Директорот на ТИРЗ, Гоце Димовски ги претстави можностите за инвестирање пред менаџментот на Philips - Канал 5

Македонија

Директорот на ТИРЗ, Гоце Димовски ги претстави можностите за инвестирање пред менаџментот на Philips

Директорот на ТИРЗ, Гоце Димовски заедно со владина делегација го посети центарот за иновации на Philips – „Best Campus“, во Ајндховен, Холандија, каде беа презентирани инвестициските можности кои ги нуди Македонија и ТИРЗ. 

Директорот на ТИРЗ, Гоце Димовски ги претстави можностите за инвестирање пред менаџментот на Philips

Беа разгледани напредните производствени погони на компанијата, како и широкиот спектар на здравствени иновации.

Директорот Димовски ги претстави можностите кои ги нудат технолошките индустриски развојни зони, со осврт на клучните поттикнувачки мерки и придобивки за инвеститорите.

„ТИР зоните нудат конкурентни услови кои гарантираат економски раст и развој на инвеститорите. Со стабилната и предвидлива деловна клима, современата инфраструктура, гринфилд инвестициите добиваат цврста основа за успешна и долгорочна реализација. Нашата цел е да привлечеме компании кои носат знаење, современи технологии и квалитетни работни места, а во исто време создаваат додадена вредност за целата економија.“

Од страна на менаџментот на Philips беше изразен особен интерес за можностите за продлабочување на соработката, при што беа презентирани и најновите иновациски решенија на компанијата во областа на здравството, со фокус на дигиталната трансформација на здравствените системи, напредните дијагностички технологии и интегрираните решенија за подобрување на квалитетот и ефикасноста на здравствените услуги. Во тој контекст, беа разменети мислења за потенцијалите за идна соработка, како и за можностите за реализирање на инвестициски проекти кои би придонеле кон трансфер на знаење, примена на современи технологии и отворање нови високо-квалификувани работни места.

Центарот за иновации на Philips во Ајндховен – „Best Campus“ е една од најважните точки за високотехнолошки иновации во здравството. Кампусот е отворен во 1971 година, а денес е еден од најголемите кампуси во рамките на Philips во светот, со околу 3.500 вработени и најсовремени технолошки решенија од областа на IMT (Image Guided Therapy), магнетна резонанца, дијагностички рендген, компјутерска томографија и слично.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер