Свет

Девет бунтовнички групи се собраа против етиопската Влада и најавија марш кон Адис Абеба

Поради „ескалацијата" на конфликтот на северот на земјата, САД вчера ги повикаа своите граѓани да ја напуштат Етиопија „што е можно поскоро".

Девет етиопски бунтовнички групи вчера прогласија Алијанса против владата на премиерот Абиј Ахмед, и предводени од Националниот ослободителен фронт на Тиграј (ТПЛГ) се закануваат дека ќе маршираат кон главниот град Адис Абеба.

Поради „ескалацијата" на конфликтот на северот на земјата, САД вчера ги повикаа своите граѓани да ја напуштат Етиопија „што е можно поскоро".

Федералната влада веќе една година војува против борците на Националниот ослободителен фронт Тиграј (TPFL) кои во последните месеци напредуваа кон другите соседни региони, особено во областа Амхара.

ТПЛФ и нивниот сојузник Ослободителната војска на Оромо (ОЛА), вооружена група на народот Оромо, не исклучуваат марш до Адис Абеба за соборување на Абиј Ахмед.

Неговата влада демантира дека има каква било закана.

ТПЛФ и ОЛА вчера соопштија дека ќе се обединат против владата со уште седум други помалку познати организации од различни региони и нации.

ТПЛФ кон крајот на 1980-тите години веќе беше во коалиција со други етнички и географски групи, пред соборувањето на автократот Менгисту Хајлемариам во 1991 година. Таа коалиција, во која доминираше ТПЛФ, ја водеше земјата речиси 30 години пред протестното движење што го донесе Ахмед на власт во 2018 година.

Кога стана премиер, Ахмед постепено ја отстрани ТПЛФ од федералната власт.

По неколкумесечни тензии, Ахмед, кој во 2019 година ја доби Нобеловата награда за мир, лани во декември испрати војска во Тиграј за да ги собори регионалните власти формирани од ТПФЛ, обвинувајќи ги дека ги нападнале федералните воени бази.

Двете страни се глуви на повиците на меѓународната заедница за примирје и преговори и продолжуваат со војната.

Во Етиопија во вторникот беше прогласена вонредна состојба, со која на властите им се дозволува да го приведат без налог секое лице осомничено за поддршка на „терористички групи" и да ги затворат медиумите кои „обезбедуваат директна или индиректна морална поддршка на ТПЛФ„"

Шоу биз

Фото: Британска манекенка ужива на одмор во Дубровник

Британската манекенка Ферне МекКан веќе одлучила да замине на одмор. Деновиве таа ги покажа своите фотографии од Хрватска. Како што откри таа е на одмор во Дубровник и околината.

„Верувајте си дека ќе го изберете она што е соодветно за вас. Најубавиот ресторан на островот. Каков прекрасен, посебен ден во Хрватска“, напиша таа во описот на фотографијата на која позира во црн костим за капење.

Дејли мејл известуваше за нејзиниот летен одмор во Хрватска. „Ферне МекКан ја истакнува својата неверојатна фигура во црно бикини додека се сонча во Хрватска“, гласи насловот на нивната статија.

Ферне неодамна изјави дека ослабела многу откако ја родила ќерката Финти, а многумина ја фалат затоа што покажала реален поглед на нејзиното тело. „Сакам да гледам реални фотографии, сите имаме целулит и маани кои попрво би ги немале, но добро е да ги славиме. Благодарам Ферне за искрената објава“, гласи пофалбата на еден следбеник.

Од 2022 година, Ферне е во врска со бизнисменот Лори Хејнс, со кој ја има ќерката Финти. Тој има уште една ќерка, од претходната врска.

Свет

Бајден настапи пред дипломците на Морхаус колеџот во Џорџија

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

Претседателот на САД, Џо Бајден во денешното обраќање пред дипломците во Морхаус, високообразовна установа од Џорџија каде мнозинството студенти се афроамериканци, прати пораки од неговата предизборна кампања за зацврстување на врските со младите од етничките малцинства.

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

- Сакам сите да запаметите, кога не избраа први ни велеа дека нема да направиме ништо значајно. Но ние направивме се. Благодарејќи вам … Мошне многу ценам што ми дадовте можност за повторен настап тука, изјави претседателот во обраќањето до дипломците на Морхаус.

Тој говореше и за својот соперник на претстојните избор – поранешниот претседател Доналд Трамп.

- На овие избори многу е ставено на коцка, мошне многу. Станува збор не за мене, туку за алтернативата … Работата е во тоа што тој (Трамп) изложи што имено планира да прави (ако биде избран). И републиканците во Претставничкиот дом ќе кажат и моите колеги ќе кажат, што тие имено ќе прават ако победат, рече Бајден.

Колеџот Морхаус е основан во 1867 година како машки колеџ за школување на црномурести кои скоро биле ослободени од ропство. Еден од они кои дипломирале тука е и Мартин Лутер Кинг помладиот.

Морхаоус е голем град во Џорџија со има значајна улога во претседателската трка во 2024 година. Бајден овде во 2020 година стана првиот кандидат за претседател од Демократската партија кој доби поддршка од оваа држава по Бил Клинтон во 1992 година.

Бајден денеска попладне патува во посета на Мичиген, каде ќе учествува на настан организиран од Детроитски фонд за борба за слобода. /МИА

Ракомет

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

притисни ентер