Деми во проѕирен фустан ги предизвика хејтерите и ги покажа облините (ФОТО)

Британската манекенка, инфлуенсерка и диџеј е позната единствено врз основа на нејзиниот секси изглед.

Минијатурни костуми за капење, исончан тен, забави и плажи - тоа е за сè што секогаш се пишува за Деми Роуз.

Нејзините облини редовно се опишуваат како „бујни“ и „примамливи“, а фотографиите на Инстаграм „послободни“ и „фотошопирани“.

- Дали сте малку уморни? Но не од вежбање, туку од користење апликации - и пишаа нејзините следбеници.

Деми деновиве ги поминува летото во Ибица, каде се појави во скуден костум за капење и со потполно проѕирен фустан , со што покажа дека навистина не се грижи за тоа што некој мисли за неа.

Таа се наметна во светот на шоу-бизнисот со тоа што е поранешна девојка на раперот Тајџ, поранешното момче на славната Кајли Џенер.

Нејзиното полно име е Деми Роуз Мејби и има 25 години.

Родена е во Бирмингем и е на Инстаграм уште од 18 години.

Таа се здоби со армија од импресивни 14,2 милиони следбеници кога започна да објавува сензуални селфи.

- На училиште бев доста популарна на МајСпејс, а потоа се префрлив и на Инстаграм. Малку беше чудно кога луѓето почнаа да ме препознаваат на улица, но јас се навикнав – изјави Деми.

Тогаш, таа започна да прима бројни понуди за работа. Така, потпиша договор со модна агенција, а исто така започна и сопствена бикини линија за „секси жени со поголема позадина“. Покрај тоа, работи во клубови како диџеј, и го поминува целото лето пуштајќи музика на Ибица.

Наскоро, таа собра богатство од 4 милиони долари.

Свесна за нејзиниот атрактивен изглед, Деми сепак верува дека внатрешната убавина е клучна.

Така, во описот на својот профил на Инстаграм, таа напишала дека љубезноста го прави човекот најубава личност на светот, без оглед како изгледа.

Пред две години, таа минува низ, како што вели, најтешките моменти од животот.

Нејзиниот татко Бари (80) починал, а само осум месеци подоцна, починала и нејзината мајка Кристин (63). Тоа ја скршило.

- Ми недостасува многу. Тешко ми е да се справам со тоа колку животот се менува и колку треба да бидам силна. Не е сè совршено цело време и немам секогаш самодоверба - манекенката признала во неодамна објавеното видео на Инстаграм на кое се гледа како плаче.

Во моментов е сингл и во потрага по нова љубов, зашто веќе раскинала со Тиго, а познанството со раперот Дрејк не прерасна во врска.Таа се надева дека ќе најде некој што ќе ја поддржи во животот.

- Ме малтретираа кога бев дете, ме малтретираа на училиште и ме повредија многу блиски луѓе. Исто така, минав низ многу тага кога изгубив две лица што најмногу ги сакам на светот. Сè уште се обидувам да го надминам сето тоа, но сфаќам дека тоа ме обликува во личноста каква што сум денес - рече Деми на Инстаграм.

Албанската полиција уапси косовска пејачка поради шверц на оружје

Албанската полиција ја уапси пејачката Фиола Морина на граничниот премин Морина, под сомнение дека сакала да прошверцува огнено оружје преку границата.

Според агенцијата Миа Ора, пиштолот е пронајден во чантата на пејачката, а по претресот на нејзиното возило, полицијата пронашла и пиштол кој изгледал како запалка.

„При контролата, во торбата на Ф.М. (34), која била пријавена во Приштина, Косово, граничната полиција открила и како доказ запленила огнено оружје од типот„Зораки “ со 23 куршуми. Пиштол кој изгледаше како запалка е пронајден во багажникот на возилото “, соопшти албанската гранична полиција.

Притворени се и придружниците на пејачката, Ф. М. (29), исто така од Косово и Ф., С. (29) од Белгија.

Судијата наместо Ѓоковиќ, рече Федерер,Новак налутено изреагира (ВИДЕО)

Новак Ѓоковиќ потешко од очекувањата се пласираше во полуфиналето на турнирот во Рим.

Српскиот тенисер го совлада 97-от играч во светот, Германецот Доминик Коефер, со 6: 3, 4: 6, 6: 3. Мечот го обележа судискиот гаф по третиот гем од третиот сет.

Ѓоковиќ имаше три брејк-топки и веднаш ја искористи првата, а судијата по завршувањето на бодот рече: „Гем, Федерер“.

На најдобриот светски тенисер не му се допадна тоа што судијата го смени со легендарниот швајцарски тенисер кој воопшто не игра во Рим, па го исправи на патот кон клупата и му го кажа ссвоето презиме.

Бројот на заболени во Турција надмина 300.000, докторите се сомневаат во податоците

Вкупниот број нови инфекции со коронавирус во Турција денеска надмина 300 000, соопшти Министерството за здравство на земјата, додека властите се обидуваат да го спречат новото брзо ширење на инфекцијата, а лекарите се сомневаат во официјалните бројки

Турското Министерство објави дека се регистрирани 1538 нови случаи на инфекција во последните 24 часа, а имало вкупно 301.348 од почетокот на ширењето на ковид-19. Бројот на смртни случаи од оваа болест се зголеми за 68, на 7445.

Претседателот Реџеп Таип Ердоган вчера рече дека владата треба да ги засили епидемиолошките мерки за да го спречи зголемувањето на новите случаи на инфекција.

Новиот значителен пораст на бројот на заразени во Турција предизвика тензии меѓу лекарите кои велат дека официјалните податоци го минимизираат ширењето на болеста и политичарите кои ги обвинуваат здруженијата на здравствени работници за поткопување на напорите за борба против епидемијата.

Дневно се пријавуваат околу 1.600 нови инфекции и 60 смртни случаи, што е значително помалку отколку во екот на епидемијата во април, но тие бројки стабилно растат и просечниот дневен биланс на смртни случаи сега е трипати поголем отколку во јуни-август.

Лекарите во Турција носеа црни панделки оваа недела во спомен на нивните мртви колеги, а протестот вклучува кампања на социјалните мрежи со порака до владата: „Вие не знаете како да управувате со кризата: исцрпени сме“.

Многу лекари се сомневаат во официјалниот број на заразени лица и починати од ковид-19, тврдејќи дека иако немаат свои независни податоци за целата држава, размерот што го гледаат на локално ниво не е во согласност со пошироката слика претставена од владата.

Кампањата на лекарите предизвика остра реакција на сојузникот на Ердоган во парламентот, кој ги обвини за предавство и повика на затворање на медицинските здруженија.

„Турското лекарско здружение е исто толку опасно како коронавирусот и шири закани“, напиша на Твитер Девлет Бахчели од Националистичкото движење. Партијата на правдата и развојот на Ердоган (АКП) го задржува мнозинството во парламентот благодарение на сојузот со оваа партија.

„Здружението на лекари, кое го има зборот„ турски “во своето име, треба да биде затворено веднаш и без одлагање“, рече Бахчели.

Министерот за здравство Фахретин Коца ги отфрли критиките на здружението, велејќи дека тој постојано предупредувал на заканата од пораст на бројот на нови инфекции и не ги потценувал предизвиците со кои се соочуваат болниците.

„Велам дека ситуацијата е проблематична. Велам дека бројот на критични случаи е зголемен за 100 проценти во споредба со минатиот месец“, рече тој пред новинарите.

„Бројот на починати е 4,5 пати поголем од минатиот месец, но апсолутно нема грешка во податоците што ги објавивме во врска со оптоварувањето на здравствениот систем“, рече турскиот министер.

притисни ентер