Џоди Фостер: Сексуалните напасници ја користат својата моќ за да манипулираат со послабите - Канал 5

Шоу биз

Џоди Фостер: Сексуалните напасници ја користат својата моќ за да манипулираат со послабите

 Американката глумица Џоди Фостер во ново интервју за „НПР“ раскажа како била „спасена“ од сексуална злоупотреба во Холивуд - тоа е затоа што стекнала моќ во филмската индустрија на прилично млада возраст. 

Џоди Фостер: Сексуалните напасници ја користат својата моќ за да манипулираат со послабите

Дел од таа моќ, вели, произлегла од номинацијата за „Оскар“ на 12 години за нејзината улога во филмот „Таксист“ на Мартин Скорсезе, којшто „ја поставил на побезбедна основа“ во споредба со други глумци-тинејџери.

- Навистина морав да го испитам тоа - како се спасив? Секако, имаше микроагресии, се присети подоцнежната двократна добитничка на „Оскар“. - Секој кој бил на некакво работно место, имал искуство со мизогинистички микроагресии. Тоа е само дел од тоа да се биде жена, нели? Но, што ги спречи оние полоши, ужасни искуства? Она во што почнав да верувам е дека имав одредена моќ додека имав, да речеме - 12 години. Значи, кога веќе ја имав мојата прва номинација за „Оскар“, бев дел од таа различна категорија луѓе кои имаа моќ и бев „премногу опасна“ за да ме допрат. Можев да уништам кариери на некои луѓе ако се јавам на „вујко ми“, па не бев достапна, појасни Фостер.

Таа вели дека, сепак, сѐ тоа можеби е и до нејзината личност.

- Тоа што сум човек кој пристапува кон светот со својата глава. Многу е тешко емоционално да ме манипулирате, бидејќи не функционирам со моите емоции на површината. Напасниците користат сè што можат за да манипулираат и да ги натераат другите луѓе да го прават она што првиве сакаат да го прават. И, тоа е многу полесно кога лицето е помладо, послабо, кога нема моќ. Токму тоа е однесувањето на напасникот - користење на моќта за да се понижат луѓето, за да се доминира врз нив, изјави „оскаровката“.

Фостер подоцна ќе стане пример за другите колешки и колеги кои се бореле со сексуализацијата и вознемирување во индустријата. Натали Портман во друга прилика откри дека повозрасната колешка ѝ се јавила откако ја слушнала како зборува за проблемите со сексуализацијата.

- Одржав говор на Женскиот марш за тоа како бев сексуализирана како млада актерка, и таа ме контактираше после тоа. И разговаравме, и беше неверојатно. Таа е сè уште пример за сите, нагласи Портман.

Слично како Фостер, и Портман имаше 11 години кога ја добила својата улога на пробив во „Леон: Професионалецот“, по што опасностите од сексуални напасници биле на секој чекор. Портман вели дека нејзината мајка била со неа „цело време грижејќи се никој да не ѝ се приближи“ на детето-глумица, и додаде дека со таквите појави нема шега - секоја закана од сексуално вознемирување ја сфаќала сериозно.

Тагови: џоди фостер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џим Кери се враќа како Гринч во продолжението на популарниот божикен филм?

Продолжение на популарниот празничен филм „Како Гринч го украде Божиќ“ е во подготовка, а Џим Кери е во преговори да се врати во иконската улога повеќе од 25 години по премиерата на оригиналниот филм. 

Џим Кери се враќа како Гринч во продолжението на популарниот божикен филм?

Како што беше објавено во четврток, продолжението на хитот од 2000 година се развива во соработка помеѓу „Universal“ и „Imagine Entertainment“, пишува Just Jared.

Се очекува Рон Хауард да се врати да режира, а неговиот долгогодишен партнер Брајан Грејзер да се врати да продуцира. Не се знае многу за деталите за заплетот на новиот филм.

Успехот на оригиналниот филм

Филмот од 2000 година „Како Гринч го украде Божиќ“, кој освои Оскар за шминка, беше голем комерцијален успех, заработувајќи 260 милиони долари на американскиот пазар и вкупно 345 милиони долари на глобалните бокс-офиси.

Според податоците на „Нилсен“, тој остана еден од десетте најгледани празнични филмови во последните пет години. Оригиналот го следи зелениот, одмаздољубив Гринч кој живее на периферијата на Вовил и смислува план да го украде Божиќ од сите негови жители.

Реномиран тим за пишување

Продолжението го пишуваат Алек Берг, Џеф Шафер и Дејвид Мандел. Триото веќе има искуство во адаптирањето на делата на д-р Сјус, работејќи заедно на сценариото за филмот од 2003 година „Мачката со шапка“, во кој глуми Мајк Мајерс. Целиот проект ќе го надгледува Сузан Брант, извршен директор на „Д-р Сјус Ентерпрајзис“.

Нови преговори по претходното негирање

Интересно е што пред три години, публицистот на Кери жестоко ги негираше гласините за продолжение. Во тоа време, тој изјави за списанието „Пипл“: „Нема вистина во гласините дека Џим ја повторува својата улога како Гринч во продолжението на „Гринч“. Се чини дека околностите се промениле во меѓувреме, а новите преговори отвораат врата за познатиот актер да се врати во една од неговите најпрепознатливи улоги.

Тагови: Џим Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Градоначалничка си го лажирала сопственото киднапирање- барала милиони за откуп (ВИДЕО)

Градоначалничката на градот Тенансинго, Ненси Наполес, е осомничена дека го лажирала сопственото киднапирање за да собере откуп од околу 2 милиони долари, соопштија властите.

Градоначалничка си го лажирала сопственото киднапирање- барала милиони за откуп (ВИДЕО)

Обвинителството соопшти дека случајот е поврзан со наводен обид за прикривање на проневера во градската администрација, објави „Ле Фигаро“.

Таа ги негира сите обвиненија

Според нивните тврдења, нејзините киднапери побарале околу 2,3 милиони долари за време на нејзиното наводно заробеништво и предложиле парите да бидат земени од општинските средства.

Наполес ги негираше обвиненијата и го опиша случајот како политички мотивиран. Таа тврди дека успеала да избега од нејзините киднапери во момент на невнимание.

Од друга страна, истражителите велат дека има недоследности во нејзиното исказ, како и докази што укажуваат на можно организирано лажно киднапирање, во кое наводно се вклучени нејзиниот сопруг и зет, кои се во бегство.

Обвинителите споменуваат снимки

Обвинителството, исто така, соопшти дека има снимки од повеќе од 150 телефонски разговори кои наводно се поврзани со организацијата на случајот.

Според мексиканскиот закон, лажирањето киднапирање може да биде казниво со затвор до 16 години.

Градоначалничката Ненси Наполес ја објави својата соработка со истрагата и инсистира дека е невина.

Тагови: градоначалничка киднапирање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мораме да го вразумиме Нетанјаху

Американскиот претседател Доналд Трамп изјави дека САД треба „малку да го вразумат“ израелскиот премиер Бенјамин Нетанјаху кога станува збор за Либан.

Трамп: Мораме да го вразумиме Нетанјаху

Опишувајќи го нивниот однос како „добар“, Трамп рече дека може да ги контролира израелските воени активности во Либан затоа што тамошните службеници прават што тој им кажува.

Израел инсистира на контрола на јужен Либан и се закани со нови напади доколку не се постигне долгорочен договор со Хезболах и либанските власти.

Трамп, пак, ја нагласи американската воена супериорност, истакнувајќи дека САД обезбедуваат оружје и бомбардери Б-2 и тврдејќи дека без негова интервенција, Израел би бил целосно уништен.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер