Шоу биз

Џеј-Зи основал фонд од 10 милиони долари за помош на компаниите што произведуваат марихуана

Американскиот рапер и продуцент Џеј Зи, сопруг на пејачката Бијонсе, формирал инвестициски фонд од 10 милиони долари за поддршка на малите бизниси во секторот марихуана во сопственост на афроамериканци.

Шон Џеј Зи Картер, кој сака да биде лидер во индустријата за легална марихуана во Соединетите држави, го создал тој инструмент за ризичен капитал откако во декември купил платформа директно за потрошувачите во Калифорнија.

„Со почетни 10 милиони американски долари и годишна инвестиција од најмалку 2 проценти нето добивка, ние се свртуваме кон диверзификација на трговското лидерство и работната сила“, соопштила матичната компанија, за која Џеј Зи е „голем визионер“.

Матичната компанија (TPCO) е котирана на канадската берза NEO Exchange од минатата недела. Пејачката Ријанан е меѓу нејзините инвеститори.

Компанијата е посветена на инвестирањето на 2% од профитот секоја година во овој нов „Фонд за инвестиции во социјален капитал“ основан од раперот.

Холдингот, со седиште во Сан Хозе, Калифорнија, остварил промет од 185 милиони долари на пазарот на марихуана во 2020 година, што се проценува на 7,5 милијарди долари само во Калифорнија, каде што потрошувачката на марихуана е дозволена за рекреативна употреба како и во петнаесет други држави во САД.

Шоу биз

Стивен Спилберг откри за кој филм жали

Иако денес важи за еден од најуспешните режисери кои некогаш живееле, Стивен Спилберг зад себе има филмови за кои и денес жали.

И покрај тоа што работел на хорор филмовите „Jaws“ и „Poltergeist“, Спилберг смета дека вториот филм од серијата Индијана Џонс, „Indiana Jones and the Temple of Doom“, е премногу мрачен и не се гордее со тоа.

- Не бев задоволен од „Temple of Doom“. Беше премногу темно, премногу таинствено, премногу застрашувачко. Мислам дека беше пострашно од „Poltergeist“ – изјави Спилберг, пренесе „LADbible“ и додава „Нема ни зрнце мои чувства во „ Temple of Doom “. Проблемот со правењето продолженија е што не можеш да им угодиш на сите“.

Извор: Аваз

Здравје

САД ќе инвестираат милиони долари да се спречи ширењето на птичјиот грип кај стоката и луѓето

Американската сојузна влада планира да потроши милиони долари за спречување на ширењето на птичји грип во стадата и фармите за млеко за да се спречи вирусот да мутира и се прошири меѓу луѓето, изјави денеска службено лице.

Според експертите, вирусот моментално циркулира низ пилешките фарми и говедата меѓутоа неодамнешното префрлање на вирусот и кај млечните крави е причина за узбуна бидејќи постои загриженост дека колку подолго се шири меѓу животните може да ги инфицира и луѓето.

-Нашата мисија е да го запреме ова како настан исклучиво поврзан со животните. Конечно, сакаме да го елминираме вирусот во индустријата и со текот на времето да развиеме вакцина за да спречиме уште една појава на N5H1 во стоката, изјави денеска министерот за земјоделие Том Вилсак.

Инвестицијата доаѓа по критиките од страна на јавните здравствени експерти до владата дека не се тестира доволно стока или работници изложени на инфицираните стада, со што се загрозува способноста на САД брзо да одговори на мутациите на вирусот. Според новиот план, владата ќе ги компензира оштетените фармери за трошоците поврзани со вирусот и ќе ги финансира напорите за негово лоцирање и следење.

Досега е забележан само еден случај на човек заразен од птичји груп, и тоа во Тексас, каде првпат беше регистрирана епидемија меѓу млечни крави.

Сега, со новите напори за лоцирање на вирусот Министерството за земјоделие (УСДА) објави дека четири дополнителни стада во Мичиген и едно во Колораде се тестирани позитивни за птичји грип со што сега се инфицирани се вкупно 42 стада во девет држави. /МИА

Свет

Белгија: Помош од 9 мил. евра за санирање на оштетената енергетска инфраструктура на Украина

Белгија ќе додели дополнителна помош од девет милиони евра за да помогне во санирањето на оштетената енергетска инфраструктура во Украина, објави денеска белгиската министерка за развојна соработка Каролин Женез.

„Со помош на ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воената поддршка, и овие средства ќе помогнат да се изгради отпорноста на Украина", рече министерката.

Според нејзините зборови, Белгија ќе одвои средства за поддршка на проекти во рамките на Програмата за развој на Обединетите нации, што е специјализирана за економски развој. /МИА