Дете падна од вртелешка во забавен парк (Вознемирувачко видео) - Канал 5

Свет

Дете падна од вртелешка во забавен парк (Вознемирувачко видео)

Возење во забавен парк оставило 13-годишно момче со повеќе скршеници откако во текот на возењето испаднало од седиштето на рингишпилот.

Дете падна од вртелешка во забавен парк (Вознемирувачко видео)

Момчето отишло да се провози со рингишпилот Pendulum 360 кога се случил хоророт. Вртелешката направи полн круг и ја забави брзината на врвот, оставајќи ги патниците да висат наопаку, што е дел од самата атракција, објави Dailymail.

Меѓутоа, кога гондолата почнала да се спушта, детето очигледно се лизнало од седиштето и било видено како виси и се фаќа за шипката, додека рингишпилот продолжил да се врти.

Вознемирувачката сцена ја снимил посетител на паркот Јатим во Бату (Индонезија) на 8 април оваа година. Момчето завршило паѓајќи од висина од околу два метра. Веднаш бил пренесен во болница каде било констатирано дека има две скршеници на десната рака и скршеница на десната нога.

Полицијата нареди привремено да се прекине возењето со вртелешката Pendulum 360. Атракцијата, која се наоѓа во Јатим Парк 1, се рекламира како возење со „адреналин“ што им овозможува на патниците „да почувствуваат како е да се вртат 360 степени“.

Момчето било во посета на забавен парк со тројца пријатели кога се случила несреќата околу 16 часот. Руди Кусвојо, началник на полициската единица за криминал во Бату, рече дека пред да започнат со возењето, работниците ги извршиле сите задолжителни безбедносни проверки, вклучително и проверки на појасот, и дека тие функционирале правилно во тој момент.

Руди потврди дека безбедносниот појас на седиштето број 5 бил проверен пред ненадејно да откаже. Истрагата за причините за инцидентот се уште е во тек. Момчето е згрижено во болница и моментално се опоравува.

Тагови: дете вртелешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 100 денари литар дизел – ново зголемување откако Мицкоски најави намалување на цените

Дизелот денеска повторно поскапува, трет пат по ред, откако Мицкоски најави намалување на цената. Сега еден литар дизел ќе изнесува речиси 100 денари.

СДСМ: 100 денари литар дизел – ново зголемување откако Мицкоски најави намалување на цените

Како што веќе рековме, секогаш кога Мицкоски ќе најави мерки за намалување на цените, веднаш следува ново поскапување.

По неговите најави - не еднаш, туку три пати се случува поскапување на дизел горивото.

Граѓаните веќе имаат страв од најавите на Мицкоски.

Знаат дека ќе поскапи сè, бидејќи со поскапување на дизелот поскапува транспортот, храната и останатите цени.

Сега веќе е потврдено, секоја „мерка“ на Мицкоски за намалување на цените - носи ново поскапување.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Жерновски е талогот на општеството, 20 години на државна сметка ја цица државата и објаснува како не му се допаѓа системот

СДС се препозна и се прогласи за талог на општеството, а еден од основоположниците на тој талог е токму нивниот неуспешен амбасадор Жерновски. 

ВМРО-ДПМНЕ: Жерновски е талогот на општеството, 20 години на државна сметка ја цица државата и објаснува како не му се допаѓа системот

Токму тој Жерновски е талогот на општеството, кој е дел и основач на системот во државата, кој 20 години е на државна сметка и ја цица државата и беседи како тоа државата не му се допаѓа и како тоа системот треба да се промени.

Системот беше досега таков, затоа што со децении лица како Жерновски, Заев и Филипче го крадеа и уништуваа. Ликови како овие тројца, ја продаваа државата и ја понижуваа на секој можен начин, само за да си го зголемат својот џеб да им биде подлабок и на тој начин сметаат дека треба да функционира една држава.

Тој систем веќе 2 години се менува. Новиот систем е предводен од чесни политичари кои мислат на граѓаните и нивните интереси, а не на својот џеб.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Континуирани вонредни инспекциски надзори низ Карпош

Комуналната и градежната инспекција на Општина Карпош продолжува со спроведување на вонредни инспекциски надзори, особено во вечерните часови.

Континуирани вонредни инспекциски надзори низ Карпош

Општинските инспекциски служби извршија теренска контрола и обиколка на урбаната опрема поставена пред угостителските објекти и локали на територијата на Општина Карпош.

При контролите, комуналниот и градежниот инспектор констатираа неправилности кај неколку угостителски објекти, при што на еден правен субјект му беше изречена глоба, а беа издадени и неколку опомени поради отстапувања од одобрениот Елаборат за урбана опрема.

Општина Карпош повторно упатува апел до сите сопственици на угостителски објекти доследно да ги почитуваат законските одредби и условите утврдени со Елаборатот за урбана опрема.

Инспекциските контроли продолжуваат и во наредниот период, со цел обезбедување на почитување на законските прописи и уредно функционирање на јавниот простор на територијата на општината.

Општина Карпош

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер