Драмски со две претстави гостува на Фестивалот на монодрама во Битола - Канал 5

Култура

Драмски со две претстави гостува на Фестивалот на монодрама во Битола

Драмски театар Скопје вечерва и утре гостува на 27. Интернационален фестивал на монодрама во Битола (2026). 

Драмски со две претстави гостува на Фестивалот на монодрама во Битола

Под мотото „Огледало на вистината“ од 23 до 29 април, фестивалската Битола повторно е на мапата на светска театарска сцена каде што „Еден актер. Една сцена. Една вистина.“ се доволни да се создаде цел универзум од емоции, приказни и трансформации.

Вечерва во официјалната фестивалска програма се игра „Драми на принцезите - Џеки“ на Драмски театар Скопје. Претставата е монодрама на режисерката Жива Бизовичар од Словенија, работена по текст на австриската авторка Елфриде Јелинек, која за романот „Пијанистка“ во 2004 година ја добива Нобеловата награда за литература.

Во програмската белешка за претставата се истакнува дека во драмскиот текст „Драми на принцезите“ Елфриде Јелинек ја користи фигурата на Џеки Кенеди како културен и медиумски конструкт, а не како приватна, историска личност. Таа е симбол на жената претворена во икона преку траумата, жената чија болка е јавно експонирана, естетизирана и консумирана од масовната култура.

Џеки Кенеди во текстот не постои како субјект со сопствен глас, туку како тело и слика врз кои се проектираат машките, политичките и медиумските наративи. Смртта на сопругот не е само лична загуба, туку спектакл, историски момент кој ја замрзнува во улогата на „вечната вдовица“. Јелинек ја проблематизира токму таа позиција: жената која мора да биде достоинствена, убава и тивка додека светот ја набљудува нејзината траума.

Премиерата на претставата „Драми на принцезите - Џеки“ се играше на 13 февруари, а вечерашното учество на фестивалот ќе биде нејзина 6. изведба.

На утрешното свечено затворање и доделувањето на наградите и наградата гран при на фестивалот, ревијално ќе се игра претставата „Гидионовиот јазол“. Претставата ќе им биде посветена на наградените и на театарската публика што веќе трета деценија го следи фестивалот кој годинава се реализира под слоганот „Огледало на вистината. Еден актер. Една сцена. Една вистина.“

„Гидионовиот јазол“ на режисерката Драгана Милошевски-Попова е претставата работена по текст на авторката Џона Адамс. Драматург на претставата е Викторија Рангелова-Петровска.

Улогите ги играат актерите Биљана Драгиќевиќ-Пројковска и Ања Митиќ.

Режисерката Драгана Милошевски-Попова во програмската белешка истакнува дека претставата „Гидионовиот јазол“ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник.

Премиерата на „Гидионовиот јазол“ беше во мај 2025 година и досега има 18 изведби на матичната сцена и на фестивалите РУТА - Сараево, „Скопско лето“ и фестивалот „Ристо Шишков“ во 2025 година, каде што актерката Биљана Драгиќевиќ-Пројковска за улогата Корин Фел ја доби наградата за најдобро актерско остварување на 33. Меѓународен фестивал на камерен театар „Ристо Шишков“.

На претставувањето на програмата на 27. Интернационален фестивал на монодрама во Битола, директорот на НУ Центар за култура - Битола, Сашо Илковски и селекторот на фестивалот Благој Мицевски, најавија дека на годинашниот фестивал публиката ја има можноста да проследи 13 монодрамски претстави од 10 држави: Ерменија, Полска, Литванија, Грузија, Киргистан, Шпанија, Казахстан, САД, Израел и Македонија. Во рамките на програмата беа селектирани три македонски претстави, со што фестивалот продолжува да ја поддржува и афирмира домашната театарска продукција.

Покрај официјалната натпреварувачка програма, фестивалот и оваа година понуди и OFF- програма, која вклучува ретроспективна изложба „Лауреати на фестивалот“, уличен перформанс „Статуи“ на Широк Сокак, како и неколку тематски работилници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Чудо во Индонезија: Бабичка извлечена жива од урнатините, три дена по катастрофалниот земјотрес (ВИДЕО)

84-годишна баба е пронајдена жива три дена по силниот земјотрес што ја погоди источна Индонезија, во спасувачка операција што локалните власти ја опишаа како чудо.

Чудо во Индонезија: Бабичка извлечена жива од урнатините, три дена по катастрофалниот земјотрес (ВИДЕО)

Земјотресот со јачина од 7,7 степени уби најмалку 73 лица, повреди повеќе од 900 и остави речиси 60.000 бездомници.

84-годишната Паулина Поби беше пронајдена жива во вторник, три дена откако земјотресот го погоди подрачјето во сабота наутро, во близина на островот Флорес.

Свлечиште предизвикано од земјотресот го блокираше пристапот до селото Нитунглеа, каде што живееше постарата жена, заробувајќи ја под урнатините на нејзината куќа од бамбус.

Шефот на полицијата во округот Сика, Бабанг Супено, им изјави на локалните медиуми дека 84-годишната жена е безбедно извлечена од урнатините и однесена во најблискиот здравствен центар на лекување.

„Таа не можеше да се движи ниту да зборува“

Според локалниот службеник Рудолфус Риба, жената не можеше да се движи ниту да повика помош бидејќи беше парализирана.

„Бидејќи беше парализирана, не можеше да се движи ниту да зборува, па нејзиното семејство конечно ја пронајде четвртиот ден“, изјави тој за француската новинска агенција АФП.

Нејзината состојба беше опишана како добра, бидејќи немаше повреди. Спасувачите рекоа дека била само исцрпена, не јадела ниту пиела вода неколку дена.

„Се чини нереално, речиси како чудо“, рече Риба.

Индонезија е во целосен хаос по земјотресот. Иако некои продавници, бензински пумпи и други објекти на островот се повторно отворени, патиштата сè уште се покриени со урнатини додека спасувачите продолжуваат да ги пребаруваат урнатините за можни жртви.

Индонезиската агенција за управување со катастрофи соопшти дека 398 тони помош, вклучувајќи храна, шатори, засолништа за раселени лица и донации од граѓани, се доставени до погодените области.

Сепак, дистрибуцијата на помош е попречена од планинскиот терен на Флорес и штетите на патиштата предизвикани од земјотресот.

Владата ја зголеми употребата на воени авиони, бродови и персонал за поддршка на операциите во оддалечените области.

Според портпаролот на агенцијата за управување со катастрофи, Бартон Панџаитан, операцијата останува тешка поради географските карактеристики на областа.

Во меѓувреме, геолошката агенција на Индонезија регистрираше повеќе од 3.000 последователни потреси од саботата, од кои најмалку 86 беа доволно силни за да ги почувствуваат жителите.

Постојаните потреси предизвикаа страв кај многу жители, кои избегнуваат да се вратат во своите оштетени домови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Хајди Клум позира гола- фановите поделени: Не требаше ова да го објавиш (ФОТО)

Хајди Клум повторно предизвика бројни реакции на Инстаграм. 

Хајди Клум позира гола- фановите поделени: Не требаше ова да го објавиш (ФОТО)

Германската манекенка објави фотографија од летниот одмор на која позира топлес, покриена само со пешкир и во чипкана долна облека, а нејзината објава брзо го привлече вниманието на нејзините следбеници.

Клум кратко напиша „Утро“ покрај фотографијата, додавајќи неколку емотикони од сонцето, палмите и морето. Во видеото, таа позира на отворено со пешкир префрлен преку рамената, а очите ѝ се насочени кон камерата. Се фокусираше на опуштената атмосфера и нејзината фигура, која често ја покажува на социјалните мрежи.

За некои, ова е премногу

Објавата веднаш предизвика лавина од коментари. Многумина ѝ рекоа дека изгледа одлично и ја пофалија нејзината самодоверба.

„Мојата инспирација. Затоа што е убава, секако, но пред сè е духовита и паметна. Најдобра“, напиша еден следбеник, додека други оставија коментари како „Кралица“, „Божица“, „Прекрасна Хајди“ и „Изгледаш одлично“.

Сепак, не беа сите воодушевени од нејзиното објавување. Некои од следбениците сметаа дека фотографијата е премногу провокативна, а некои особено се фокусираа на деталите на долната облека.

„Дали е тоа крв?“, „Зошто гледам крв?“, „Дали имаш менга?“, прашаа некои во коментарите, додека други го критикуваа нејзиниот избор на фотографија. „Не ми се допаѓа, искрено... Не знам каква е потребата“, напиша еден корисник. „Лош вкус за толку убава и елегантна дама“, додаде друг следбеник. „Премногу покажуваш, девојче“, „Изгледаш одлично, но јас не би го објавил ова“, „Инстаграм треба да го блокира ова“, се некои од коментарите.

Имаше и такви кои ја бранеа Хајди и ги критикуваа негативните коментари. „Искрено ми е жал што гледам колку несигурни луѓе има во коментарите“, напиша еден корисник.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Ставена во функција апликацијата „Безбеден град“ за странските возила

Министерството за внатрешни работи ја информира јавноста дека е ставена во функција веб апликацијата со мобилен интерфејс „Безбеден град“.

МВР: Ставена во функција апликацијата „Безбеден град“ за странските возила

Министерството за внатрешни работи ја информира јавноста дека е ставена во функција веб апликацијата со мобилен интерфејс „Безбеден град“, која во оваа фаза е наменета за странските државјани, односно за сопствениците и возачите на возила со странски регистарски таблички.

Преку апликацијата странските државјани ќе можат едноставно и директно да добијат информации за сообраќајните прекршоци евидентирани со системот „Безбеден град“, да имаат увид во издадените прекршочни платни налози, како и да ги подмират глобите по електронски пат.

При логирањето, потребно е возачот да ја слика или скенира својата патната исправа и да ја внесе регистрацијата на возилото или возилата кои тој ги користи во нашата држава.

На овој начин, странските возачи кои со своите возила ќе бидат евидентирани дека сториле сообраќаен прекршок на територијата на целата држава, ќе можат навремено и едноставно да се информираат и да ја регулираат својата обврска, без потреба од дополнително задржување на граничните премини.

Воведувањето на апликацијата претставува значаен чекор во дигитализацијата на услугите поврзани со системот „Безбеден град“.

Министерството за внатрешни работи продолжува со унапредување на дигиталните услуги, а во следните фази се предвидува проширување на функционалностите и за други категории корисници.

Линк до апликацијата:

https://safecountry.mvr.gov.mk/ , соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер