Дали државата е подготвена за посериозна реформа на пензискиот систем? - Канал 5

Македонија

Дали државата е подготвена за посериозна реформа на пензискиот систем?

Дали државата е подготвена за посериозна реформа на пензискиот систем, по алармантните податоци за состојбите во првиот и вториот пензиски столб? 

Дали државата е подготвена за посериозна реформа на пензискиот систем?

Најновиот извештај на Државниот завод за ревизија кој обелодени милионски долгови и доцнења на ⁠Фондот за пензиско и инвалидско осигурување кон приватните пензиски друштва и здравствениот сектор, како и проекциите на гувернерот Трајко Славески за несугрната иднина на идните пензионери, предизвика сериозни бранувања и загриженост во јавноста околу долгорочната стабилност на пензискиот систем.

Спас од ваквата состојба, економскиот аналитичар и поранешен минстер за финаснии Кирил Миновски гледа во реформа на пензискиот систем. Тој објаснува дека би требало да го следиме примерот на Хрватска која веќе го напушта системот со три пензиски фондови. Според него, голема е веројатноста во иднина да се исцрпат средствата од вториот пензиски фонд, а младите кои уплатувале да бидат вратени во првиот столб, а со да им биде загарантирана само минимална пензија.

„Реформите што беа направени во 2004 година со воведувањето на тростолбниот пензиски систем, во кој се сметаше дека со воведувањето на задолжителното капитално пензиско осигурување, средствата на осигурениците ќе бидат оплодувани на начин што ќе се обезбедат одржливи пензии, се покажа дека од оваа времеска дистанца не се оплодуваат во доволна мера, и голем дел од државите кои ги применија истите тристолбни реформи, веќе ги напуштија. Еден од примерите е Полска, исто и Хрватска. Последните показатели очигледно покажуваат дека ќе се јави проблем кај сите идни корисници на пензија.

Решенијата не се едноставни, во Полска на пример одеа во национализација на приватните пензиски фондови, а додека во Хрватска се примени модел на доброволност. Се разбира оваа реформа не се прави преку ноќ, треба да се направат сеопфатни подготовки и секој осигуреник и иден пензиски корисник ќе има адекватна можност да процени во која насока и што е поповолно за секој од него.“ – вели Кирил Миновски- економски експерт.

Според законските правила, доколку збирот од двата столба е под најниската пензија, државата има обврска да ја покрие разликата.

Сепак, иако бројките за буџетскиот дефицит на Фондот изгледаат алармантно, директорот на ПИОМ, Никола Мемов, во изјава за Канал 5, смируваше дека граѓаните немаат причина за паника.

Официјалната бројка од извештајот на Државниот завод за ревизија вели дека буџетската дупка во ПИОМ изнесува 36,71 отсто. Според официјалните податоци објавени од ревизорите, во текот на последната фискална година, изворните приходи од придонеси изнесувале 71,4 милијарди денари, додека расходите за пензии надминале 90,2 милијарди денари.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Забрана за пиење на водата во Гостивар, граѓаните бараат одговори – кој дозволи да се труеме?

Вонредна здравствена состојба во Гостивар.

Забрана за пиење на водата во Гостивар, граѓаните бараат одговори – кој дозволи да се труеме?

Поради загадена вода за само неколку дена дури 1.200 граѓани побарале медицинска помош. Пациентите, меѓу кои има и многу деца, се јавуваат со симптоми на труење.

Првичните информации од полицијата упатуваат на сомнеж дека локалниот водовод ја загадил водата со отпадни води во обид да го зголеми притисокот во мрежата.

Во меѓувреме издадена е забрана за пиење на водата во тој регион.

Во Гостивар е нашиот Дејан Србиновски, до имаме во живо.. Дејан каква е моменталната состојба на лицата кои се затруени?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Леброн Џејмс за својот иден НБА тим: Ќе биде забавно

Леброн Џејмс пред да избере нов НБА клуб изјави дека „без разлика каде ќе заврши оваа есен, ќе биде забавно“. 

Леброн Џејмс за својот иден НБА тим: Ќе биде забавно

Џејмс, кој влегува во својата 24-та сезона, неодамна објави на 41-годишна возраст дека ги напушта Лос Анџелес Лејкерс, со кои ја освои шампионската титула во 2020 година. И покрај ова, тој не се повлекува од кошарката и сака да им докаже на критичарите дека сè уште може да биде одлучувачки играч во лигата.

„Се надевам дека навивачите и критичарите ќе ме следат. Каде и да одам, ќе биде забавно, ќе го правам она што го правам најдобро. Ме мотивира кога ми велат дека повеќе не сум доминантен играч“, рече Џејмс и се осврна на своето време во Лос Анџелес: „Поминав осум одлични години со Лос Анџелес Лејкерс, една од најпознатите франшизи во светот. Ќе ми недостига. Со нетрпение очекувам што носи иднината додека полека влегувам во крајот на мојата кариера“.

Леброн Џејмс го држи рекордот во НБА по број на одиграни сезони (23), одиграни натпревари (1.622) и освоени поени (43.440). Досега има освоено четири титули во НБА, две со Мајами Хит, една со Кливленд и една со ЛА Лејкерс.

Мајами и Кливленд се опции за враќање, додека потенцијалните заминувања во Голден Стејт или Минесота би значеле дека би играл за четврти НБА клуб во текот на неговата тешко повторувачка кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пирати грабнаа танкер за хемикалии во близина на Јемен- бродот испрати повик за помош

Вооружени напаѓачи денеска се качија на танкерот за хемикалии Асана во Аденскиот Залив, покрај јужниот брег на Јемен, и се верува дека ја презеле контролата врз бродот. 

Пирати грабнаа танкер за хемикалии во близина на Јемен- бродот испрати повик за помош

Инцидентот беше објавен од извори за поморска безбедност, објави Ројтерс.

Сомневања за сомалиски пирати

Податоците од следењето покажаа дека малиот танкер, кој плови без потврдено знаме, го навел сомалиското пристаниште Босасо како своја дестинација. Еден безбедносен извор рече дека првичните проценки укажуваат дека нападот го извршиле сомалиските пирати, а не јеменските Хути, поддржани од Иран.

Околностите и состојбата на екипажот се нејасни

Организацијата за поморска трговија на Велика Британија (UKMTO) соопшти дека на бродот се качиле неовластени лица додека пловел во Аденскиот Залив, 65 наутички милји јужно од јеменското пристаниште Ал Мукала.

Британската фирма за управување со поморски ризици Вангард изјави: „Деталите за бројот на напаѓачи, околностите на нападот и состојбата на бродот и екипажот остануваат нејасни“. Службеник од грчката фирма за поморска безбедност Диаплус потврди дека јужнокорејски воен брод е испратен во областа.

Танкер без обезбедување

Британската фирма за поморска безбедност „Амбреј“ соопшти дека бродот упатил повик за помош околу 6:20 часот по Гринич во петокот и дека во времето на инцидентот немало вооружено обезбедување на бродот. Напаѓачите се осомничени дека се дел од организирана пиратска група.

Операторот на бродот е наведен во поморските бази на податоци како „Ексон Енерџи“ од Маршалските Острови, но неговите претставници не беа достапни за коментар.

Во меѓувреме, „Ројтерс“ во четвртокот објави, повикувајќи се на извори, дека Иран побарал од јеменските Хути да бидат подготвени да ги блокираат нафтените патишта во Црвеното Море доколку САД ја нападнат иранската енергетска инфраструктура, што претставува нова закана за глобалните резерви на енергија.

Тагови: Јемен Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер