Шпанскиот клуб Барселона продолжува да се стреми да ги среди своите финансии додека се подготвува да се обиде да потпише со Луис Дијаз од Ливерпул во летниот преоден рок, пишува весникот „Мундо Депортиво“, додавајќи дека клубот од Ла Лига веројатно ќе мора да се раздели со неколку играчи за да ги испочитува правилата за финансиски фер-плеј.

Покрај тоа, договорите на некои играчи што Барселона веќе ги продаде имаат клаузули за следната продажба што би можеле да обезбедат дополнителен приход. Франциско Тринкао од Бенфика, Оскар Мингеса од Селта Виго и Мика Мармол од Лас Палмас имаат клаузула за продажба од 50 отсто во нивните договори.

Управата на Барселона позитивно ја започна својата работа во летото откако заштеди 20 милиони евра со трансферот на Клемент Ленгле во Атлетико Мадрид. Каталонците се надеваат и дека ќе го продадат Ансу Фати во блиска иднина, што треба да обезбеди клубот да нема проблеми со потпишувањето нови играчи.

Од Министерството за образование и наука денеска соопштија дека приоритет ќе имаат апликанти кои сакаат да студираат во областа на наука, технологија, инженерство и математика (СТЕМ), како и медицински и здравствени науки и земјоделство.

Меморандумот за разбирање со кој се регулира соработката во рамките на Програмата Стипендиум Хунгарикум за периодот 2026–2028 година денеска го потпишаа министерката за образование и наука Весна Јаневска и унгарскиот министер за надворешни работи и трговија Петер Сијарто.

Меморандумот предвидува студентите да добиваат платена школарина, сместување во студентски домови во кампусот на високообразовната институција или средства за покривање на трошоците за сместување, право на здравствени услуги, користење на бесплатни библиотечни услуги, како и месечен надоместок за покривање на основните трошоци.

- Министрите Јаневска и Сијарто се согласија дека потпишувањето на Меморандумот ги потврдува и јакне пријателските односи меѓу двете земји и ја унапредува соработката во областа на високото образование, во интерес на развој на општество базирано на знаење, се наведува во соопштението.

Стипендиите ќе се доделуваат за редовни додипломски, постдипломски, едностепени магистерски студии и за докторски студии. Исто така, и за скратени студии од три до десет месеци за стекнување академски кредити.

Хамилтон ја опиша неодамнешната трка за Големата награда на Шпанија, каде што Ферари му нареди да отстапи позиција на колегата Шарл Леклер, а потоа беше претекнат од возачот на Заубер, Нико Хулкенберг, како една од најлошите што некогаш ги доживеал.

Британскиот возач е 23 поени зад Леклер и 115 зад лидерот во шампионатот Оскар Пјастри пред трката за Големата награда на Канада овој викенд.

Зборувајќи за медиумите пред трката во Монтреал, Хамилтон (40) изјави за својата иднина: „Тукушто почнав со тимот. Ќе бидам тука неколку години и ќе бидам достапен долгорочно. Нема сомнение каде ми е главата и што сакам да постигнам со тимот. Нема сомнение за тоа, затоа ве молам престанете да измислувате работи“.

Откако премина од Мерцедес, Хамилтон го освои спринтот во Кина во март, но неговиот моментален биланс за Ферари е 10-то место, дисквалификација, седмо, петто, седмо, осмо, четврто, петто и шесто место.

Ферари сега се 197 поени зад Мекларен во шампионатот на конструктори, а извештаите во Италија сугерираат дека позицијата на Фред Васер како шеф на тимот е под закана.

-Не мислам дека тоа е можно, колку што знам. Секако не би го поддржал тоа. Пред се, сакам да работам со Фред. Тој е главната причина зошто сум во овој тим и добив можност да бидам тука поради него, за што сум вечно благодарен. Во ова сме заедно, работите не се совршени. Тука сум да работам со тимот, но и со Фред. Верувам дека тој е човекот што ќе нè однесе до врвот, додаде Хамилтон на оваа тема.