Македонија

До недела нестабилно време со пороен дожд, грмежи и ветер

Времето денеска претпладне ќе биде сончево со мала до умерена облачност. Во попладневните и вечерните часови на повеќе места ќе биде нестабилно со пороен дожд, грмежи и засилен ветер.

Локално процесите ќе бидат во форма на невреме со интензивен пороен дожд, силен ветер, електрични празнења и појава на град.

Минималната температура ќе биде во интервал од 10 до 20, а максималната ќе достигне од 25 до 34 степени. УВ=7.

Во Скопје претпладне сончево со мала до умерена облачност. Попладне и во вечерните часови во делови од котлината ќе биде нестабилно со пороен дожд, грмежи и засилен ветер. Минималната температура ќе се спушти до 19, а максималната ќе достигне до 29 степени.

До недела времето ќе биде променливо облачно, на повеќе места нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд, силен ветер, електрични празнења и појава на град. Температурите ќе бидат во постепено опаѓање и под просекот за овој период од годината.

Живот

Девојка по 3 дена се разбудила од кома-верува дека го видела рајот и зборувала со починати луѓе

Мариандри Карденас (24) доживеала застрашувачко искуство во ноември 2023 година, кога почнала да се гуши, а неколку моменти подоцна изгубила свест.

Пред да ѝ се стемни пред очи, успеала да им остави порака на мајка си и брат ѝ кои набрзо пристигнале да ја најдат на подот. Бидејќи боледувала од астма, веднаш била префрлена во болница, а лекарите ја ставиле во вештачка кома.

Драмата на оваа девојка и нејзиното семејство траела три дена, по што таа се разбудила и раскажала неверојатна приказна:

„Немав контрола над моето тело. Последното нешто што го слушнав беше „таа нѐ остави“. Во еден миг се појавив на друго место, полно со светлина, но без сонце, месечина и ѕвезди. Седев на долга маса полна со храна, а до мене имаше луѓе кои немаа тела, туку беа направени од светлина“, вели таа.

Нејзината приказна ја пренесоа бројни медиуми, а Мариандри, како што тврди, тогаш го „запознала својот творец“.

„Никој не зборуваше со глас, туку комуницираше со своите мисли. Така и јас комуницирав. Не се сеќавав на мојот минат живот, семејството или Земјата, како никогаш да не постоела. Чувствував голема љубов кон суштествата на светлината, како да се дел од мене. И пред сите нас седеше Бог“.

Мариандри продолжи да објаснува, а деталите ги пренесува The Sun.

„Знам дека тоа беше Бог бидејќи тој ја претставуваше најголемата светлина. Не му го видов лицето, но тој беше среќен и насмеан. Ме одвои од другите и рече дека морам да се вратам дома. Го прашав зошто, а тој ми објасни дека моето време не е дојдено“.

Девојчето тврди дека „во рајот била“ три часа, додека на Земјата три дена. Недолго потоа била пуштена на домашно лекување.

Мариандри денеска целосно закрепна, а и понатаму верува дека „го запознала Бога“.

„Не мислам дека тоа беше делириум. Тоа е нешто што морав да го доживеам, бидејќи Господ така сакаше. Ме избра мене да ми покаже што се случува после смртта. Се чувствувам како да сакаше да сподели време со мене, а потоа ме врати“.

Свет

Во Шпанија се уапсени 54 лица поради изнуда на пари и грабежи од постари граѓани

Шпанската и португалската полиција уапсија 54 лица одговорни за кривични дела изнуда и грабежи извршени врз постари граѓани, соопшти денеска Европол.

Користејќи комбинација од лажни телефонски повици и социјален инженеринг, членовите на криминалната група од жртвите изнудиле 2,5 милиони евра, се вели во соопштението.

Некои од најмалку 84 потврдени жртви ги загубиле животните заштеди кога криминалците ги принудиле да им ги предадат парите на нивниот праг.

Шпанската национална полиција и португалската правосудна полиција спровеле 19 рации низ Пиринејскиот Полуостров и заплениле важни дигитални и физички докази за злосторствата.

Еден од главните криминалци бил фатен на лице место и уапсен; со тоа што полицијата го нашла како седи пред својот компјутер со банкарските податоци на една од жртвите.

Освен што собрале компјутери, лаптопи, мобилни телефони, сим картички и замрзнувале банкарски сметки, во претресените простории на лице место биле пронајдени и канабис и кокаин.

Користејќи докажан начин на работа и делејќи ја работата помеѓу членовите, криминалната мрежа систематски ги таргетирала постарите шпански граѓани.

Претставувајќи се како вработен во банка, криминалецот ја контактирал жртвата и ја убедувал дека има проблем со неговата банкарска сметка. Оваа криминална тактика најчесто се спроведувала преку телефон.

Откако ќе извлечеле некои основни информации, имитаторот ќе ги споделел со другите членови на криминалната мрежа кои се појавувале на прагот на жртвите.

Преку притисок врз жртвите со тактики за заплашување и социјален инженеринг, измамниците ги преземале платежните или кредитните картички и ќе извлечеле PIN-кодови и банкарски детали. Во некои случаи, криминалците, исто така, насилно влегувале во домовите на жртвите, крадејќи готовина и вредни предмети како што е накит.

Како последен чекор во овој криминален процес, сторителите ги користеле украдените картички за подигање пари од банкомати или скапи набавки, додека банкарските податоци биле злоупотребени за т.н. преземање сметка.

Средствата биле депонирани на неколку шпански и португалски сметки контролирани од измамниците, од каде биле канализирани во разработена шема за перење пари. За да се прикрие потеклото на недозволените средства се користела широка мрежа на преносители на пари, надгледувани од специјализирани членови на организацијата.

Користејќи ги аналитичките и координативните способности на Европол, истражителите од Шпанија и Португалија работеле со експерти на Европол на оперативните состаноци за да создадат разузнавачка слика, се вели во соопштението.

Во Шпанија се приведени 40 осомничени, а тројца се во притвор во Португалија и чекаат екстрадиција во Шпанија.

Забава

Норвешката принцеза наскоро се мажи за бисексуален шаман, свадбата ќе трае четири дена (ФОТО)

Најстарата ќерка на норвешкиот крал Харалд V, принцезата Марта Луиз, се мажи за помалку од два месеци.

На 31 август таа ќе му каже „I do“ на својот вереник Дурек Верет. Церемонијата ќе има два дела предводени од официјални лица од различни религии, пишува Дејли мејл.

„Среќни сме да објавиме дека пречесниот Маргит Ловизе Холте ќе чиноначалствува на нашата венчавка во Гејрангер на 31 август по церемонијата на венчавка во Норвешка црква. Мајкл Беквит исто така ќе одржи поздравен говор на церемонијата“, рече принцезата. За да можат на свадбата да дојдат гости од целиот свет, парот резервирал неколку хотели во околината. Гостите таму ќе престојуваат во текот на четирите дена на прослава.

На самиот ден на венчавката гостите ќе уживаат во тричасовно возење со брод по фјордот Гејрангер кој ќе ги однесе на церемонијата. По церемонијата ќе следи дочек и забава во норвешки хотел. Гостите ќе ги забавува американскиот бенд Black Eyed Peas. Во поканата пишувало дека нема да биде дозволено фотографирање на венчавката.

За потсетување, Марта Луиз ја напушти функцијата како работен член на кралското семејство пред две години, најмногу поради контроверзните ставови на нејзиниот партнер. Дурек се декларира како бисексуалец и се нарекува шаман.

Во својата книга Spirit Hacking, тој сугерираше дека ракот е избор, препорача вежби за отстранување на „отпечатоците“ од женските вагини оставени од претходните сексуални партнери, а на својата веб-страница продава шкафче од 222 долари наречено „Spirit Optimizer“ за кое тврдеше дека помогнало да го победи Ковид. Сето ова ги крена веѓите во трезната Норвешка. „Тој е измамник, шарлатан и лажго“, рече еднаш колумнистот и хуморист Дагфин Нордбо.

52-годишната Марта Луиз ќе се омажи за Дурек седум години по разводот од нејзиниот прв сопруг, писателот Ари Бен, со кого има три ќерки. Поранешниот пар се венча во мај 2002 година.

притисни ентер