Свет

Џонсон бара максимална казна за терористите –да не се пуштаат условно

Британскиот премиерот , Борис Џонсон најави дека минималните затворски казни за тероризам ќе бидат 14 години, тврдејќи дека треба да се стави крај на сегашната судска пракса.

Во петокот, 28-годишниот Усман Кан, со пакистанско потекло, со нож нападна луѓе во Лондон и уби две лица.

Хан бил ослободен од затвор на условна казна откако беше осуден на минимум осум години затвор како припадник на терористичка група која планирала да изврши напад на Лондонската берза во 2012 година, а по жалбата казната му била зголемена 16 години затвор.

Но, тој беше ослободен на условна казна по шест години и се приклучил кон програмата за рехабилитација.

„Таа практика треба да се запре, повторувам, мора да запре“, рече Џонсон.

Премиерот смета дека казната за терористички и екстремистички злосторства наметнати од судот треба да се отслужат до крај, без исклучок.

„Ако сте осудени за тероризам, треба да има задолжителна минимална казна од 14 години затвор. Нема смисла дабидат ослободени порано осуденици за тероризам и сериозни злосторства“, рече Џонсон.

Тој објасни дека тие мали измени, за кои се залагал од стапувањето на должноста во јули, „ќе го спречеа последниот напад“.

Хан го извршил нападот за време на конференцијата за рехабилитација на затвореници организирана од универзитетот Кембриџ во зграда на два чекори од Лондонскиот Мост.

Исламската држава потврди дека сторителот на нападот е нивен борец. ИД изврши напад во Лондон во 2017 година во кој загинаа осум лица.

Свет

Во Иран обесени седум луѓе осудени на смрт, меѓу кои и две жени

Невладината организација „Иран Хјуман рајтс“ денеска соопшти дека од почетокот на годинава во Иран биле егзекутирани 223 лица и го осуди отсуството на фер судење.

Седум лица, меѓу кои две жени, беа обесени денеска во Иран, бидејќи Исламската Република ја зголемува употребата на смртната казна за политички цели, соопшти организацијата со седиште во Норвешка, објави „Фигаро“.

Парвин Мусави (53), мајка на две деца, беше обесена во затворот Урмија во северозападен Иран со пет мажи, од кои сите беа осудени за трговија со дрога, се вели во соопштението на организацијата.

Фатемех Абдулахи (27) е обесена во Нишапур на истокот на земјата поради убиство на нејзиниот сопруг, кој воедно и бил братучед.

Огранизацијата соопшти дека забележала 223 егзекуции годинава, вклучително и најмалку 50 само во мај, по крајот на персиската Нова година и Рамазан во април.

Иран е една од земјите каде што се извршуваат најмногу егзекуции заедно со Кина и Саудиска Арабија. Егзекуциите се вршат со бесење./МИА

Регион

Хасани:Руската агресија во Украина останува најкритична закана за мирот и безбедноста во Европа

Албанскиот министер за Европа и надворешни работи Игли Хасани смета дека руската агресија во Украина останува најкритична закана за мирот и безбедноста на европскиот континент и пошироко.

Хасани на меѓународната конференција „Ленарт Мери“ (Lennart Meri) во главниот град на Естонија, Талин изјавил дека „Албанија продолжува со својата јасна и цврста позиција во одбрана на територијалниот интегритет, суверенитет и независност на Украина, во согласност со ставот на ЕУ, НАТО и САД".

-Албанија активно ги поддржува напорите и преземените иницијативи за да се обезбеди целосна одговорност за најтешките злосторства според меѓународното право извршени во Украина. Застанувајќи покрај Украина, Албанија ја поддржува политички, економски и воено, до постигнување праведен и стабилен мир, нагласил тој, јави АТА.

Прашан за улогата на Русија во светската безбедност, министерот Хасани, рекол дека „единствениот победник во овие турбулентни времиња е НАТО, сојузот на вредности и нации кои го сакаат мирот и ги почитуваат правата на народите".

Министерот Хасани остварил средби со премиерката Каја Калас, неговиот естонски колега Маргус Цахкна и шефот на Комисијата за надворешна политика во естонскиот парламент, Марко Михкелсон на кои изразил благодарност за континуираната поддршка на Естонија за процесот на интеграција на Албанија и Балканот во ЕУ./МИА

Фудбал

Фоден: Горд сум на наградата фудбалер на сезоната во Премиер лигата

Фудбалерот од средниот ред на Манчестер сити, Фил Фоден ги искажа впечатоците по добивањето на наградата за најдобар играч во сезоната 2023/24 во англискиот шампионат.

- Добивањето на оваа награда е достигнување на кое сум исклучително горд. Англиската Премиер лига е препознаена како најдобра лига во светот и среќен сум што сум номиниран заедно со многу други одлични играчи кои имаа посебни сезони во своите клубови. Би сакал да му се заблагодарам на целиот персонал на Сити, тренерите и особено на моите соиграчи, бидејќи без нив тоа немаше да биде возможно, изјави Фоден на официјалната веб-страница на „Граѓаните“.

Оваа сезона во Премиер лигата, 23-годишниот играч од средниот ред одигра 34 натпревари, постигнувајќи 17 гола и постигна осум асистенции.

Трансфермаркт го проценува Фоден на 130 милиони евра.