Нејзината ненадејна смрт се истражува како убиство, соопштија судски извори. Манекенката Имане Фадил почина во болницата во Милано на 1 март , каде отишла поради силни болки во стомакот. Тогаш на своите пријатели и на адвокатот им рекла дека е отруена.
Имане на судењето на Берлускони во 2012 сведочеше против него за плаќање малолетни проститутки на неговите забави.
Поранешниот премиер прво беше осуден , а потоа ослободен во жалбената постапка. Подоцна е осуден за затајување данок и мораше да работи општо корисна работа.
Главниот обвинител на Милано , Франческо Греко изјави дека во медицинската документација на Имане има многу неправилности.
,,Докторите со сигурност не открија никаква тешка болест , што би можела да ја објасни нејзината смрт.” изјави обвинителот.
Италијанските медиуми пишуваат дека манекенката пишувала книга за проживеаните години во раната младост , а судиите добија копија од ракописот.
Репутацијата на некогаш моќниот италијански премиер и медиумски магнат беше многу нарушена по обвинението за ,,бунга-бунга” забавите.