Шеесет функционери, десет судии, десет јавни обвинители, десет пратеници, десет министри, десет градоначалници и десет лица на кои во 2025 година им престанала функцијата градоначалник ќе бидат опфатени во Годишниот план за следење на имотната состојба и судирот на интереси на Државната комисија за спречување на корупцијата за 2026 година, а нивните имиња ќе бидат утврдени следниот месец.

ДКСК на денешната 26. седница го усвои Годишниот план за следење на имотната состојба и судирот на интереси за 2026 година, а нејзиниот претседател Адем Чучуљ рече дека ги зеле предвид препораките на Европската комисија при што одлучиле да биде зголемен бројот на функционерите, што ќе бидат опфатени.

Чучуљ појасни дека согласно член 19 од Законот за спречување на корупција и судирот на интереси во последните три месеци од тековата година ДКСК усвојува годишен план за наредната година, заснован врз проценката на ризикот од корупција, при што се земени предвид анализите од тековната и следната Национална стратегија.

Тој посочи дека при тоа се земаат предвид годишните планови од претходните години, односно се следи состојбата во областите, кои се сметаат за најподложни на корупција – праводуството, законодавната власт, извршната власт и локалната самоуправа.

-Имајќи ги предвид препораките од Европската комисија за зајакнување на следењето на имотната состојба од страна на ДКСК предлагаме да биде зголемен бројот на функционерите, опфатени во ова следење на итмотната состојба и судирот на интееси, на 60, рече Чучуљ.

Тој појасни дека имињата на судиите, обвинителите пратениците, министрите, сегашните и поранешните градоначалници ќе бидат утврдени во јануари, врз основа на анализа на податоците во електронската база на податоци.

ДКСК денеска ја усвои Програмата за работа за 2026 година. Како што појасни претседателот на ДКСК Адем Чучуљ во Програмата покрај стратешките определби на Комисијата во насока на исполнување на одредбите од законите со кои се опфаќа нејзината работа, при нејзината изработка земени се предвид и препораките од извештајот на Европската комисија во оваа област, препораките од ГРЕКО, мерките и активностите од Националната стратегија за спречување на корупцијата и судирот на интереси 2021-2025, како и Национаната стратегија 2026- 2030.

На седницата членовите на ДКСК го усоија и Годишниот план за спроведување на антикорупциска проверка на легислативата за 2026 година.

Чучуљ појасни дека овој процес се спроведува врз основа на годишен план и по донесени барања за мислење и доставени акти од други институции пред се од Владата и Министерството за правда и се врши врз основа на методлогија, која е донесена од страна на ДКСК.

Со планот, како што појасни тој, се опфатени дел од законите кои не биле завршени, а кои се содржани во планот за оваа година. Антикорупциската проверка, додаде Чучуљ, ќе се спроведува на законот за лобирање, законот за локална самоуправа, законот за вештачење, законот за финансирање на политички партии, правилникот за доделување лиценци за работа на здравствените работници со високо образование, на законот за заштита на културното наследство.

Членовите на ДКСК го изгласаа и ставањето вон сила на Упатство за рангирање на предметите за постапување на ДКСК по основ на доставени пријави, кое како што појасни Чучуљ е донесено на 12 февруари 2021, со цел да се регулира, односно да се рангираат предметите, кои се формираат во ДКСК.

Тој појасни дека до ДКСК пристигнуваат голем број пријави и одреден дел од нив се паушални и не се во надлежност на Комисијата. Чучуљ рече дека упатството не дало резултати, овозможувало субјективност во рангирањето и додаде дека со измените во Законот за спречување на корупцијата и судирот на интереси и Деловникот за работа дополнително ќе се регулира начинот за постапување по предметите и нивното рангирање.

ДКСК утврди дека министерот за здравство не го прекршил Изборниот законик кога во изборен период присуствувал на отворање на приватна амбуланта

ДКСК на денешната последна седница за 2025. година постапуваше по повеќе предмети, меѓу кои за недоставување имотен од носители на функции, за прекршувње на Изборниот законик за време на локалните избори, злоупотреби на службени положби и овластувања, за корумпираност при носење судски одлуки, при што во досегашната расправа ги запре како несновани или пак во одредени утврди дека е ненадлежна и дека за нив треба да одлучуваат други органи.

Членовите на ДКСК меѓу другото постапуваа по пријава за прекршување на Изборниот законик за време на локалните избори во 2025 година од страна на министерот за здравство, односно дека тој бил дел од јавен настан, на која била отворена амбулатна, при постаката беше запрена, откако утврдиле дека нема законски прекршувања.

Членот на ДКСК, Цвета Ристова истакна дека побарале информации за настанот, како и документација за истиот, при што по нивна проверна било утврдено дека од страна на здравствено лице, лекар, согласно законите за здравствена заштита и општа управна постапка Министерството за здравство донело решение за основање прватна здавствена установа по општа медицина на примарно ниво во мрежата здравствени установи низ државата. По завршување на постапката за давање простор и опрема за закуп бил склучен договор за закуп со наведеното лице, по што, додаде Ристова, Министерството утврдило дека се исполнети условите за основање. По завршување на постапката министерот за здравство во работна посета за унапредување на здравствената достапност и подобрување на здравствените услови ја посетил амбулантата во село во државата со цел запознавање со нејзината работа.

Ристова додаде дека по проверката на ДКСК, е утврдено дека нема прекршување. Таа посочи дека во Изборниот законик во член 8а, став 2, алинеа 1 е наведено дека пред и по започнување на изборна кампања „не може да се започне изградба со средства од Буџетот или од јавни фондови или со средства на јавни претпријатија и други правни лица што располагаат со државен капитал на нови објекти во инфраструктурата како патишта, водоводи, далноводи, канализација, спортски игралишта и други објекти или објекти за општествени дејности училишта, градинки и други објекти, освен ако за таа намена претходно се обезбедени средства од Буџетот, односно се работи за реализација на програма донесена врз основа на закон во тековната година“.

Таа посочи дека е утврдено дека овој настан не претставува настан кој е поврзан со споменатиот член, дека станува збор за јавно-приватна установа и оти во случајот нема повреда ниту на Изборниот законик, ниту на Законот за спречување на корупцијата и судирот на интереси.

Членовите не констатираа судир на интереси и во пријавата против директор на комунално претпријатие, за кој во пријавата се наведува дека тој како вработен во истото е назначен за директор, иако во претпријатието неговата сопруга работи како благајник.

Членот на ДКСК, Бесник Џемаиљи рече дека во пријавата се наведува дека ваквата состојба е контрадикторна и претставува судир на интереси, бидејќи едниот сопружник е директор, а другиот благајник.

Џемаиљи нагласи дека во законот не постои забрана блиски лица да бидат вработени во истиот орган и единствено е содржана забрана за вршење влијание при вработување на блиски роднини.

Иако постапката беше запрена, Џемаиљи потенцира дека на директорот му се препорачува при извршување на должностите да води сметка да не дојде до судир на интреси и му се укажува доколу се најде во таква ситуација дека треба да постапи по член 75 став 1 од Законот за спречување на корупцијата и судирот на интереси, кој гласи: „Кога службеното лице ќе дознае за околности што укажуваат на постоење на судир на интереси или на потенцијален судир на интереси, е должно веднаш да побара да биде изземено и да запре со своето постапување“.

Меѓу пријавите имаше и таква која укажува на криминални дејствија на судии во основен и апелациски суд во државата. Пријавувачот навел дека веќе две години не може да си го оствари своето право на наследство на 50 проценти од компанија, оставени од неговиот дедо, поради корумпирано поведение на судии.

Џемаиљи нагласи дека ова е повреда од индивидуално право и оти не е предмет за ДКСК. Тој доде дека истата пријава ќе биде доставена до Судскиот совет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.