Девојче починало зашто родителите ѝ го запреле инсулинот, верувале дека Господ ќе ја излекува - Канал 5

Живот

Девојче починало зашто родителите ѝ го запреле инсулинот, верувале дека Господ ќе ја излекува

Елизабет Струс (8) од Австралија починала откако родителите наводно ја оставиле болна да се снаоѓа, мислејќи дека Бог ќе и помогне.

Девојче починало зашто родителите ѝ го запреле инсулинот, верувале дека Господ ќе ја излекува

Девојчето починало од дијабетес во 2022 година, откако нејзините родители и уште 12 членови на нивната црква ја оставиле со надеж дека Бог ќе ја излечи со тоа што ќе и го одбијат инсулинот.

Постарата сестра на Елизабет, Џејд Струс, пораснала и била воспитувана со екстремни верувања додека не била исфрлена од семејството на 16-годишна возраст.

„Да знаев што ќе се случи со неа, одамна ќе ја скршев вратата“, рече Џејд.

Нејзините родители и нивната култна црква се нарекуваат себеси „Светци“, а водачот Брендан Стивенс и таткото на Елизабета, Џејсон, се главните осомничени за убиството на девојчето.

Останатите 12 членови, меѓу кои и мајката и братот на Елизабета, се обвинети за убиство од небрежност.

Има откритија дека родителите на Елизабет толку ја занемариле нејзината здравствена состојба што во 2019 година не ги обезбедиле основните животни потреби токму во моментот кога таа била тешко болна.

Девојчето било сериозно исцрпено и слабо, поради што нејзината мајка морала да ја турка низ куќата со количка, а во една прилика изјавила дека „Бог нема да ја изневери овде“ и дека „тој може да го поправи ова“.

За жал, кога таткото го однел девојчето во болница, таа веќе била во кома. Решил да ја однесе во болница кога сфатил дека сѐ отишло предалеку...

Елизабет имала само 13 килограми кога пристигнала во болница, а медицинската сестра која ја примила мислела дека девојчето е веќе мртво поради тоа колку лошо изгледало.

„Не дојде на гости, не ја видов ниту еднаш во 2019 година, воопшто не сакаше да се меша“, изјави Џејд за нејзината мајка, која никогаш не ја посетила Елизабета.

На суд во 2021 година, Џејсон Струс се изјаснил за виновен дека не ги обезбедил потребите за живот на својата ќерка, покажувајќи крајно каење за што е осуден на шест месеци затвор. Исто така, мајката на Елизабета е осудена, но на подолга казна од 18 месеци, додека по одлежувањето на 5 може да побара условно ослободување.

„Прифаќам дека научивте голема лекција од ова и дека никогаш не би дозволиле ова да се повтори“, изјавил судијата на судењето на таткото Џејсон.

Кери Струс е ослободена од затвор на 15 декември 2021 година.

Само три недели подоцна, на 7 јануари 2022 година, Елизабет починала, пренесува 9now.

YouTube video

Досега сите 14 обвинети одбиле правна помош, што не ја изненадува криминологот д-р Ксанта Малет од Универзитетот во Њукасл.

Судењето се очекува да започне во јули следната година и да трае три месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем пожар во туристички регион во Турција: Евакуирана болница и десетици куќи (ВИДЕО)

Голем шумски пожар што избувна во туристичкиот регион Мугла во југозападна Турција доведе до евакуација на жителите и затворање на еден главен пат.

Голем пожар во туристички регион во Турција: Евакуирана болница и десетици куќи (ВИДЕО)

Десетици домови се евакуирани, како и одделението за интензивна нега во локалната болница, а автопатот помеѓу Фетије и Анталија е затворен поради густ чад, објавува Бианет.

Пожар потпомогнат од ветер се прошири

Пожарот избувна на обработливо земјиште во населбата Бајир во округот Сејдикемер во Турција. Силните ветрови потоа го проширија во блиската шума. Пожарот се гаси од воздух и од копно, а според соопштението од канцеларијата на гувернерот на Мугла, на терен се распоредени речиси 400 луѓе, пет авиони и 12 хеликоптери.

Превентивни евакуации

Како мерка на претпазливост, властите евакуираа 65 лица од 43 домови лоцирани во близина на местото на пожарот. Одделенијата за интензивна нега и палијативна нега на Државната болница Сејдикемер се исто така евакуирани. Болницата е оддалечена околу 2,5 километри од пожарот.

Прекин во сообраќајот

Автопатот што ги поврзува Анталија и Сејдикемер е затворен за сообраќај. Властите соопштија дека пожарот и густиот чад целосно го покриле подрачјето, што го направило сообраќајот небезбеден.

Тагови: пожар турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ал-Итихад му понудил на Меси рекордни 1,5 милијарди евра, но тој ги одбил

Претседателот на саудискиот клуб Ал-Итихад, Анмар Ал Хаили откри дека бил подготвен да го урне светскиот рекорд за највреден договор во спортот само за да го доведе Лионел Меси.

Ал-Итихад му понудил на Меси рекордни 1,5 милијарди евра, но тој ги одбил

Според првиот човек на Ал-Итихад, клубот му понудил на капитенот на Аргентина фантастични 1,5 милијарди евра по заминувањето од ПСЖ, за трансвер во Саудиска Арабија, но Лео без двоумење ја одбил понудата и се решил кариерата да ја продолжи во Интер Мајами.

„Му понудивме 1,5 милијарди евра, но тој ја одби понудата затоа што неговото семејство сакаше да живее во Мајами“, изјави Ал Хаили.

Еден од најдобрите светски фудбалери во историјата без многу размислување ја одбил фанстатичната понуда бидејќи сакал да остана доследен на своите лични приоритети и изборот во иднина да продолжи да живее во САД иако саудискиот клуб бил подготвен да понуди историски договор.

39 годишниот Меси по заминувањето од Париз, од 2023 живее во Мајами во САД, каде го носи дресот на Интер Мајами.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на работен состанок за реформската агенда: Остануваме посветени на спроведување на реформите

Премиерот Мицкоски денеска одржал работен состанок посветен на реформската агенда, на кој преку онлајн обраќање учествувал директорот на Генералниот директорат на европската комисија за проширување и источно соседство, Герт Јан Копман.

Мицкоски на работен состанок за реформската агенда: Остануваме посветени на спроведување на реформите

На состанокот се зборувало за досегашниот напредок, следните чекори и координацијата меѓу институциите, со цел реформските процеси да продолжат ефикасно, навремено и во согласност со утврдените приоритети. На состанокот на кој учествувал и заменик министерот за јавна администрација Лазе Јаќимовски, во фокусот биле и реформите во јавната администрација, информираа од ресорното министерство

Остануваме посветени на спроведување на реформите што ќе придонесат за поефикасни институции, подобри услуги за граѓаните и забрзан напредок на државата, изјави денеска Мицкоски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер