Здравје

Диета за мажи: Намалете 5 килограми за 5 дена

Ова е пример за една брза диета намената за посилниот пол, но со предупредување дека нејзините ефекти иако се брзи сепак се препорачува и по завршувањето на диетата да се придржувате до здравата исхрана и да го минамилизирате количеството на алкохол.

Сепак, кога ќе се постигне саканата тежина, што може да биде многу брзо, пак ќе треба да направите одредени мали промени во исхраната и физичките активности за да ја одржувате тежината.

Брза диета

Оваа диета трае 5 дена,а секој ден се јаде исто.

Појадок: Било кое овошје освен банана

Ручек: една виршла и едно варено јајце

Вечерата не треба да биде по 19 часот а се препорачува сезонска салата.

Алкохолот, засладените сокови и млеко се забранети. Нужно е внесување на две литри течност, вода или незасладени чаеви.

Диетата не смее да се спроведува неколку пати по ред без пауза.

Мажите најчесто не сакаат да држат диети бидејќи тоа им изгледа како женска работа. Освен некои универзални и најчесто медицински диети, поголемиот број на диети се навистина осмислени за жени и не им одговараат на мажите на кои им требаат поголем број на калории. Тие можат успешно да се ослободат од вишокот килограми и ако јадат „вистински“ оброци и се чувствуваат сити иако се на диета.

Значи, најдобрата диета за мажи е да не држат никаква вистинска диета. Се што е потребно да ослабите се мали промени во исхраната, пиењето и физичките активности, при што акцентот треба да се стави на здравата храна и грижата за здравјето.

Совети за мажите што сакаат да ослабат

1. Jадете помали оброци на секои 2-3 часа, во вкупен број од пет до осум помали оброци дневно, секој ден.

2. Со секој оброк внесувајте „посни“ протеини како јунешко месо, пилешко, риба, јајца.

3. Јадете овошје или зеленчук, или и двете, со секој оброк.

4. Скоро целиот внес на јаглени хидрати треба да се заснова на овошје и зеленчук.

5. Најмалку 25 отсто од калориите што ги внесувате треба да доаѓаат од масни извори, вклучувајќи и животински масти и масла (ленено, рибино, кокосово и маслиново).

6. Пијте само пијалоци кои содржат нула калории како минерална вода, растителни чаеви, зелен чај, кафе и т.н.

7. Немојте да пиете пиво, газирани, засладени сокови и алкохолни пијалоци.

Диетата може да биде заснована на внесување на помалку калории односно на ограничени количини на храна што на мажите генерално не им одговара или пак на ограничување на некои видови храна како што се протеинските диети. Овие диети се покажале како прилично ефикасни кај мажите. Количината на храна која се внесува не е ограничена, но забрането е да се внесуваат јаглени хидрати. Според тоа, исхраната треба да се состои исклучително од месо, јајца, млечни производи, соја и печурки. Воопшто не се јадат леб и бели пецива, тестенини, овошје, зеленчук и сл. Со ваквите диети мажите прилично брзо слабеат, но тие не се баш најздрави, па така се појавија и некои изменети верзии на високопротеинските диети како што е познатата Аткинсонова диета или малко поусовршената и поздрава Дуканова диета. Ограничениот внес на сите потребни хранливи материи на овие диети може донекаде да се ублажи со внесување на мултивитамински препарати додека сте на диета.

Многу е важно да се јадат повеќе помали оброци отколку три големи. Кога внесете поголема количина на храна а потоа легнете или седите организмот го складира непотребниот вишок на енергија како резерва во форма на сало. Немојте да вечерате пред спиење. Вежбајте за да ја одржувате мускулната маса бидејќи со текот на годините количината на мускули во телото се намалува за сметка на мастите. Мускулите се најголем потрошувач на енергија во телото и нивното одржување е најдобра превенција против здебелување. Вежбајте за сите групи на мускули бидејќи ако работите само на пример на мускулите на стомакот тоа ќе нема скоро никаков ефект на салото на стомакот. Стомакот ќе се намали само со намалување на вкупните масти во организмот. Кога ќе го изгубите вишокот килограми можете да се позанимавате со истакнувањето на стомачните мускули.

Свет

Четворица загинаа во судар во полициска потера по ограбувач на банка кај Торонто (ВИДЕО)

Во судар кај Торонто во текот на полициска потера по осомничен ограбувач на банка кој бегал со автомобил во погрешна насока на автопатот 401, загинале четири лица, меѓу кои и едно дете, изјави денеска портпаролката на полицијата во Онтарио.

Судирот се случил во близина на излезот на автопатот 412 во Витби, на околу 50 километри источно од Торонто.

На видеото споделено на платформата „Икс“ се гледа како возило со голема брзина се движи во погрешна насока на автопат и потоа удира.

Полиција во Онтарио го затвори автопатот во двата правци во текот на ноќта, но од изутрината сообраќајот се одвива непречено.

Живот

Кристина има 25 години и 22 деца- планира троцифрен број деца (ФОТО)

Кристина Октрук наскоро ќе наполни 26 години, но таа веќе се реализира како мајка преку сурогат мајчинство.

Нејзиниот дом е исполнет со детски смеа и извици и таа постигнува сѐ иако во куќата има дури 22 деца.

Блогерката од Русија се омажила за милионерот и бизнисмен Галип (57) со кого добила едно дете, а другите деца ги добила со помош на сурогат мајка. Успева да се грижи за сите деца, да се гушка со нив и да ги прошета. Се разбира, таа не е сама во оваа работа.

Кристина често оди на прошетки со своите асистенти, кои се добра помош и одлично друштво.

Нејзината најстара ќерка, осумгодишната Викторија веќе ѝ помага на мајка си во обврските. Тригодишните деца, кои моментално ги воспитува нивната мајка откако Галип бил уапсен во мај како дел од руската истрага за измама, се: Мустафа, Маријам, Ајрин, Алис, Хасан, Џуди, Харпер, Тереза, Хусеин, Ана , Изабела, Исмаил, Мехмет и Ахмет.

Овој семеен дом има и многу двегодишни деца, по име Али, Кристина, Алена, Сара, Локман и Алпарслан, а покрај најновиот член на семејството, тука е и најмладата ќерка Оливија.

Сепак, и покрај тоа што е критикувана за „купување деца“, Кристина не планира да престане. Таа во претходните интервјуа откри дека сака да достигне троцифрена бројка.

Бизнис магнатот бил затворен во 2023 година под обвинение за „перење“ пари, како и за фалсификување документи. Опседната со бебиња, Кристина има армија од 16 дадилки кои живеат во куќата и ѝ подаваат рака на помош на 25-годишната девојка, додека нејзиниот сопруг е осуден на осум години затвор, пишува „TheSun“.

Двајцата првпат се сретнале во клуб во Москва, Русија, и оттогаш го започнале своето поглавје во раскошна трикатна палата во Батуми, Грузија. Уште во февруари минатата година, Кристина - која платила 142.000 фунти на сурогат мајки - објавила и книга во која зборува за нејзините искуства како мајка на толку големо семејство.

Свет

14- годишно момче загина во нападот со нож во Лондон, убиецот одел од куќа до куќа (ВИДЕО)

Во денешниот напад, во близина на станица во Лондон, загина 14-годишно момче, а неколку лица се повредени.

Момчето итно било пренесено во болница, но за жал брзо починало, објави Би-Би-Си.

„Повредените лица бараат лекарска интервенција, но веруваме дека нивните повреди не се опасни по живот“, велат од полицијата.

Според главниот наредник Стјуарт Бел, 36-годишниот маж кој е уапсен утринава бил приведен нешто пред 7 часот наутро, 22 минути откако полицијата го примила првиот повик.

Во моментов е во притвор.

„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Бел.

„Се чини дека инцидентот не е поврзан со никаков терористички акт“, рече тој.

Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.

На видеата направени од случајни минувачи, тој може да се види како шета од куќа до куќа и клечи покрај прозореците.

притисни ентер