велат дека во тек се постапки од нивните тела и го разгледуваат случајот од етички аспект, бидејќи не може да му се одземе лиценца оти нема важечка дозвола за работа.

Екс директорот на неврологија експресно беше разрешен по објавувањето на компромитирачката видео снимката по што се утврди и дека седум месеци тој немал активна лиценца и на време не ја обновил, но сепак имал активен лекарски печат со важност до 2028. За ова Фондот, од каде инаку се издава факсимил за лекарите, кажаа дека во постапката документите со се лиценците за работа ги поднела Клиниката за неврологија и во тој момент имал важечка лиценца. Ова на површина ги изнесе аномалиите за контрола на здравствениот систем, но ги поттикна властите и да размислуваат за со закон да воведат тестови за наркотици за лекарите.

Тагови: Игор Кузмановски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Неговото блаженство Господин Господин Стефан во посета на Општина Карпош

Општина Карпош денеска имаше чест да биде домаќин на Неговото Блаженство Господин Господин Стефан, поглавар на Македонската православна црква – Охридска Архиепископија, кој беше пречекан од градоначалникот Сотир Лукровски.

Неговото блаженство Господин Господин Стефан во посета на Општина Карпош

На средбата се разговараше за состојбите во локалната заедница, состојбата на верските објекти на територијата на Општина Карпош, како и за значењето на духовноста, вербата и меѓусебната почит во градењето сплотена и солидарна заедница. Беше истакнато дека почитувањето на различностите, духовните убедувања и достоинството на секој човек се важни темели за мирен и хармоничен соживот, а заедништвото и дијалогот се вредности што ја поврзуваат локалната заедница.

По повод 50-годишниот јубилеј на Општина Карпош, Неговото Блаженство упати честитки до раководството и граѓаните на општината, со желби за понатамошен развој, благосостојба и заедништво. Општина Карпош останува посветена на градењето заедница заснована на почит, дијалог, духовност и заеднички човечки вредности.

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воена воздухопловна база под напад: Се слушаат силни експлозии, се издига густ чад (ВИДЕО)

Областа околу Идлиб и воената воздухопловна база Тафтаназ во Сирија денес беше место на експлозии со непознато потекло, објави информативната мрежа „Сирија нау“, повикувајќи се на очевидци.

Воена воздухопловна база под напад: Се слушаат силни експлозии, се издига густ чад (ВИДЕО)

Според извештаите, експлозиите започнале во 8:00 часот наутро, токму во моментот кога извидувачки авион прелетувал над локацијата.

Снимките што кружат на интернет го прикажуваат моментот кога густ чад се издигнал од кругот на воздухопловната база, експлозиите продолжиле во текот на час и половина.

Локалните жители претпоставуваат дека експлозиите можеби биле предизвикани од детонација на неексплодирани убојни средства во базата, каде што и во минатото се случувале слични експлозии.

Воената воздухопловна база Тафтаназ била втора по големина база за хеликоптери во Сирија пред да стане место на воени операции за време на годините на сириската револуција, објави Ал Џезира.

Таа била под контрола на опозициски фракции сè додека не била претворена во турска набљудувачка станица по договорот за деескалација постигнат во март 2020 година меѓу турскиот претседател Реџеп Таип Ердоган и рускиот лидер Владимир Путин.

Во текот на септември, во северозападна Сирија се случија низа експлозии, од кои најновата беше во воен објект во близина на градот Ал-Еис, јужно од Алепо. На 9 септември, 14 припадници на Министерството за одбрана загинаа, а неколку други беа повредени во експлозија во привремен магацин за оружје и неексплодирани убојни средства во Сармада, близу Идлиб.

Претходно истиот месец, пет лица загинаа во градот Биниш во експлозија на автомобил натоварен со муниција.

Тагови: Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување возило“, девет возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување возило“ по член 297-а од Кривичниот законик.

Лишени од слобода 10 возачи за „безобѕирно управување возило“, девет возеле без положен возачки испит

Од нив, девет управувале возило без положен возачки испит и тоа: А.И.(29) и Х.З.(18), двајцата од Скопје, М.И.(21) и Ш.А.(35) од с.Студеничани, скопско, Р.С.(30) и С.М.(19) од Тетово, А.Ф.(25) од с.Врапчиште, гостиварско, Л.М.(48) од Гостивар и Н.Т.(49) од с.Преглово, Општина Пласница.

Додека пак, со активна забрана за управување на моторно возило, возел А.В.(33) од Прилеп. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер