Донесена е одлуката за одложување на Олимписките игри во Токио

Летните олимписки игри Токио 2020, треба да бидат одложени поради сметаат  официјалните претставници.

Членот на Меѓународниот олимписки комитет (МОК), Дик Паунд, рече дека „решението за одложување е донесено“.

Говорејќи за USA Today Sports, тој рече: „Врз основа на информациите што ги има МОК, решено е да се одложат.

„Параметрите не се утврдени, но Игрите нема да започнат на 24 јули, тоа е она што го знам“.

МОК си даде рок од четири недели да донесе одлука за судбината на Игрите, но поранешниот шампион во пливање, Паунд, рече дека очекува МОК наскоро да ги објави следните чекори.

Тој рече: „Ќе се донесе во фази. Ќе ги одложиме и ќе почнеме да се справуваме со сите последици , што се огромни“.

Игрите требаше да се одржат во јапонската престолнина од 24 јули до 9 август, но се зголемува притисокот врз МОК за да се одложат.

Канада и Австралија веќе објавија дека ќе се повлечат од Игрите, а претседателот на британската олимписка асоцијација, Хју Робертсон, рече дека очекува Велика Британија да се „приклучи наскоро“.

„Не можеме да видиме каков било начин да може да се одржат, зашто работите се искомплицираа. Очекувам дека наскоро ќе им се придружиме на Канада и Австралија.

„Мислам дека е многу едноставно. Ако вирусот продолжи како што предвидува владата, не мислам дека има каков било начин да испратиме тим.

„Прво, не гледам на кој било начин спортистите и британскиот тим до тогаш да бидат подготвени. Елитните капацитети за обука се совршено разбирливо и сосема правилно затворени низ целата земја, така што нема начин како да ја почнат подготовката што им е потребна., рече Робертсон.

Во Србија најголем број заболени на респиратори , починаа уште 12 лица

Во последните 24 часа, 6.915 лица биле тестирани на коронавирус во Србија, а 279 од нив биле позитивни. Починале 12 лица.

На респиратори има 154 пациенти, што е најголем број од почетокот на епидемијата на корона во Србија.

Во текот на вчерашниот ден, бројот на ново заразени лица во таа земја се намали (вчера 287) во однос на претходниот ден, но една од причините е помалиот број на тестирани отколку што бил случајот во претходните недели, па дури и денес.

Односот на бројот на позитивни на бројот на тестирани, пишува „Блиц“, експлодира и отиде над седум проценти.

Бројот на заразени со коронавирус во светот надмина 13 милиони

Бројот на заразени со коронавирус во светот надмина 13 милиони, според пресметката на „Ројтерс“, означувајќи уште една пресвртница во ширењето на болеста, која однесе повеќе од половина милион животи за седум месеци.

Првиот случај е пријавен на почетокот на јануари во Кина и беа потребни три месеци за бројот на случаи да се искачи на еден милион. Сега се потребни само пет дена да се дојде од 12 милиони случаи, забележани на 8 јули, на 13 милиони.

Бројот на заболени е околу три пати поголем од тешките случаи на грип регистрирани на годишно ниво, според Светската здравствена организација (СЗО).

Повеќе од 568.500 смртни случаи се поврзани со коронавирусот, што е во истиот опсег со годишниот број на смртни случаи од грип во светот.

Првата смрт е пријавена во Вухан, Кина на 10 јануари пред инфекцијата да се прошири во Европа, а потоа и во Соединетите држави.

Многу сериозно погодени земји ги олеснуваат наметнатите рестриктивни мерки за да го забават ширењето на ковида-19. Други места, како австралискиот град Мелбурн, воведуваат втор круг на изолација.

Пресметката на Ројтерс, врз основа на владините извештаи, покажува дека болеста најмногу се забрзува во Јужна Америка.

Повеќе од половина од инфекциите во светот и половина од смртните случаи се пријавени во Северна и Јужна Америка.

Американците поставија дневен глобален рекорд од 69.070 нови инфекции на 10-ти јули. Во Бразил, 1,86 милиони луѓе се позитивни на вирусот, а повеќе од 72.000 умреле од ефектите на ковид-19.

Индија, земјата со трет најголем број заразени, се бори во просек со 23,000 нови случаи на ден од почетокот на јули.

Во земјите со ограничен капацитет за тестирање, бројот на случаи рефлектира само дел од вкупните инфекции.

До 15 часот гласале 340 лица со Ковид-19 и во самоизолација

До 15 часот правото на глас за предвремените парламентарни избори го оствариле 340 лица со Ковид-19 или во самоизолација. Гласањето засега се одвива без проблеми, изјави претседателот на Државната изборна комисија Оливер Деркоски.

Во меѓувреме, оваа бројка е зголемена за над стотина лица, но се чекаат официјални информации од општинските изборни комисии.

Најдоцна до 21 часот ќе се знае колкумина од лицата со Ковид-19 или во самоизолација гласале.

За гласањето денеска беа пријавени 773 лица позитивни на Ковид-19 или во самоизолација, но според последните податоци на ДИК објавени на нивната веб страница општинските изборни комисии прифатиле пријави на 711. Најмногу пријави за гласање на лица со Ковид-19 и во самоизолација се прифатени во Ресен-60, потоа во Струга и во Тетово по 55, во Кичево и во Охрид по 34, во Сарај -32, во Куманово 31 и во Штип – 30.

Гласањето на овие лица го спроведуваат посебни изнборни тимови составени од здравствени работници и претставници на политички партии и се спроведува под соодветни здравствени мерки. /МИА

притисни ентер