Дедо од 110 години, не знае за болки во грбот и дели совети за долговечност! - Канал 5

Живот

Дедо од 110 години, не знае за болки во грбот и дели совети за долговечност!

Винсент Дренсфилд доживеал длабока старост и никогаш немал поголеми здравствени проблеми, тој секој ден вози автомобил.

Дедо од 110 години, не знае за болки во грбот и дели совети за долговечност!

Вообичаено е некој што доживеал длабока старост да лежи дома или евентуално да прошета до блискиот парк под будното око на најблиските. Меѓутоа, дали сте виделе некој самостојно да вози автомобил на 110 години? Винсент Дренсфилд е роден во 1914 година и со 110 години е осмиот најстар човек на светот. Овој старец неодамна откри како сè уште „успева да направи сè сам“, како и тоа дека живее сам во својот дом во Њу Џерси во последните 79 години.

Според „Тудеј“, овој стогодишен старец речиси цел живот немал поголеми здравствени проблеми, срцеви проблеми или рак, и дека само два пати бил под анестезија. Неговата внука Ерика Лист открива дека нејзиниот дедо нема ни болки во грбот ниту обична главоболка.

Зад сето тоа, како што открива тој, стои активниот социјален живот, многу движење и урамнотежена исхрана. Покрај тоа, тој сподели кои навики му помогнале да доживее длабока старост.

YouTube video

Секој ден пие млеко

Дренсфилд изјавил дека темелите за долг живот ги поставил уште во детството, за време на Големата депресија, кога како 15-годишно момче работел на фарма за крави, доставувајќи млеко.

Тоа што секојдневно пиел млеко смета дека е добар почеток за зачувување на коските. Според него, кравјото млеко е богато со протеини и помага во одржување на мускулната маса на постара возраст, наведува businessinsider.com. Овој стогодишник и ден-денес ужива да пие млеко, а на прославата на својот стоти роденден, овој напиток им го понудил на гостите.

Јаде што сака, дури и слатки

Овој старец има урамнотежена исхрана и претпочита медитеранска исхрана која е богата со посни протеини. Неговите прехранбени навики се флексибилни, па како и секој од нас, знае да изеде и хамбургер, чоколада и слатки. Покрај тоа, тој јаде храна и од микробранова печка, како и онаа од локалните ресторани.

Внуката на Винсент открива дека тој никогаш немал проблем со килограмите и секогаш јадел што сака бидејќи бил во одлична форма.

Секогаш учи нешто ново

Долговечноста е поврзана со уживањето да се учат нови работи. Несомнено, пензионирањето со себе носи побрзо опаѓање. Дренсфилд отсекогаш сакал да работи, дури и на 60 години. Тој се пензионирал во доцните 70-ти по барање на неговата сопруга.

Активен е дури и кога не работи

Виталниот старец е активен сите овие децении иако никогаш не вежбал во сала. Домашните работи ги извршува сам, редовно оди на долги прошетки и прави лесни вежби. Волонтерската работа со неговиот противпожарен оддел, која ја започнал на 21-годишна возраст, го одржувала во движење сите овие години.

Го одржува својот социјален живот

Иако на многумина им звучи чудно, експертите истакнуваат дека една од универзалните тајни на долговечноста е активниот социјален живот и добрите односи со луѓето. Иако сопругата на Дренсфилд починала во 1992 година, тој сè уште одржува контакти со семејството: единственото дете, трите внуци и седумте правнуци.

Тој истакнува дека внуците го посетуваат неделно и секојдневно му се јавуваат да видат како е. Винсент одржува добри односи и со пријателите од пожарникарското здружение кои му биле утеха по смртта на неговата сопруга. Овој старец своето добро здравје го припишува на блиските релации.

– Познавањето на луѓето и љубовта кон нив прави да живеам подолго – истакнува тој, а пренесува bussinesinsider.com.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер