Живот

Димитар Узунски испратен на вечното почивалиште во Тработивише,

Во негова чест подготвена Спомен соба.

Делчево денеска се прости од Димитар Узунски, eден од најголемите промотори на Пијанечкото-фолклорно богаство и најзаслужните за впишувањето на орото „Копачка" на репрезентативната листа на УНЕСКО за нематеријално културно наслество. По испраќањето во неговото вечно почивалиште во село Тработивиште, културните работници, членовите на фолкорната група „Копачка", неговите сожители и првите луѓе на општината со пиетет зборуваа за сето она, што тој го остави како културно наследство за идните генерации.

Методи Толевски, директор на Националната установа Центар за култура „Никола Јонков – Вапцаров", алудирајки на творештвото на Узунски, посочи дека тој е личност која не верува дека ќе се роди во наредните сто години.

-Што да се каже за Димитар Узунски, за него треба да се зборува со денови и денови. Тој е личност која не верувам дека ќе се роди во наредните, 20, 30, 50 или 100 години. Тоа е човек кој работеше со голема љубов и ентузијазам кон учителството и културата. Мене како учител, ми предаваше од 6 до 8 одделение, беше најдобриот учител, а во културата ќе го паметам како највреден работник, еден од иницијаторите и основач на Голачките фолкорни средби, За „Копачката" да не зборуваме, тука е и учеството на безброј фестивали меѓу кои „Пеце Атанасовски" од Долнени, рече Толевски.

Додаде дека е многу тешко во неколку реченици да се опише неговата работа, посочувајќи дека Узунски, кој секогаш бил добредојден во Центарот за култура, треба да биде „репер", не само во културата, туку и во образованието, како пример за културните работници, кои треба да се стремат да постигнат барем мал дел од она што тој го направил за културата, за што сведочат многубројните домашни и меѓународни награди.

Од оние кои имаа што да кажат за животот и делото на големиот фолклорист беше и афористичарот Миле Ѓорѓијоски кој како роден Кичевец, во Делчево твори од 80-тите години од минатиот век, од кога другарува со „учителот" од Тработивиште за кој рече дека 24 часа во денот бил посветен на она што најмногу го сакал, а тоа е народното творештво.

-За мојата среќа, со Узунски се познавам уште од првите денови кога сум во Делчево, односно од 80-тите години од минатиот век. Ние бевме другари пријатели, соработници во Радио Делчево, тој ја работеше култната емисија од фолклорното богатство на Пијанец, јас ја работев тогаш хумористичната емисија и го паметам како човек кој себе се вложуваше 24 часа, беше ангажиран на онаа работа што знаеше мајсторски да ја работи, рече Ѓорѓијоски.

Нивната последна средба, како што додаде, била пред неколку недели кај него дома на кафе, на која Узунски со голема радост и занес му раскажувал за собата што се подготвува во негова чест. Според афористичарот ќе бидат потребни стотици соби, за да се распостеле „богатството" што Узунски успеал да го сочува и заштити од забот на времето.

-Тработивиште, Делчево, регионот, Македонија, па и пошироко треба да се навистина благодарни, што имаа еден таков човек кој голем дел од нашето национално богаство го остави и зачува за идните генерации. Јас се надевам дека ние ќе имаме доблест да ја продолжиме неговата работа, да го сочуваме она што тој го откина од забот на времето. Димитар Узунски денес физички не напушти, но Димитар Узунски ќе живее се додека живее Македонија, се додека има луѓе на овие простори, тој ќе е заштитен знак на големото Национално фолклорно богатство на Македонија, додаде Ѓорѓијоски.

Од Фолклорната група „Копачка" од село Драмче, Делчево во својство на носители на нематеријалното фолклорно добро „Копачката" и негови наследници му ја оддадоа последната почит, а како што истакна секретарот на Здружението, Перса Стојановска она што ќе остане да говори за големината на Претседателот на Копачка е неговата Спомен соба која како идеја се реализира со финансиската поддршка од Министерството за култура и Општината Делчево.

-Во Собата за културното наследство на Пијанец-Соба на Димитар Узунски која што се наоѓа во неговата родна куќа позади мене, ќе бидат поместени неговата истражувачка дејност од неговите тетратки до неговите изданија на монографии, до неговите диоломи благодарници и награди во хартиена форма, ќе ставиме информативна табла, сето тоа е подготвено, интересно дрво направивме на неговата дејност, многу се радуваше да го дочека уредувањето на Собата кое беше договорено за саботата што помина, но во текот на неделата неговата здравствена состојба се влоши и тој еве не напушти. Нека почива во мир, рече Стојановска.

За градоначалникот на Делчево, Горан Трајковски кој присуствуваше на испраќањето на Узунски, Пијанечкиот Цепенков зад себе остави илјадници народни умотворби од Пијанечко, изворни факти за опстојувањето на уникатното оро „Копачка" кое под негово раководство се запиша во УНЕСКО, над 400 емисии од Фолклорното богатство од Пијанец за локалното Радио Делчево и десетици аудио и видеозаписи за МТВ, што само по себе говори колкава е неговата важност за нашата држава.

Димитар Узунски е роден на 22.09.1938 година во село Тработивиште, општина Делчево. Завршил Педагошка академија група музичко воспитување во Скопје. Над 50 години ја раководи Фолкорната група „Копачка" с. Драмче и со неа има бројни настапи во земјата и странство како пејач, организатор, инструменталист и играорец. Членовите на „Копачка" со гордост се сеќаваат на неговите зборови кога го предавал архивскиот материјал за негова национална и светска заштита во Министерството за култура, кога рекол : „Ви го давам срцето".

Узунски во текот на својот работен век беше надворешен соработник на Институтот за фолклор на Р. Македонија и до длабока старост се занимаваше со собирачка активност. За МТВ имаше учествувано во повеќе емисии, а за радио Скопје снимил 40 изворни пијанечки народни песни. За програмата на Радио Телевизија Делчево, за 12 години има подготвено над 400 емисии, за серијата емисии „Од фолкорното богатство на нашето поднебје". Има објавено три монографии: „Разловци"; „Дедо Митко- ороводецот на Копачката" и „Копачката, чекор по чекор до УНЕСКО- мојот живот со Копачката".

Меѓу најпознатите награди и признанија со кои се стекнал од ЗФГ „Копачка" ги издвоија наградите за „Особено истакнат педагошки работник"-1980, Гран при од ФИИП „Пеце Атанасовски" 2011, Плакета за животно дело од Градоначалникот на општина Делчево, по повод „100-години град Делчево", Државна награда за народен уметник, 23-Октомври во 2014 година, како и наградата за „Најдобар културен работник на Источна Македонија".

Во својата последна порака до својот учител, членовите на „Копачка" истакнаа дека засекогаш ќе остане во срцата на сите носители на нематеријалното светско културно наследство орото „Копачката", а во знак на завет длабоко му се поклонија и му ја оддадоа последната почит. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Масовна тепачка во бар на Халкидики: Двајца нападнаа турист, па настана хаос- летаат столови (ВИДЕО)

Бар на плажа на Халкидики се претвори во боксерски ринг додека млади мажи се тепаа со тупаници и клоци пред шокираните гости.

Бар на плажа на Халкидики се претвори во боксерски ринг додека млади мажи се тепаа со тупаници и клоци пред шокираните гости, додека на инцидентот во кој беше повреден 27-годишниот Германец му претходеше фактот дека двајца Грци, на возраст од 25 и 21 година, беа обвинети како сторители, објави Прототема.

Германскиот државјанин пристигнал во Грција со авион на почетокот на минатиот јули и беше во Метаморфозис на Халкидики, каде што бил на одмор со своето семејство. На 5 август, по 21 часот, тој отишол во барот на плажа со пријатели, кои, како што опиша, си заминале половина час по полноќ.

Тој останал во барот околу еден час и непосредно пред да замине, ја видел својата 21-годишна пријателка - која ја запознал минатата година на Халкидики и со која се спријателил на социјалните мрежи - која била во барот со пријатели и седнал да поразговара со неа, објавија грчките медиуми.

Музиката во барот, рече тој, свирела многу гласно и за да може да разговара со девојката, се приближил до нејзиното уво.

По некое време, додека разговарал со девојката, видел, како што рекол, непознат маж како го гледа и му се обраќа, без тој да го разбира јазикот или што зборува. Сепак, 27-годишниот Германец од говорот на телото на непознатиот разбрал дека му се заканува и се обидел да си замине, објави Прототема.

Во првото видео, сцената е типична за летен бар каде што луѓето доаѓаат и си одат безгрижно. Сè додека ситуацијата не се промени и одеднаш гостите не станат очевидци на насилна епизода во која едно лице трча, а уште двајца успеваат да го удрат, соборувајќи го на земја.

Во своето сведочење, Германецот живописно го опишал нападот што го доживеал.

„Потоа овој човек и уште еден непознат маж ме бркаа и откако ме стигнаа почнаа да ме тепаат. Еден од нив ме удри во лицето, што ме натера да паднам со лицето надолу на земја. Веднаш потоа почувствував како некој ме удира по главата, а потоа ја изгубив свеста“, рекол 27-годишникот, кој, кога се опоравил од тепањето, видел „десната нога му е исечена и од тоа место тече крв“.

Откако двајцата млади мажи го нападнаа 27-годишниот Германец, барот на плажа буквално се претвора во боксерски ринг.

Beach bar στη Χαλκιδική μετατράπηκε σε... ρινγκ: Άγριο ξύλο μπροστά σε θαμώνες μετά από επεισόδιο με 27χρονο Γερμανό, δείτε βίντεο #protothema https://t.co/Cn573jcmIh pic.twitter.com/0BhxEmsCpC
— Protothema.gr (@protothema) September 9, 2026

Како што јасно може да се види на второто видео, некои луѓе брзаат да му помогнат на Германецот, додека други се обидуваат да ги смират младите мажи кои се чини дека се удираат едни со други сè додека едниот не се двоуми да земе стол за да удри други луѓе.

Во меѓувреме, Германецот, откако некој му ја врзал ногата и тој се освестил, избегал од местото на настанот во страв и, како што рекол, истрчал кон куќата на еден пријател за да најде засолниште, додека, како што изјавил сопственикот на барот на плажа, тој бил оној што ги турнал двајцата што паднале врз него и го претепале.

Се забележува дека е наредена прелиминарна истрага во врска со тепачката и дека две лица кои биле идентификувани за нивната вмешаност се повикани да дадат објаснувања.

@protothema.gr ‼️ Σε ρινγκ μετατράπηκε ένα beach bar στην Χαλκιδική όταν νεαροί κατέληξαν να δέρνονται με μπουνιές και κλωτσιές μπροστά στα έκπληκτα μάτια των θαμώνων ενώ προηγήθηκε επεισόδιο σε βάρος ενός 27χρονου Γερμανού με κατηγορουμένους ως δράστες δυο Έλληνες, 25 και 21 χρονών. #protothema #news ♬ For news reports, depictions of crimes, cases, tragedy, etc.(850911) - Shoya Kitagawa

Адвокатката Антула Анасоглу, која го застапува 21-годишникот обвинет дека е еден од двајцата сторители, тврди дека 27-годишниот Германец бил оној што го нападнал пријателот на нејзиниот клиент без причина, тешко претепувајќи го.

„Неформалната сесија за пиење меѓу пријатели за жал беше предодредена да се претвори во кошмар од тепачка, за која мојот клиент не сноси никаква одговорност. Таа ноќ седеше со своите пријатели, лежерно уживајќи во пијалок во летна вечер. Наводната жртва го нападна пријателот на мојот клиент без причина, кого го претепа тешко. Причината за тепачката беше љубовен спор. Тој немаше да престане да го тепа доколку мојот клиент не интервенираше заедно со неговиот друг пријател“, изјави таа и додаде:

„Со голема дрскост, наводната жртва, а всушност сторителот, се обиде да избега. И тоа беше единственото учество на мојот клиент што го спречи да избега. Тој категорично тврди дека не го удрил, туку го шутнал во воздух за да ја ослободи ногата, која го држела и стискала. Тој исто така наведува дека бил многу вознемирен од пресвртот на настаните, но било јасно дека тој не предизвикал ништо“, рече адвокатот Анасоглу.

Целосното видео од настанот може да го погледнете ТУКА.

Тагови: тепачка Халкидики

Шоу биз

Голема дупка се отвори пред луксузната вила на Николас Кејџ, наредена е итна евакуација

Силна бура што го погоди брегот на Лос Анџелес сериозно им се закани на неколку домови во Малибу, вклучувајќи ја и вилата на Николас Кејџ.

Голема дупка во земјата се отвори во непосредна близина на домот на актерот, поради што властите наредија евакуација на жителите од погодената област.

Бурното море, плимата и силните бранови предизвикаа уривање на дел од брегот и приодите кон куќите лоцирани покрај океанот. Вилата на Кејџ, вредна 10,5 милиони долари, е еден од петте имоти што се обележани со црвена ознака, што значи дека во моментов се забранети поради безбедносни ризици.

Голема дупка се отвори веднаш до куќата

Според Page Six, пред имотот на актерот имало дупка широка и долга околу девет метри. Фотографиите направени на местото на настанот покажуваат дека срушената област е многу блиску до куќата.

Скеле може да се видат и околу вилата, што укажува дека одредени работи веќе биле во тек на имотот пред бурата дополнително да ја искомплицира ситуацијата.

За среќа, никој не е повреден во уривањето. Сепак, обемот на штетата и заканата од понатамошни лизгања на земјиштето беа доволни градот Малибу да прогласи вонредна состојба во вторник вечерта.

„Наредба за евакуација е на сила за сите погодени имоти. Шерифските заменици лично ги известија жителите и е издадено дигитално предупредување“, се вели во официјалното соопштение.

Службите за итни случаи се обидуваат да спречат понатамошно уривање

Екипите на терен се обидуваат да го обезбедат срушениот дел од брегот пред следната плима бидејќи постојат стравувања дека морето би можело да однесе повеќе земја и дополнително да ги загрози домовите.

Штетата на цевките за природен гас беше откриена и за време на интервенцијата, но дефектот оттогаш е поправен.

Според „Њујорк пост“, бурата што го погоди брегот на Лос Анџелес во вторник е поврзана со остатоците од ураганот Мари.

Кејџ ја купи куќата во Малибу во 2024 година за 10,5 милиони долари. Вилата е од околу 370 квадратни метри и се наоѓа веднаш до океанот. Меѓу нејзините главни адути се погледот на морето и приватната тераса на покривот.

Тагови: Николас Кејџ

Свет

Трамп се воодушеви од победата на АфД- Мерц се налути и му го откажа телефонскиот разговор

Германската влада го одложи планираниот телефонски разговор меѓу канцеларот Фридрих Мерц и американскиот претседател Доналд Трамп за претстојната годишнина од нападите на 11 септември.

Германската влада го одложи планираниот телефонски разговор меѓу канцеларот Фридрих Мерц и американскиот претседател Доналд Трамп за претстојната годишнина од нападите на 11 септември, изјави портпаролот на владата, додавајќи дека не е одреден нов датум за разговорот.

Портпаролот не даде причина за одложувањето.

Во вторник, Трамп ја припиша победата на крајно десничарската партија Алтернатива за Германија (AфД) на неделните покраински избори во Саксонија-Анхалт на германските правила за имиграција, кои ги опиша како „ужасни“.

Трамп е воодушевен од победата на AfD

„Воау! Популистичката партија во Германија штотуку имаше навистина голема ноќ“, напиша Трамп на својата платформа Truth Social, осврнувајќи се на неделните избори. Трамп не ја спомена конкретно AfD, но беше јасно на која партија мислеше.

AfD и нејзините поддржувачи се презаситени од „апсолутно ужасните правила за имиграција“ на Германија, рече Трамп. „ТИЕ СЕ ВО ПОГОЛЕМУВАЊЕ и повеќе нема да го толерираат тоа“, напиша тој.

The President of the United States supports AfD. pic.twitter.com/gLGoknyMd8
— Ron Filipkowski (@RonFilipkowski) September 8, 2026

Џ.Д. Венс се сретна со лидерот на АфД

Откако Трамп ја презеде функцијата во јануари 2025 година, се смета дека АфД има поблиски врски со Вашингтон од кога било досега. Копретседателката на АфД, Алис Вајдел, го опиша Трамп како пример за углед по неговото враќање во Белата куќа, а претставници на АфД отпатуваа во Вашингтон за неговата инаугурација.

Потпретседателот на САД, Џ.Д. Венс, се сретна со Вајдел на маргините на Минхенската безбедносна конференција во февруари 2025 година. На конференцијата, Венс предупреди дека исклучувањето на популистичките партии и градењето политички „заштитни ѕидови“ ризикуваат игнорирање на волјата на милиони гласачи.

Тагови: АфД Фридрих Мерц