Десетици ученици се отпишале од училиштето во Белград, каде Коста К. направи масакр - Канал 5

Балкан

Десетици ученици се отпишале од училиштето во Белград, каде Коста К. направи масакр

Од почетокот на учебната година од ОУ „Владислав Рибникар“ се отпишале 60 ученици, откако на почетокот на мај се случи трагедија без преседан во поновата историја на Србија, изјави српската министерка за образование Славица Ѓукиќ Дејановиќ.

Десетици ученици се отпишале од училиштето во Белград, каде Коста К. направи масакр

На 3 мај во училиштето се случи масовно убиство кога тринаесетгодишниот ученик Коста К. со пиштолот на својот татко на првиот час уби чувар и девет ученици, а тешко рани уште пет соученици и наставничка.

„Мораме да разбереме дека децата, чии пријатели, браќа, сестри повеќе не се таму, не можат да одат во тоа училиште“, изјави Ѓукиќ Дејановиќ за новинарите во Белград. Таа изјави дека денес училиштето има повеќе од 1.000 ученици и „целата помош и поддршка од државата“.

Учебната година во Србија започна овој септември со контроверзи околу тоа дали по масовното убиство во Рибникар државата ги презела сите мерки децата во училниците да се чувствуваат безбедно и безгрижно, а нивните родители да бидат спокојни.

Од почетокот на учебната година полициски службеници дежураат во сите училишта, а Министерството за образование на сите училишни управи им испратиле упатства за работа, особено во однос на безбедноста на учениците. Учениците од петто до осмо одделение добиле и нова воннаставна активност, а предметот е наречен Доблести и вредности како животен компас.

13-годишниот ученик, кој по злосторството сам се пријавил во полиција, се уште е под надзор во специјализирана психијатриска установа, а неговиот татко, чиј пиштол бил употребен за извршување на убиството, е во притвор.

Полицијата го уапсила таткото за тешко кривично дело против општата безбедност, откако било утврдено дека синот го носел на стрелишта на вежбање стрелање, а двата пиштоли и муницијата за кои поседувал соодветни дозволи, ги оставил во сеф достапен за неовластени лица.

Во меѓувреме, притворот му е продолжен, меѓу другото и поради тоа што кривичното дело за кое се товари предвидува затворска казна над 10 години.

Убиствата во училиштето, а еден ден подоцна и во две села каде што 21-годишник уби осум претежно млади луѓе, а рани уште 14, предизвикаа масовни протести наречени „Србија против насилството“, повикани од проевропската опозиција со цел да се престане со поттикнување насилство во политиката, јавниот простор и медиумите. Тие собири се претворија во масовен граѓански бунт, на кој се приклучија студенти, синдикати, невладини организации, здруженија и движења, а поддржани од актери и академската заедница на универзитетски професори и научници.

Протестите се уште траат, но веќе не се масовни како во првите месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Тензично во Тирана: Полицијата со водени топови и солзавец, студентите со бехатон плочки и запалени контејнери (ВИДЕО)

Демонстрантите се судрија со полицијата пред Министерството за образование во Тирана. 

Тензично во Тирана: Полицијата со водени топови и солзавец, студентите со бехатон плочки и запалени контејнери (ВИДЕО)

Со слоган на кој пишуваше „Рама во затвор, Бериша во затвор“, студентите јасно им ставија до знаење на демократите дека не се поканети на нивниот протест пред Министерството за образование, објави Топ ченел.

Демократските пратеници не заминаа, туку останаа на крајот од протестот, набљудувајќи ги од далечина поддржувачите кои се судрија со оние кои бараа нивниот претседател да биде во затвор.

Попладнево демонстрантите запалија два контејнера, а полицијата одговори со бибер спреј и солзавец. Агресивните демонстранти беа растерувани со водени топови.

Тагови: водени топови Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Епилог на трагедијата во Шпанија: Европското обвинителство поведе истрага за злоупотреба на пари при реновирање на пругата

Европското обвинителство денеска соопшти дека покренало истрага за можна злоупотреба на средствата на Европската унија (ЕУ) за време на реновирањето на пругата меѓу Мадрид и Севиља.

Епилог на трагедијата во Шпанија: Европското обвинителство поведе истрага за злоупотреба на пари при реновирање на пругата

Европското обвинителство денеска соопшти дека покренало истрага за можна злоупотреба на средствата на Европската унија (ЕУ) за време на реновирањето на пругата меѓу Мадрид и Севиља, каде на 28 октомври се случи тешка железничка несреќа во која загинаа 69 лица.

Агенти на Централната оперативна единица (УЦО) на Цивилната гарда пристигнале во седиштето на Управата за железничка инфраструктура (АДИФ), Државната агенција за безбедност на железницата (АЕСФ) и Ревизорскиот суд за да подигнат документи, пренесува „Паис“.

Истрагата е покрената на иницијатива на тоа обвинителство по трагичната несреќа на 28 октомври во Урда.

Ова не е прв пат Европското обвинителство, независно тело задолжено за истрага на злосторства кои ги загрозуваат финансиските интереси на ЕУ, да покрене истрага за работите на тој дел од шпанската железница.

Тоа тело покрена истрага и по железничката несреќа во Адамуз во јануари годинава, кога загинаа 46 лица.

Во двата случаи, фокусот на истрагата е да се утврди како Шпанија искористила субвенција од 111 милиони евра доделена од Брисел во јуни 2024 година за големото реновирање на железничката линија Мадрид-Севилја, која е најстарата брза линија во Шпанија.

Европското обвинителство побара договори и досиеја за работи поврзани со делниците каде што се случија несреќите.

Обвинителството има истражен модел сличен на оној на многу земји на ЕУ, во кои обвинителите ја водат истрагата, додека судијата назначен во Шпанија е единствено одговорен за надзор над напредокот на постапката во согласност со законските гаранции, надзор на мерките што ги ограничуваат основните права, како што се претреси на куќи или прислушување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Застрелан полицаец од блиску пука во напаѓачот во Краков (Вознемирувачко видео)

Драматично видео од полициската интервенција по денешната пукотница на главниот градски плоштад во Краков, Полска, во која загинаа пет лица, а повеќе од десет беа повредени, се појави на социјалните мрежи. 

Застрелан полицаец од блиску пука во напаѓачот во Краков (Вознемирувачко видео)

Видеото го објави и полскиот портал Niezależna.pl, наведувајќи дека го прикажува моментот во кој полицаецот пука во напаѓачот.

На видеото се гледа полицаец како стои над маж во маскирна облека и пука во него. Недолго потоа, полицаецот исто така паѓа на земја, веројатно ранет.

Полицијата потврди дека напаѓачот е ранет и уапсен

Полската полиција потврди дека напаѓачот е ранет и уапсен за време на интервенцијата.

„Во инцидентот на главниот плоштад, пет лица загинаа, а повеќе од десет беа повредени. Полицајците го раниле сторителот и тој во моментов е превезен во болница. Интервенцијата на службите на местото на настанот сè уште е во тек“, објави полицијата.

Полицијата, исто така, потврди дека меѓу повредените има полицајци, но сè уште не објавила детали за нивните повреди.

Влегол на плоштадот со автомобил и почнал да пука

Нападот се случил околу 15 часот во историскиот центар на Краков, една од најпосетуваните туристички области во Полска.

Според полициското соопштение, мажот влегол на главниот градски плоштад со автомобил и почнал да пука кон минувачите.

„Во тек е полициска операција на главниот плоштад во Краков. Околу 15 часот, еден маж почнал да пука кон случајни луѓе од автомобилот што го користел за да влезе на плоштадот. Сторителот е уапсен“, објави полицијата.

Првичните информации беа за двајца мртви, но полицијата подоцна потврди дека бројот на мртви се искачил на пет.

Идентитетот на напаѓачот и мотивот за пукањето се уште се непознати. Полицијата продолжува да ги истражува околностите на нападот.

Тагови: краков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер