Двајцата рано утрово ја објавија истата фотографија на Инстаграм. Само еден ден претходно поранешната девојка на Дрејк, Ријана, престана да ја следи Џенифер Лопез на социјалните мрежи.
Шпекулациите дека се во врска се појавија на почетокот на месецов, но медиумите не беа сигурни дали Џенифер навистина го прекршила непишаниот код и преземала момче на своја колешка. Особено што Џенифер и Ријана се долгогодишни блиски пријателки, и покрај разликата од 19 години меѓу нив!
- јас сум голем фан на Ријана - изјави во 2015 Џенифер Лопез и рече дека со задоволство би направила дует со неа. Ријана пак на Џенифер и подари чевли од својата линија, а Џенифер ги носеше на еден од своите спотови да помогне во нивната промоција.
Дрејк и Ријана беа неколку години во врска со чести прекини, а Џенифер годинава ја раскина пет годишната врска со Каспер Смарт кој е една година помлад од Дрејк.