Шоу биз

Дениз Ричардс во ново реално шоу

Дениз Ричардс и нејзиното семејство ќе добијат свои 30-минутни „комични документарни епизоди“ коишто ќе се прикажуваат во 2025 година.

Работниот наслов за реалното шоу е „Денис Ричардс и дивите нешта“, што некои обожаватели можеби ќе ги потсети на еден од најпознатите нејзини филмови - еротиката „Диви нешта“ од 1998 година.

„Моето семејство и јас сме воодушевени што се враќаме дома во ‘Е!’. Семи и Лола имаа само 3 и 4 години кога првпат ја споделивме нашата приказна и сега го заокруживме тоа... (Продуцентот) Алекс Баскин и јас се запознавме кога се приклучив на „Вистинските домаќинки“ и ми се допадна работата на тоа шоу. Ова е совршено партнерство за шоуто за нашето семејство бидејќи нашите животи се полни со забава, љубов и непредвидливост и едвај чекаме публиката да ја сподели оваа авантура со нас“, изјави Ричардс преку соопштение за медиумите.

Како што објави „Ентертејнмент“, глумицата и претходно имаше свое реално шоу - „Дениз Ричардс: Комплицирано“, коешто се емитуваше на „Е!“ од 2008. до 2009 година. Познатата „Бонд девојка“ се појави и во две сезони во „Вистинските домаќинки од Беверли Хилс“ во 2019 и 2020 година.

Дениз Ричардс ја роди својата прва ќерка Семи, додека беше во брак со Чарли Шин во 2004. и втората - Лола, во 2006 година. А пак, во 2011 година Ричардс ја посвои и третата своја ќерка Елоиз. За Арон Фајперс се омажи во 2018 година, кој ја посвои Елоиз следната година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.